Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

ஆஸி தோல்விக்கு முற்றுப்புள்ளி வைக்க தோனிக்கு 5 அறிவுரைகள்!

இந்திய அணி ஆஸிதிரேலியாவில் தொடர்ந்து இரண்டாவது போட்டியிலும் தோல்வியை தழுவியுள்ளது. இரண்டு போட்டிகளிலும் இந்திய அணியின் பேட்டிங் அபாரமாக இருந்தது ரோஹித் ஷர்மா இரண்டு போட்டிகளிலும் சதம், மோசமான ஃ பார்மில் இருந்த இந்திய துணை கேப்டன் விராட் கோலி இரண்டு போட்டிகளிலும் அரைசதம் என பேட்டிங் வரிசை வலுவாக இருப்பதும், ராஹானே, தோனியின் பேட்டிங்கும் கைகொடுத்தது. ஆனால் இரண்டு போட்டிகளிலும் தோனி அண்டு கோ சொதப்ப காரணம்ம் பந்துவீச்சு தான். தோனிக்கு ஆஸ்திரேலியாவில் தோல்வி தொடர்ந்து கொண்டே இருக்கிறது. அதற்கு தோனி தலைவலியாக இருப்பது இந்த 5 விஷயங்கள் தான். இதனை சரி செய்தால் போதும் இந்திய அணி மீண்டும் வெற்றி பாதைக்கு திரும்பும்.

ஒரு ஸ்பின்னர் உத்தி:

அஸ்வின், ஜடேஜா என இரண்டு ஸ்பின்னர்களை கொண்டு தடுமாறி வருகிறது. துணை கண்ட பிட்ச் போல 3 வேகப்பந்து வீச்சாளர், 2 ஸ்பின்னர்கள் உத்தி  ஆஸி ஆடுகளங்களில் எடுபடாது. எகிறி செல்லும் தன்மை கொண்ட ஆடுகளங்களில் 4 வேகப்பந்து வீச்சாளர்களை கொண்டு மிரட்ட வேண்டும். அதுவும் இஷாந்த், உமேஷ் போன்ற அதி வேகப்பந்துவீச்சாளர்கள் மணிக்கு 140 கி.மி வேகத்தில் பந்துவீசக்கூடியவர்களை பயன்படுத்த வேண்டும். அஸ்வின், ஜடேஜாவை சுழற்சி முறையில் பயன்படுத்துவது சிறந்தது.


வேகம், தரம், துல்லியம்:

தற்போது உள்ள அணியில் இஷாந்த், உமேஷ், புவனேஷ் குமார், சரண் ஆகியோர் வேகம் நன்றாக இருந்தாலும் சரியான இடத்தில் பந்துவீசுவது. ஸ்டெம்புகளை நோக்கிய துல்லியமான பந்துவீச்சு ஆகியவை மெருகேற வேண்டும். சரியான பந்துவீச்சு பார்ட்னர்ஷிப் இன்றி தடுமாறும் வேகப்பந்துவீச்சு துறையை முறையாக பலப்படுத்த தோனி முயல வேண்டும்.  ஆஸி அணியில் ஸ்டார்க், ஜான்ஸன் இல்லாத போதும் சமாளிக்கும் விதம் அணி தயார் படுத்தப்பட்டுள்ளது. அதனை இந்திய அணியும் கவனத்தில் கொண்டு அணியை மேம்படுத்த வேண்டும், இது அனைத்து வெளிநாட்டு தொடர்களுக்கும் பொருந்தும்.

யார் அந்த 7வது நபர்!

இந்திய அணி நீண்ட நாட்களாகவே வேகப்பந்துவீச்சு ஆல்ரவுண்டர் இல்லமால் தடுமாறி வருகிறது. பேட்டிங்கிற்கு பெரிதும் உதவ அவசியம் இல்லை என்றாலும். கடைசி நேரங்களில் சிக்ஸர்களை விளாசவும், பந்துவீச்சில் கைகொடுக்கவும் யாரும் இன்றி தவிக்கிறது. ஆஸி அணியின்  ஃபால்க்னர் போன்ற நபர் இந்திய அணியில் இல்லை என்பது நீண்டகால கோரிக்கை. தோனி இதனை கவனத்தில் கொள்ள வேண்டும்.

பயிற்சியாளர்  தேவை!

இந்திய அணிக்கு தனி பயிற்சியாளர் தேவை, ரவி சாஸ்த்ரியின் பணி டெஸ்ட், ஒருநாள், டி20 என அனைத்து போட்டிகளுக்கும் மேலாளர் மற்றும் பயிற்சியாளர் பதிவுயை மேற்கொண்டு வருகிறார். இவர் தலைமையில் டெஸ்ட்டில் மட்டுமே பிரகாசிக்கும் இந்தியா ஒருநாள், டி20 தொடர்களை இழந்துள்ளது. கிரிஸ்டனுக்கு பிறகு இந்தியா ஒருநாள் போட்டியில் தடுமாறியே வருகிறது. பிளட்சரும் இந்திய அணியின் சரியான காம்பினேஷனை உருவாக்க தவறவிட்டார். கேப்டன் தோனி பிசிசிஐயுடன் இணைந்து இந்திய அணிக்கு ட்ராவிட், கங்குலி போன்ற இந்திய அணியின் நிலையை நன்றாக உணர்ந்த நபரை பயிற்சியாளராக்க வேண்டும்.

தோனி ஃபேக்டர்:

தோனி இந்திய அணியின் வெற்றி காம்பினேஷனை பெரிதும் டெஸ்ட் செய்து பார்க்கவில்லை. 2011ம் ஆண்டு உலககோப்பையை வென்ற அணிக்கு பின் ஓய்வு பெற்ற வீரர்களுக்கு பதில் சர்வதேச போட்டி ஆடிய வீரர்களை மாற்றினார். 2015ம் ஆண்டு உலககோப்பை அரையிறுதிக்கு சென்ற அணியில் இன்று வரை பெரிய மாற்றம் எதும் இல்லை. காயம் காரணமாக வீரர்கள் வெளியேறினால் புதுமுக வீரர்களை களமிறக்குகிறார். ஆஸி முதல் போட்டியில் பாரிஸ், போலந்து என இரண்டு புதுமுக வீரர்களை களமிறக்குகிறது இது போன்ற சோதனைகளை தோனி செய்யவில்லை என்பது தான் பெரிய குறையாக உள்ளது. இந்திய முதல்தர போட்டிகளில் 145 கி.மீ வேகத்தில் பந்துவீசும் பல பந்து வீச்சாளர்களை அணிக்குள் இணைக்க தோனி தனது வின்னிங் ஃபேக்டரை தளர்க்க வேண்டும்.


இந்த ஐந்து அறிவுரைகள் தோனிக்கு மட்டுமல்ல. அணியில் வீரராக ஆடும் டெஸ்ட் கேப்டன் விராட் கோலிக்கும் தான். இன்னும் அவரும் ஒரு அந்நிய தொடரை கூட சந்திக்கவில்லை. இங்கிலாந்து, தென்னாப்பிரிக்க, ஆஸி ஆடுகளங்களில் விரைவில் இந்த விஷயங்களை சரிசெய்து இந்திய அணி கெத்தான வெற்றியை பதிவு செய்யும் என்று எதிர்பார்ப்போம்.

ச.ஸ்ரீராம்
 

Advertisement
Advertisement
Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close