Vikatan.com

www.vikatan.com would like to send you push notifications.

Notifications can be turned off anytime from browser settings.

'பிளாஸ்டிக் பை' மெஸ்சி ஜெர்சி: சிறுவனின் ஏக்கத்தை தீர்த்த தந்தை!

ர்ஜென்டினா கால்பந்து அணியின்  கேப்டன் மெஸ்சிக்கு, உலகம் முழுக்க கோடிக்கணக்கான ரசிகர்கள் உள்ளனர். அதில் ஒருவன்தான் ஆப்கானிஸ்தானை சேர்ந்த 5 வயது  மொர்டசா அகமதி.

ஒருநாள் தனது தந்தையிடம் மெஸ்சி அணிவது போன்ற ஜெர்சி வேண்டுமென்று கேட்டு, சிறுவன் அகமதி அடம்பிடித்துள்ளான். இரவிலும் திடீர் திடீரென்று முழித்தவாறே, மெஸ்சியின் ஜெர்சி வேண்டுமென்று அகமதி அடம்பிடிப்பது வழக்கமாகிப் போனது.

ஆப்கானிஸ்தானின் காபூல் அருகேயுள்ள ஜஹோரி என்ற குக்கிரமத்தில் வசிக்கும் அந்த ஏழைத் தந்தையால், நகருக்கு சென்று  தனது மகனுக்கு மெஸ்சியின் 10-ம் எண் ஜெர்சியை வாங்கிக் கொடுக்க முடியவில்லை.

தொடர்ந்து அகமதியின் தந்தை ஒரு பிளாஸ்டிக் பையில் அர்ஜென்டினா ஜெர்சியான  நீலம் மற்றும் வெள்ளை நிறத்தில் வரைந்து, அதில் 10-ம் எண் மற்றும் மெஸ்சியின் பெயர் பொறித்து,  'இதுதான் அது' என்று கொடுத்து விட்டார்.

தந்தையை முழுமையாக நம்பிய அந்த சிறுவன், இப்போது எங்கு போனாலும் அதனை அணிந்தவாறேத்தான்  போகிறான்.


 

எடிட்டர் சாய்ஸ்

MUST READ