Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

'ஒரு ஜெர்சிக்கா இத்தனை அக்கப்போரு ': சிறுவனை தேடி ஆப்கானிஸ்தான் வந்த மெஸ்சி நண்பர்கள்!

ப்கானிஸ்தானில் காபூல் அருகே ஜகோரி என்ற கிராமத்தை சேர்ந்த சிறுவன் மொர்டஷா அகமதி, தனது தந்தையிடம் அர்ஜென்டினா அணியின் கேப்டன் லயனல் மெஸ்சியின் ஜெர்சி வாங்கித் தருமாறு கேட்டு அடம் பிடித்தான்.

மெஸ்சியின் ஜெர்சியை வாங்கிக் கொடுக்க இயலாத அவனது தந்தை,  பிளாஸ்டிக் பையில் அர்ஜென்டினாவின் புளு மற்றும் வெள்ளை நிறத்தை வரைந்து அதில் மெஸ்சி - 10 என வரைந்து கொடுத்து விட்டார். சிறுவன் அகமதி அந்த பிளாஸ்டிக் ஜெர்சியை அணிந்து கால்பந்து விளையாடுவது போன்ற படங்கள் மற்றும் செய்திகள் இணையங்களில் வைரல் ஆனது.

இந்த தகவல் பார்சிலோனா வரை பரவியது.  தொடர்ந்து பார்சிலோனா அணி,  லயனல் மெஸ்சியை அந்த சிறுவனுடன் சந்திக்க ஏற்பாடு செய்து வருகிறது. இதற்கிடையே மெஸ்சியின்  பி.ஆர். நிறுவனத்தை சேர்ந்த சிலர், அந்த சிறுவனை தேடி ஆப்கானிஸ்தான் வந்தனர். ஆப்கானிஸ்தான் கால்பந்து சங்கம் சார்பில், சிறுவன் அகமதியை அவர்கள் சந்திக்க ஏற்பாடு செய்யப்பட்டது.
 

அப்போது லயனல் மெஸ்சியின் சிறப்பு பரிசாக குட்டி அகமதிக்கு, பார்சிலோனாவின் மெஸ்சி ஜெர்சி 'கிட்' வழங்கப்பட்து. இதுவரை பஞ்சரான பந்தில் கால்பந்து  விளையாடிக் கொண்டிருந்த அகமதிக்கு புதிய கால்பந்துகளும் பரிசாக வழங்கப்பட்டன. தொடர்ந்து காபூல் நகரில் உள்ள மைதானத்தில், சிறுவன் அகமதி பார்சிலோனாவின் மெஸ்சி ஜெர்சி அணிந்து விளையாடினான். லயனல் மெஸ்சியின் கிட்டை அணிந்த அகமதி , பிளாஸ்டிக் ஜெர்சியை மேலே அணிந்ததுதான், பலருக்கும் சிரிப்பை வரவழைத்தது. 

தற்போது இந்த படங்களும் இணையங்களில் வைரல் ஆகியுள்ளன.விரைவில் லயனல் மெஸ்சி, சிறுவன் அகமதியை சந்திப்பார் என்று எதிர்பார்க்கப்படுகிறது.இதற்கிடையே ஒலிம்பிக் போட்டிக்கான அர்ஜென்டினா அணியில் லயனல் மெஸ்சி இடம் பெறமாட்டார் என அர்ஜென்டினா அணியின் பயிற்சியாளர் ஜெரார்டோ மார்ட்டினோ தெரிவித்துள்ளார்

உங்கள் கருத்தைப் பதிவு செய்யுங்கள்

Advertisement
Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close