Vikatan.com

www.vikatan.com would like to send you push notifications.

Notifications can be turned off anytime from browser settings.

நமீபியாவை சுருட்டி கெத்தாக அரையிறுதியில் நுழைந்தது இந்தியா U-19 அணி!

பங்களாதேஷில் நடைபெற்று  வரும் 19 வயதுக்குட்பட்டோருக்கான உலகக் கோப்பை போட்டியில்,  அபாரமான ஆட்டத்தை வெளிப்படுத்தி வரும் இந்திய அணி,  197 ரன்கள் வித்தியாசத்தில் அசத்தலான வெற்றியை பதிவு செய்துள்ளது. இந்திய அணி ஆரம்பம் முதலே அட்டகாசமான ஆட்டத்தை வெளிப்படுத்தி வந்தது. பயிற்சி ஆட்டத்தில் 485 ரன்கள் குவித்து மாஸ் காட்டிய அணி,  லீக் ஆட்டங்களிலும் தெறி ஃபர்மாமென்ஸை காட்டி வந்தது.
 

காலிறுதி போட்டிகளில் நமீபியாவை எதிர்கொண்ட இந்தியா, டாஸ் வென்று பேட்டிங்கை தேர்ந்தெடுத்தது. இந்திய அணியின் விக்கெட் கீப்பர் பேட்ஸ்மேன் ரிஷப் பண்ட் 111 ரன்களையும், சர்ஃபராஸ் கான் 74 ரன்களையும் குவித்தார். இதனால் 50 ஓவர்களின் முடிவில் 6 விக்கெட் இழப்புக்கு 349 ரன்கள் குவித்தது. 350 ரன்கள் எடுத்தால் வெற்றி என்ற இலக்குடன் களமிறங்கிய நமீபியா 39 ஓவரில் அனைத்து விக்கெட்டுகளையும் இழந்து 152 ரன்கள் குவித்தது.

இந்திய தரப்பில் அன்மொல்ப்ரித் சிங் மற்றும் டாகர் தலா மூன்று விக்கெட்டுகளை வீழ்த்தினர். இதன் மூலம் அரையிறுதிக்கு தகுதி பெற்றுள்ள இந்தியா,  4வது காலிறுதியில் வெற்றி பெறும் அணியுடன் மோதும். ஆட்டநாயகனாக 111 ரன்களை குவித்த ரிஷப் பண்ட் தேர்ந்தெடுக்கப்பட்டார். இதில் இந்தியா சார்பில் அபாரமாக ஆடிய  அர்மான் ஜாபர், சர்பராஸ் கான் இருவரும் பள்ளித் தோழர்கள் என்பது குறிப்பிடத்தக்கது.

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ