Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

தோனி மேட்ச் பிக்சிங்கில் ஈடுபட்டதாக பகீர் குற்றச்சாட்டு !

ந்திய அணியின் கேப்டன் தோனி,  இங்கிலாந்தில் நடந்த டெஸ்ட் போட்டியின் போது மேட்ச் பிக்சிங்கில் ஈடுபட்டதாக குற்றச்சாட்டு எழுந்துள்ளது.

கடந்த 2014-ம் ஆண்டு இந்திய அணி இங்கிலாந்துக்கு சுற்றுப்பயணம் மேற்கொண்டது. மான்செஸ்டரில் நடந்த 4-வது டெஸ்ட் போட்டி யில் இந்திய அணியின் கேப்டன் தோனி,  மேட்ச் பிக்சிங்கில் ஈடுபட்டதாக முன்னாள் இந்திய அணியின் மேலாளரும் தற்போது டெல்லி கிரிக்கெட் சங்க செயலாளருமான சுனில் தேவ் குற்றஞ்சாட்டியுள்ளார்.

இது குறித்து சன்ஸ்டார் பத்திரிகைக்கு அளித்துள்ள வீடியோ பேட்டியில் இந்த அதிர்ச்சித் தகவலை அவர் வெளியிட்டுள்ளார். அந்த பேட்டியில், இது 100 சதவீதம் உண்மை என்றும் அவர் குறிப்பிட்டுள்ளார்.

" அந்த போட்டி தொடங்குவதற்கு முன், இரு நாட்கள் பெய்த மழை காரணமாக  மான்செஸ்டரின் ஓல்ட் ட்ராபோர்ட்  மைதானத்தின் பிட்ச் ஈரப்பதமாக இருந்தது. இது பந்துவீச்சுக்கு சாதகமான அம்சம். தோனியும் டிரெஸ்சிங் அறையில் டாஸ் வென்றால், பந்துவீச்சை தேர்வு செய்வதாக கூறியுள்ளார்.

ஆனால் டாஸ் வென்ற பிறகு அவர் பேட்டிங்கை தேர்வு செய்தது  சக வீரர்களுக்கே அதிர்ச்சியாக இருந்தது. இந்த சமயத்தில் டாஸ் வென்ற தோனி பேட்டிங்கை முதலில்  தேர்வு செய்யாதது ஏன்?" என்று  அவர் அந்த பேட்டியில் கேள்வி எழுப்பியுள்ளார்.

அப்போதைய பி.சி.சி.ஐ தலைவர் ஸ்ரீநிவாசனுக்கும் இது குறித்து  புகார் கடிதமும் அளித்தேன். ஆனால் அவரும் இந்த செய்தியை நம்புவதற்கு மறுத்தார். 'யாரும் இதனை நம்பவும் மாட்டார்கள்' என்று ஸ்ரீநிவாசன் என்னிடம் கூறினார்''  என சுனில் தேவ் தெரிவித்துள்ளார்.

மேட்ச் பிக்சிங் நடந்ததாக கூறப்படும் மான்செஸ்டர்  போட்டியில்,  இந்திய அணி ஒரு இன்னிங்ஸ் மற்றும் 54 ரன்கள் வித்தியாசத்தில் தோல்வி கண்டது. இந்த போட்டியில் தோனி முதல் இன்னிங்சில் 71 ரன்களையும் இரண்டாவது இன்னிங்சில் 27 ரன்களையும் அடித்தார். இந்திய டெஸ்ட் அணியின் கேப்டன் பதவியில் இருந்து கடந்த 2014-ம் ஆண்டு ஆஸ்திரேலிய தொடருடன் விடை பெற்றார் தோனி என்பது குறிப்பிடத்தக்கது.


 

Advertisement
Advertisement
Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close