Vikatan.com

www.vikatan.com would like to send you push notifications.

Notifications can be turned off anytime from browser settings.

U19 உலகக் கோப்பை: இந்திய சீனியர் அணிக்கு துருப்புசீட்டுகளா இவர்கள்?

2019-ம் ஆண்டு நடைபெற உள்ள உலகக்  கோப்பை போட்டிக்கான தேர்வுதான்  நேற்று முடிந்த U19 உலகக் கோப்பை என்று கூறலாம். பந்துகளை சிக்சருக்கு விரட்டும் ஒரு விக்கெட் கீப்பர் பேட்ஸ்மேன். தொடர்ந்து சிறப்பான ஆட்டத்தை  வெளிப்படுத்தும் ஒரு பேட்ஸ்மேன், புயல் வேகத்தில் ஒரு வேகப்பந்துவீச்சாளர், தெறிக்க விடும் ஒரு சுழற்பந்துவீச்சாளர் என துருப்புசீட்டுகளை கண்டுபிடித்து தந்துள்ளார் இந்திய அணியின் முன்னாள் கேப்டனும், U19 பயிற்சியாளருமான ராகுல் ட்ராவிட்.



பெரிய பேட்டிங் வரிசை...விளம்பரத்தில் வரும் வீரர்கள்... இப்படியெல்லாம் இல்லாமல்,  வழி நடத்தும் பயிற்சியாளர் மட்டுமே பிரபலமானவர் என்ற தகுதியுடன்  களமிறங்கியது U 19 அணி. இறுதிப் போட்டி தவிர,  அனைத்து போட்டிகளையும் வென்று கெத்தான அணியாக முன்னேறியது இந்தியா மட்டுமே.
பயிற்சி ஆட்டத்தில் 485 ரன்களை குவித்து உலக சாதனை படைத்ததும் இந்திய அணிதான்.

பேட்டிங், ஃ பீல்டிங், பெளலிங் என மூன்று பிரிவுகளிலும் சரிசமமான பங்களிப்பை அளித்துள்ளது. ஒவ்வொரு போட்டியிலும் ஸ்டார் பிளேயர்களை மட்டும் நம்பாமல்,  அனைத்து வீரர்களாலும் அடுத்த சுற்றுகளுக்கு முன்னேறியது இந்தியா. ட்ராவிட்டின்  கோச்சிங்கும் இதற்கு முக்கிய காரணம் என்று சொல்லலாம்.

ரிஷப் பண்ட் இந்திய அணியின் விக்கெட் கீப்பர் - உலகக் கோப்பையில் ஆடிய ஆறு போட்டிகளில் ஒரு சதம், 2 அரைசதம் என கெத்தான ஆட்டத்தை வெளிப்படுத்திய ரிஷப் பண்ட்டின் ஸ்ட்ரைக் ரேட் 104. இவரைதான் இந்திய அணிக்கு தயாராகும் அடுத்த விராட் கோலி என்கின்றனர் கிரிக்கெட் விமர்சகர்கள்.

 



சர்ஃபராஸ் கான் அனைவருக்கும் தெரிந்த முகம், பெங்களூர் ராயல்  சேலஞ்சர்  அணியில் அனைவரையும் கவர்ந்த ஸ்கூல் பாய். இந்த உலகக் கோப்பையில் 6 போட்டிகளில்,  5 அரை சதங்களுடன் இந்திய அணியின் லீடிங் ரன் ஸ்கோரர், ஒருவேளை இந்தியா கோப்பையை வென்றிருந்தால் இவர்தான் ஆட்டநாயகன். மிடில் ஆர்டரில் இப்படி கில்லியான ஒரு வீரரைதான் இந்தியாவும் தேடி வருகிறது.

  

இந்திய அணிக்கு எப்போதாவதுதான் ஒரு வெங்கடேஷ் பிராசத்தும், ஒரு ஜாகிர் கானும் கிடைப்பார்கள் என்பது எழுதப்படாத வரலாறு. அதேபோல்தான் அவேஷ் கான். இவர்  துல்லியமாகவும், சிறப்பான வேகத்திலும் பந்துவீசி எதிரணியினரை கலங்கடிகிறார். மேலும் இறுதி ஓவர்களில் சிறப்பாக ஆடும் இவரை மெருகேற்றினால் இன்னொரு ஜாகிர் கான் ரெடி.

வாஷிங்டன் சுந்தர், அன்மோல் ப்ரீத் சிங் என ஆல்ரவுண்டர்களும், லோமர், அன்சாரி போன்ற வீரர்களையும் தந்திருக்கிறது U19 உலகக் கோப்பை. இவரைகளை எல்லாம் தேர்வுக்குழு மனதில் கொண்டு வாய்ப்பளிக்க வேண்டும் . இவர்களும் வாய்ப்பை பயன்படுத்தி விராட் கோலியாக மாற வேண்டும். இந்தியாவுக்கு U19 உலகக் கோப்பையை வென்று தந்த கேப்டன்களில் ஒருவரான கோலி, இன்று டெஸ்ட் கேப்டன். இன்னொருவரான உன்முக்த் சந்த்  வெறும் ரஞ்சி ப்ளேயராக உள்ளார்.  தங்களை மேம்படுத்திக் கொள்ள வேண்டிய கட்டாயம் அவர்களுக்கும் உள்ளது.

ட்ராவிட் இந்திய அணிக்கு நல்ல தயாரிப்புகளை வழங்கியுள்ளார். பயன்படுத்தினால் 2019 உலகக் கோப்பையின் வின்னிங் ஷாட்டை ஒரு சர்ஃபராஸ்கானோ, ரிஷப்போ அடிக்கலாம். இறுதி விக்கெட்டை அவேஷ் கான் வீழ்த்தலாம்.

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ