Vikatan.com

www.vikatan.com would like to send you push notifications.

Notifications can be turned off anytime from browser settings.

கோவையில் தொடங்கியது வேளாண் பல்கலைக்கழகங்களுக்கான போட்டிகள்!

16-வது அகில இந்திய வேளாண் பல்கலைக்கழகங்களுக்கு இடையிலான தடகள மற்றும் விளையாட்டுப் போட்டிகள், இந்த முறை கோவை வேளாண்மை பல்கலைக்கழகத்தில் நடந்து வருகிறது.

கடந்த திங்கள் 22-2-2016 அன்று சென்னை வருமானவரித் துறை தலைமை ஆணையர் கே.ராமலிங்கம்  தேசியக் கொடியை ஏற்றி வைக்க, இந்திய வேளாண் ஆராய்ச்சி கொடியை தமிழ்நாடு கால்நடை அறிவியல் பல்கலைக்கழக துணைவேந்தர் முனைவர் எஸ்.திலகர் அவர்கள் ஏற்றி வைக்க, தமிழ்நாடு வேளாண் பல்கலைக்கழகக் கொடியை சென்னை காவல்துறை பொது ஆய்வாளர் முனைவர் எம்.ரவி  ஏற்றி வைத்தார்.

இந்தியாவின் இருந்து பல்வேறு மாநிலங்களில் இருந்து பல பல்கலைக்கழக விளையாட்டு வீரர்கள் கோவையில் குவிந்துள்ளனர்,மொத்தம் 56 அணிகள் தங்களது அணிவகுப்பு மரியாதையை செய்ய,அதனை சிறப்பு விருந்தினர் முனைவர்  எம்.ரவி,இ.கா.ப  ஏற்றுக்கொண்டார். பின்பு தமிழ்நாடு வேளாண் பல்கலைக்கழகத் துணைவேந்தர்  கு.ராமசாமி  ஒலிம்பிக் ஜோதியை ஏற்றி வைக்க,  அதனை  பல்கலைக்கழக வீரர்களும் வீராங்கனைகளும் தொடர் ஓட்டமாகக் கொண்டு சென்று விளையாட்டின் ஒருமைப் பாட்டினை வலியுறுத்தினர்.

பின்னர் அனைவரும் உறுதிமொழி எடுத்துக்கொண்டனர். அதனையடுத்து கே.ராமலிங்கம் போட்டிகளை துவக்கி வைத்தார். பின்னர் அமைதியின் அடையாளமாக வெள்ளைப் புறாக்களையும் ஹீலியம் பலூன்களையும் பறக்கவிட்டனர்.


அதனையடுத்து, தமிழ்நாடு வேளாண் பல்கலைக்கழக முதன்மையர் (வேளாண்மை) முனைவர். ச.மகிமைராஜா  வரவேற்புறை ஆற்றினார். அதனைத் தொடர்ந்து பல்கலைக்கழக துணைவேந்தர் கு.ராமசாமி அவர்கள் தலைமையுரை ஆற்றினார். கோவை மாவட்ட தலைமை தபால் நிலைய மூத்த கண்காணிப்பாளர் அலெக்ஸ் ஜார்ஜ், தபால் தலையை  வெளியிட்டார். பின் பரதநாட்டியம் மற்றும் டேக்வாண்டோ மாணவர்கள் குழுமத்தின் கலை நிகழ்ச்சியோடு விளையாட்டு போட்டிகள் தொடங்கியது.


2001-ம் ஆண்டிலிருந்து இந்த போட்டிகளை இந்திய வேளாண் பல்கலைக்கழகங்கள் ஒன்றிணைந்து வருடாவருடம் நடத்தி வருகின்றனர் .போன முறை பதினைந்தாவது அகில இந்திய வேளாண் பல்கலைக்கழகங்களுக்கு இடையிலான இந்த போட்டி,  அசாம் வேளாண் பல்கலைக்கழகத்தில் நடைபெற்றது. அதில் 46 பல்கலைக் கழகங்கள் பங்குபெற்றன.  ஐந்து நாட்கள் வரை நடக்கும் இந்த அகில இந்திய வேளாண் பல்கலைக்கழகங்களுக்கு இடையிலான தடகள மற்றும் விளையாட்டு போட்டி,  வரும் வெள்ளிக் கிழமை வரை நடைபெற உள்ளது.

பல உற்சாகங்களும் பல கொண்டாட்டங்களும் விறுவிறுப்புகளும் நிறைந்ததாக போட்டிகள் நடந்து கொண்டிருக்கிறது. விளையாட்டு ரசிகர்கள் கட்டாயம் கண்டுகளிக்க வேண்டிய நிகழ்வாக இது இருக்கிறது. ஏராளமான பார்வையாளர்கள் பல்கலைக்கழக மைதானத்தில் குவிந்து வருகின்றனர்.

தொகுப்பு: சா.கவியரசன்
(மாணவர் பத்திரிகையாளர்)
படங்கள்: ஜீ.கே.தினேஷ்

 

 

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ