Vikatan.com

www.vikatan.com would like to send you push notifications.

Notifications can be turned off anytime from browser settings.

T20உலககோப்பை போட்டி: அதிர வைத்த கேட்சும், ஓமனின் நம்ப முடியாத வெற்றியும்!

உலக கோப்பை 20 ஓவர் தகுதி சுற்று கிரிக்கெட் ஆட்டத்தில் அயர்லாந்து அணியை 2 விக்கெட் வித்தியாசத்தில் ஓமன் அணி வீழ்த்தியது. கடைசி ஓவரில் 3 பந்தில் 3 ரன்கள் எடுக்க வேண்டிய நிலையில், விக்கெட் கீப்பர் பந்தை தனது கால் கீழே தவறி விட்டதால் பைஸில் ஓமன் அணி வெற்றி பெற்றது.
 

தர்மசாலாவில் இன்று இரவு நடந்த தகுதி சுற்றுப் போட்டியில் டாஸ் வென்ற அயர்லாந்து அணி முதலில் பேட்டிங் செய்தது. அந்த 20 ஓவர்கள் முடிவில் 5 விக்கெட்டுகளை இழந்து 154 ரன்கள் எடுத்தது. அதிகபட்சமாக வில்சன் 38 ரன்னும், போர்டர்பீல்டு, ஸ்டெர்லிங் ஆகியோர் தலா 29 ரன்கள் எடுத்தனர்.

பின்னர் விளையாடிய ஓமன் அணியின் தொடக்க வீரர்கள் முதல் விக்கெட்டுக்கு 69 ரன்கள் எடுத்தது. தொடக்க வீரர் ஹாவர் அலி 34 ரன்னும், மற்றொரு தொடக்க வீரர் மாக்சோட் 38 ரன்னும் எடுத்தனர். 7வது விக்கெட்டுக்கு களம் இறங்கிய ஆமீர் அலி 17 பந்தில் 32 ரன்கள் விளாசினார்.
 

கடைசி ஓவரில் 6 பந்தில் 6 ரன்கள் எடுக்க வேண்டிய நிலை ஏற்பட்டது. 19.4 ஓவரில் சொரின்சன் பந்து வீச அதை அன்சாரி அடிக்க முயன்றார். ஆனால், அவர் பந்தை அடிக்க முடியாமல் போக, பந்தை விக்கெட் கீப்பர் பிடிப்பார் என்று இருந்த நிலையில், அவர் தனது கால்கள் இடையே பந்தை விட்டதால், பைஸில் பவுண்டரி சென்றது. இதனால் ஓமன் அணி 2 விக்கெட் வித்தியாசத்தில் வெற்றி பெற்றது.
 

முன்னதாக, அயர்லாந்து அணியின் தொடக்க வீரர் பால் ராபர்ட் ஸ்டெர்லிங் பவுண்டரிக்கு அடித்த பந்தை ஓமன் வீரர் மக்சூத் அபாரமாக டைவ் அடித்து கேட்ச் பிடித்து ரசிகர்களையும், களத்தில் இருந்த வீரர்களையும் அதிர வைத்தார்.
 

எடிட்டர் சாய்ஸ்

MUST READ