Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

இந்தியாவில் அதிக அன்பு கிடைக்கிறது என்று கூறிய அப்ரிடிக்கு வக்கீல் நோட்டீஸ்!

லாகூர்: இந்தியாவில் எங்கள் மீது காட்டப்படும் அன்பானது, பாகிஸ்தானில் கிடைப்பதை விட அதிகம் என்று கூறிய அப்ரிடிக்கு வக்கீல் நோட்டீஸ் அனுப்பப்பட்டுள்ளது.

உலகக் கோப்பை டி20 போட்டியில் பங்கேற்க பாகிஸ்தான் அணி கடந்த சனிக்கிழமை இந்தியா வந்தது. கொல்கத்தா விமான நிலையத்தில் பாகிஸ்தான் வீரர்களுக்கு உற்சாக வரவேற்பளிக்கப்பட்டது.

கொல்கத்தாவில் பாகிஸ்தான் அணியின் கேப்டன் ஷாகித் அப்ரிடி செய்தியாளர்களிடம் பேசுகையில்,  " எனது கிரிக்கெட் வாழ்க்கையின் கடைசி தருணத்தில் இருக்கிறேன். இந்தியாவில் கிரிக்கெட் விளையாடும் போது கிடைக்கும் சந்தோஷம் வேறு எந்த நாட்டிலும் கிடைத்ததில்லை  ஏன் பாகிஸ்தானை விட இந்திய மண்ணில் கிரிக்கெட் விளையாடுவது அலாதியான மகிழ்ச்சியைத்  தருகிறது. இந்தியாவில் எங்கள் மீது காட்டப்படும் அன்பானது, பாகிஸ்தானில் கிடைப்பதை விட அதிகம். இந்தியாவில் கிடைத்த அன்பை ஒரு போதும் மறந்தது கிடையாது. மறக்கப் போவதும் இல்லை'' என்றார்.

அப்ரிடியின் இந்த கருத்து தற்போது பாகிஸ்தானில் சர்ச்சையை ஏற்படுத்தியுள்ளது. இதுகுறித்து, பாகிஸ்தான் அணியின் முன்னாள் வீரர் ஜாவேத் மியான்தத் கூறுகையில், ''அப்ரிடியின் இந்தியா மீதான காதல் வெட்கக்கேடானது'' என்றார்.

இந்நிலையில், லாகூரை சேர்ந்த அசார் சித்திக் என்ற வழக்கறிஞர், ஷாகித் அப்ரிடிக்கு நோட்டீஸ் அனுப்பியுள்ளார். இதுகுறித்து அவர் கூறுகையில், ''அப்ரிடி தனது கருத்து மூலம் தேசத் துரோகம் செய்துள்ளார். எனவே, அவருக்கும், பாகிஸ்தான் கிரிக்கெட் வாரிய சேர்மன் நஜம் சேத்திக்கும் வக்கீல் நோட்டீஸ் அனுப்பியிருக்கிறேன்.

அப்ரிடி வெளியிட்ட கருத்து குறித்து விசாரணை நடத்துமாறு பி.சி.பி. தலைவர் ஷகாரியார் கானுக்கும் கடிதம் எழுதியுள்ளேன்'' என்றார்.

Advertisement
Advertisement
Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close