Vikatan.com

www.vikatan.com would like to send you push notifications.

Notifications can be turned off anytime from browser settings.

சச்சின் பிறந்தநாளில் கோலி சதம் வீண்!

உலகக் கோப்பையில் எதிரணிகளுக்கு தண்ணி காட்டிய இந்திய அணியின் துணை கேப்டன் கோலி. ஐ.பி.எல் தொடரிலும் தனது தெறி பேட்டிங்கை காட்டி வருகிறார். ராயல் சேலஞ்சர் அணியின் கேப்டனான கோலி குஜராத் லயன்ஸ் அணிக்கு எதிரான ஆட்டத்தில் துவக்க ஆட்டக்காரராக களமிறங்கி கடைசி பந்தில் பவுண்டரி அடித்து தனது முதல் ஐ.பி.எல் சதத்தை பதிவு செய்தார்.

குஜராத்துக்கு எதிரான இன்றைய ஆட்டத்தில் தனி ஒருவனாக பெங்களூரு அணியின் பேட்டிங்கில் கெத்து காட்டிய கோலி கடைசி ஓவருக்கு முன் 85 ரன்களில் இருந்தார். கடைசி ஓவரில் ஒரு சிக்ஸர், 2 பவுண்டரிகள் என 15 ரன்கள் குவித்து சதமடித்து ஆட்டமிழக்காமல் இருந்தார்.

ஆனாலும் பெங்களூரு அணியில் கோலி தவிர மற்ற வீரர்கள் ஜொலிக்காததால் அந்த அணி 180 ரன்களை மட்டுமே குவித்தது. அடுத்து ஆடிய குஜராத் லயன்ஸ் 19.3 ஓவர்களில் 3 விக்கெட்டுகளை மட்டுமே இழந்து 182 ரன்கள் குவித்து 7 விக்கெட் வித்தியாசத்தில் வெற்றி பெற்றது. இந்த வெற்றி மூலம் 4 வெற்றிகளுடன் குஜராத் அணி புள்ளிகள் பட்டியலில் முதலிடத்தில் உள்ளது.



சச்சின் பிறந்தநாளில் இந்திய அணியின் அடுத்த சச்சின் என வர்ணிக்கப்படும் கோலி சதமடித்தது மகிழ்ச்சி தான் என்றாலும் அந்த சதம் அவரது அணிக்கு வெற்றியை தேடி தரவில்லை என்பது ஆர்.சி.பி அணியின் வருத்தம். ஆனால் இதே போன்று சச்சின் டெண்டுல்கரும் தனது ஒரே ஒரு ஐ.பி.எல் சதத்தை பூர்த்தி செய்த போது அவரது அணி தோல்வியை சந்தித்து குறிப்பிடத்தக்கது.

எடிட்டர் சாய்ஸ்

MUST READ