Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

சச்சினுக்கு கிடைத்தது, காம்ப்ளிக்கு கிடைக்கல..! மனம் திறக்கும் கபில்தேவ்

 

சச்சினைவிட காம்ப்ளி திறமையானவராக இருந்தாலும் பெற்றோர், நண்பர்கள் என அனைத்து ஆதரவும் சச்சினுக்கு கிடைத்ததால் சிகரத்தை தொட்டார். ஆனால், இதுபோன்ற ஆதரவு காம்ப்ளிக்கு கிடைக்காததால் காணாமல் போனார் என்று மனம் திறந்துள்ளார் இந்திய கிரிக்கெட் ஜாம்பவான் கபில் தேவ்.

சச்சின், காம்ப்ளி குறித்து கபில் தேவ் கூறுகையில், " சச்சினைவிட காம்ப்ளியிடம் அதிக திறமை இருக்கலாம். இருவரும் ஒன்றாகத்தான் கிரிக்கெட்டில் காலடி எடுத்து வைத்தனர். வீட்டில் உள்ள பெற்றோர், சகோதரர்கள் மற்றும் நண்பர்கள் என அனைவரும் சச்சின் வளர்ச்சிக்கு ஆதரவாக இருந்தனர். இதனாலேயே 24 ஆண்டுகள் விளையாடினார். இதுபோன்ற ஒரு சூழல் காம்ப்ளிக்கு அமையாததால் ஏமாற்றமே மிஞ்சியது.

விளையாட்டு வீரருக்கு திறமை மட்டும் போதாது. பெற்றோர், சகோதரர்கள், நண்பர்கள், பள்ளி, கல்லூரி என எல்லா தரப்பில் இருந்தும் ஆதரவு கிடைக்க வேண்டும். அப்போதுதான், சிறந்த நட்சத்திரமாக உருவெடுக்க முடியும். குழந்தைகளின் விருப்பத்திற்கு ஏற்ப பெற்றோர்கள் வளர்ப்பது அவசியம். இதற்கு மாறாக தங்களின் விருப்பத்தை குழந்தைகளிடம் திணிக்க கூடாது. அவர்களுக்கு பிடிக்காத ஒன்றை செய்ய வற்புறுத்துவது தவறானது.

கடந்த 1983 ம் ஆண்டு பிசிசிஐ-க்கு பெரிய அளவில் வருமானம் இல்லை. அதே ஆண்டு எனது தலைமையிலான இந்திய அணி முதல் முறையாக உலகக் கோப்பையை வென்றது. இதற்கு பின்னர்  பிசிசிஐ,  உலகின் பணக்கார விளையாட்டு அமைப்பாக உருவெடுத்தது. நாங்கள் வாங்கிய கோப்பையின் பலனை தற்போதைய வீரர்கள் அனுபவித்து வருகின்றனர்" என்று கூறினார்.

 

Advertisement
Advertisement
Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close