Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

இப்படியுமா ஆட்டம் இழப்பார் யுவராஜ்..?! (வீடியோ)

மும்பை அணிக்கு எதிரான போட்டியில் யுவராஜ் சிங் ஆட்டமிழந்த விதம் ரசிகர்கள் அனைவரையும் வெறுப்படையச் செய்துள்ளது.

காயம் காரணமாக ஐபிஎல் போட்டிகளில் இருந்து ஆரம்பத்தில் இருந்து விலகி இருந்த யுவராஜ் சிங், குஜராத் அணிக்கு எதிரான போட்டியில் முதன்முறையாக களமிறங்கினார். நீண்ட நாட்களுக்கு பிறகு களமிறங்கியதால் அவர் மீது ரசிகர்கள் அதிக எதிர்பார்ப்புடன் இருந்தனர். ஆனால் தொடர்ந்து தடுமாறிய யுவராஜ்,  5 ரன்னில் ஆட்டமிழந்து ஏமாற்றினார்.

இதைத் தொடர்ந்து விசாகப்பட்டினத்தில் நேற்று நடந்த போட்டியில், ஹைதராபாத் அணிக்காக ஆடிய யுவராஜ்,  சிறப்பான ஆட்டத்தை வெளிப்படுத்தினார். 23 பந்தில் 2 சிக்சர்கள், 3 பவுண்டரி என 39 ரன்கள் குவித்தார். இதனால் ஹைதராபாத் அணி 177 என சிறப்பான ரன்களை குவித்து மும்பை அணிக்கு நெருக்கடிகொடுத்தது.

இருப்பினும் யுவராஜ் சிங் ஆட்டமிழந்த விதம் ரசிகர்களை வெறுப்பேற்றும் விதமாக அமைந்தது. கடைசி ஓவரில் 4வது பந்தை மும்பை பந்துவீச்சாளர் மெக்லெனகான் வைடாக வீசினார். அதை அடிக்க முயன்ற யுவராஜ்,  தனது பேட்டால் ஸ்டெம்பை தட்டிவிட்டார். இதைத் தொடர்ந்து ஹிட் விக்கெட்டாக வெளியேறினார்.

இதன் மூலம் ஐபிஎல் வரலாற்றில் ஹிட் விக்கெட்டாக ஆட்டமிழந்தவர்கள் வரிசையில் யுவராஜ் சிங் 5வது வீரராக இணைந்துள்ளார். தவிர, இந்தப் போட்டி யுவராஜ் சிங்கிற்கு 100வது ஐபிஎல் போட்டி என்பதும் குறிப்பிடத்தக்கது.

Advertisement
Advertisement
Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close