Vikatan.com

www.vikatan.com would like to send you push notifications.

Notifications can be turned off anytime from browser settings.

ஜிம்பாப்வேயில் களம் இறங்கும் தோனியின் புதிய அணி!


வரும் வாரத்துடன் ஐபிஎல் போட்டிகள் முடிவுக்கு வருகிறது. இதைத் தொடர்ந்து ஜூன் 11-ம் தேதி முதல் ஜிம்பாப்வேக்கு எதிராக மூன்று ஒரு நாள், மூன்று டி 20 போட்டிகளில் பங்கேற்க இருக்கிறது இந்திய அணி. கோலி, ரோஹித் ஷர்மா, ஷிகர் தவான், அஷ்வின் ஆகிய வீரர்களுக்கு இந்த தொடரில், ஓய்வு அளிக்கப்பட்டு இருக்கிறது.

ஐபிஎல் தொடரில் அசத்திய இளம் வீரர்களுக்கு இந்தத் தொடரில் வாய்ப்பு அளிக்கப்பட்டு இருக்கிறது. ப்ளே ஆஃப் சுற்றுக்கு முன்னேற காரணமாக இருந்தவர்கள் பலர் இந்த பட்டியலில் இடம் பிடித்துள்ளனர்.பெங்களூரு ராயல் சேலஞ்சர்ஸ் அணியில் அசத்திய கே.எல்.ராகுல், சாஹல், டெல்லி அணிக்காக விளையாடிய கருண் நாயர், கொல்கத்தா அணி சார்பாக ஆடிய மனீஷ் பாண்டே, ஜெய்தேவ் உனட்கட், ஹைதராபாத் அணியின் பரிந்தர் ஸ்ரன், குஜராத் அணியில் விளையாடிய தவால் குல்கர்னி ஆகியோருக்கு வாய்ப்பு வழங்கப்பட்டு இருக்கிறது.

ஜிம்பாப்வே தொடர் (3 ஒரு நாள், 3 டி20)

தோனி (கேப்டன்), கே.எல்.ராகுல், ஃபைஸ் ஃபைசல், மனீஷ் பாண்டே, கருண் நாயர், அம்பத்தி ராயுடு, ரிஷி தவாண், அக் ஷர் பட்டேல், ஜயந்த் யாதவ், தவால் குல்கர்னி, ஜஸ்ப்ரீத் பும்ரா, பரிந்தர் ஸ்ரன், ஜெய்தேவ் உனட்கட், மந்தீப் சிங், கேதர் ஜாதவ், சாஹல்.

மேற்கு இந்தியத் தீவுகள் தொடர் (4 டெஸ்ட்)

விராட் கோலி (கேப்டன் ), முரளி விஜய், ஷிக்கர் தவான், கே.எல்.ராகுல், புஜாரா, ரஹானே (துணை கேப்டன் ), ரோஹித் ஷர்மா, சஹா, அமித் மிஸ்ரா, ரவிச்சந்தர் அஷ்வின், ரவீந்திர ஜடேஜா, இஷாந்த் ஷர்மா, மொஹம்மத் ஷமி, புவனேஷ் குமார், உமேஷ் யாதவ், ஷர்துல் தகூர், ஸ்டுவார்ட் பின்னி
 

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ