Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

70 வயதிலும் இத்தனை பதக்கங்கள்... ஆசிய தடகளப் போட்டியில் அசத்திய கோவை வீராங்கனை!

கடந்த மே மாதம் சிங்கப்பூரில் நடைபெற்ற 19 வது ஆசிய தடகளப் போட்டியில், இந்தியாவுக்காக 2 தங்கம் மற்றும் ஒரு வெண்கல பதக்கங்களை வென்று  பெருமிதத்துடன் திரும்பியிருக்கிறார் கோவை,  பீளமேடு பகுதியைச் சேர்ந்த லட்சுமி லோகநாதன். இவருக்கு வயது 70 என்பதுதான் இதில் ஹைலைட். ஆம், இவர் பங்குபெற்றது முதியோருக்கான தடகளப் போட்டிகள்!


''சாதிக்க முயற்சி மட்டும் இருந்தால்போதும், வயது என்பது ஒரு பொருட்டே இல்லை'' என  உற்சாகம் பொங்கப் பேசுகிறார், லட்சுமி லோகநாதன்.

''நான் என் வீட்டுக்கு ஒரே பெண். ஒவ்வொரு முறை விளையாட்டு போட்டிக்கு போகும்போதும் வீட்டில் போராட்டம்தான். பெண் என்பதைக் காரணம் காட்டி ஒவ்வொருவரும் தடையும் தடங்கலும் ஏற்படுத்தும்போது, சாதிக்கணும்னு வெறி அதிகரிக்குமே தவிர, என்னைக்குமே மனம் சோர்ந்து போனதில்லை. பள்ளி, கல்லூரிகளில் மாவட்ட அளவில்  பரிசு பெற்றிருக்கிறேன்'' எனச் சொல்லும் லட்சுமி லோகநாதன், தனது சாதனைக்கு தன் கணவரின் பங்களிப்பும் மிக அதிகம் என்பதையும் பெருமைப்பொங்க பகிர்ந்துகொண்டார்.


''திருமணத்துக்குப் பிறகு என் கனவு என்னவாகுமோ என்ற கலக்கம் இருந்தது. ஆனால், என்னைப் புரிந்துகொண்ட ஒருவர் கணவராக வாய்த்தது, கடவுளின் வரம்தான். என் கணவர், என்னை உடற் கல்வி பயிற்சியாளருக்கு படிக்கவைத்து என் கனவுக்கு ஒரு தொடர்ச்சி கொடுத்தார். படிப்பு முடிச்சு அரசுப் பள்ளி ஒன்றில் உடற்பயிற்சி ஆசிரியராகப் பணியில் சேர்ந்தேன். அங்கு நிறைய பெண்களை விளையாட்டு வீராங்கனைகளாக மாற்றும்  வாய்ப்பு கிடைத்தது. சிறிது காலத்துக்குப் பிறகு விருப்ப ஓய்வு பெற்றுக்கொண்டு, என் இலக்கை நோக்கிப் பயணிக்க ஆரம்பித்தேன். 'இந்த வயசுக்கு அப்புறம் ஏன் இந்த வேண்டாத வேலை' ன்னு எல்லாரும் என்னை கிண்டல்கூட பண்ணியிருக்காங்க. ஆனா, நான் அதையெல்லாம் பொருட்படுத்தவில்லை.


 

தினமும் காலை - மாலை என இரண்டு வேளையும் முழு அளவில் பயிற்சியில் ஈடுபட்டேன்.

2003-ல்  'ஒப்பன் டூ ஆல்' என்ற மாவட்ட  அளவிலான தடகளப் போட்டியில் வெற்றி பெற்றேன். அதன் பிறகும்  மாநில அளவிலும், தேசிய அளவிலும் எனது வெற்றிகள் தொடர்ந்தன. இந்தியாவுக்காக ஒரு வெண்கல பதக்கம் பெற்றேன். இந்த வெற்றிகள், தொடர்ந்து சாதிக்கவேண்டும் என்ற உந்துதலைத் தந்தன.'' என்று தனது வெற்றி பயணம் குறித்து பகிர்ந்துகொண்ட லட்சுமி லோகநாதன்,  இது வரை ஏழு ஆசிய தடகளப் போட்டிகளில் பங்கேற்றிருக்கிறார். ஒவ்வொருமுறையும்  ஏதேனும் ஒரு பதக்கம் பெறாமல் திரும்பியதில்லையாம்.


''இந்த முறை உயரம் தாண்டுதலில் தங்கம், 400 மீட்டர் தொடர் ஓட்டத்தில் தங்கம், மும்முறை உயரம் தாண்டுதலில் வெண்கலம் என 3 பதக்கங்களை பெற்றது மிகவும் மகிழ்ச்சி அளித்தது என்றால்,  என்னோட இந்த 70 வயதில்  உடற் கல்வி படிப்பில் முனைவர் பட்டமும் பெற்றிருப்பது... கூடுதல் சந்தோஷம் '' என்று நெஞ்சம் நெகிழ பேசியவர், முத்தாய்ப்பாக இப்படிக் கூறி முடித்தார்...

''பெண்கள் நினைத்தால் எப்போதும் சாதிக்க முடியும்... சாதிக்க எதுவும் தடையில்லை!"


- சு.சூர்யா கோமதி
படங்கள் : த. ஸ்ரீனிவாசன்

Advertisement
Advertisement
Advertisement
Advertisement
Advertisement

எடிட்டர் சாய்ஸ்

'சாக்கடையில் கலந்த ஜெயலலிதா ரத்தம்!'   -எம்பால்மிங் சீக்ரெட்டை உடைக்கும் மருத்துவர்கள் #VikatanExclusive
placeholder

'இருதயம் செயலிழந்து போனதற்கான காரணம் என்ன? திடீரென்று செயலிழந்து நின்று போன இருதயத்தை ஏன் மீண்டும் செயல்பட வைக்க இயலவில்லை? உலகத் தரம் வாய்ந்த உபகரணங்களையும் நிபுணத்துவத்தையும் தோல்வியைத் தழுவச் செய்த காரணங்கள் யாவை?' என்ற கேள்விகளையே மருத்துவர் பீலேயும் அப்போலோ மற்றும் எய்ம்ஸ் மருத்துவர்களும் தமிழக-இந்திய மருத்துவ உலகத்தாரும் தமிழ்நாடு-மத்திய அரசுகளும் கேட்டிருக்க வேண்டும். அதற்கான பதிலைக் கண்டறிய இயன்றளவில் முயற்சியை மேற்கொண்டிருக்க வேண்டும். ஆனால் அதற்கான ஒரு சிறிய துரும்பு அளவிலான முயற்சியைக்கூட இவர்கள் எவரும் மேற்கொள்ளவில்லை என்பதுதான் உண்மை.

Advertisement

MUST READ

Advertisement
[X] Close