Vikatan.com

www.vikatan.com would like to send you push notifications.

Notifications can be turned off anytime from browser settings.

மூன்று முறை சாம்பியன் விருதை வென்ற முகமது அலி! - சில நினைவுக் குறிப்புகள்!

குத்துச் சண்டையில்  'தி கிரேட்' என்ற பெயரை பெற்றவர் முகமது அலி. அளப்பரிய பல சாதனைகளை செய்து குத்துச் சண்டையின் பக்கம் உலக ரசிகர்களை திரும்பிப் பார்க்க வைத்த குத்துச் சண்டை ஜாம்பவான் முகமது அலியின் குத்துச் சண்டை வாழ்க்கையில் நிகழ்ந்த சில பதிவுகள் இங்கே...

*  பதினெட்டு வயதில் அனைத்துலக குத்துச்சண்டை விருதை முதலில் பெற்றார்.

* 1960 ம் ஆண்டு ரோம் ஒலிம்பிக்  போட்டியில் தங்கப்பதக்கம் பெற்றார்.


 

*  1965 ம் வருடம் சோனி லிஸ்டன் என்ற உலக வீரரை வீழத்தி, முதல் முறையாக 'உலக ஹெவி வெயிட்' (world heavyweight champion) விருதை பெற்றபோதுதான் குத்துச் சண்டையில் ஒரு புதிய சகாப்தம் துவங்கியது.

*  1964 முதல் 1967 வரை உலக குத்துச் சண்டை நாயகன் இவர்தான்.

*  அமெரிக்க ராணுவத்தில் சேவை செய்ய மறுத்ததால்,  அமெரிக்க அரசால் அவருக்கு கொடுக்கப்பட்ட விருது திரும்ப பெறப்பட்டது. மீண்டும் அந்த விருதைப் பெற, ஜோ பிரேசியருடன் மோதினார். ஆனால் தோல்வியை தழுவினார்.



*  கடின பயிற்சியில் இறங்கியவர்,1974 ம் ஆண்டு, அதே ஜோ பிரேசியருடன் மோதினார். உலக முழுவதும் இந்தப் போட்டியை ஆவலோடு எதிர்ப்பார்த்து. அந்தப் போட்டியில் ஆக்ரோஷம் காட்டிய முகமது அலி, தன்னை வீழ்த்தியவரை வீழ்த்தி உலக விருதை மீண்டும் கைப்பற்றினார்.

* லியோன் ஸ்பின்க்ஸ் (Leon Spinks) என்ற வீரருடன் மோதி தோல்வியைத் தழுவிய முகமது அலி , 1978-ம் ஆண்டு, அதே ஸ்பின்க்ஸை-ஐ வீழ்த்தி, உலக விருதை மூன்றாவது முறையாக மீண்டும் கைப்பற்றினார்.



* குத்துச் சண்டை விளையாட்டில்  தன்னை வீழ்த்தியவர்களையே மீண்டும் வீழ்த்தி, உலக குத்துச் சண்டை சாம்பியன் விருதை மூன்று முறை கைப்பற்றியவர் முகமது அலி. அதனால்தான் உலக குத்துச் சண்டையில் முடிசூடா மன்னனாக பார்க்கப்பட்டார்.

*   61 முறை ரிங்கில் இறங்கியவர், 56 முறை வெற்றி பெற்றுள்ளார். அதில் 37 முறை நாக் அவுட் வெற்றி என்றால், இவருடைய குத்து எப்படி இருக்கும் என்று பார்த்துக்கொள்ளுங்கள்.

* The greatest என்ற திரைப்படம், இவரது கதையை மையமாக வைத்து எடுக்கப்பட்டதுதான்.

( முகமது அலிக்கு ட்விட்டரில் பதிவிடப்படும் இரங்கல் செய்திகளை படிக்க இங்கே க்ளிக் செய்யவும்)

- அ.சையது அபுதாஹிர்

எடிட்டர் சாய்ஸ்

அப்போலோ டூ எம்.ஜி.ஆர் சமாதி... ஜெயலலிதாவுக்கு அரண் அமைத்த மன்னார்குடி!

MUST READ