Vikatan.com

www.vikatan.com would like to send you push notifications.

Notifications can be turned off anytime from browser settings.

யூரோவில் வேல்ஸ் அபாரம்: ரஷ்ய கலகக்கும்பல் தலைவன் கைது!

யூரோ கால்பந்து தொடரில் வேல்ஸ் அணி ரஷ்யாவை 3-0 என்ற கோல் கணக்கில் லீழ்த்தி அடுத்த சுற்றுக்கு முன்னேறியது. இங்கிலாந்து அணியும் நாக்அவுட் சுற்றுக்கு தகுதி பெற்றுள்ளது.

ஐரோப்பிய கோப்பை கால்பந்து தொடரில், பி பிரிவில் நேற்று டூலாஸ் நகரில் நடந்த ஆட்டத்தில்,  ரஷ்ய அணியுடன் வேல்ஸ் மோதியது. இந்த போட்டியில் வேல்ஸ் அணி 3-0 என்ற கோல் கணக்கில் வெற்றி பெற்றது. முதல் பாதியில் 11 வது நிமிடத்தில் ஆரான் ராம்சே வேல்ஸ் அணிக்கான முதல் கோலை அடித்தார்.

தொடர்ந்து 19வது நிமிடத்தில் டெயிலரும் பிற்பாதியில் 67வது நிமிடத்தில் காரத் பேலும் வேல்ஸ் அணிக்கான கோல்களை அடித்தனர். இதனால் பி பிரிவில் இருந்து வேல்ஸ் 6 புள்ளிகளுடன் 2வது சுற்றுக்கு முன்னேறியது. இங்கிலாந்து அணியும் இந்த பிரிவில் இருந்து 5 புள்ளிகள் பெற்று அடுத்து சுற்றுக்கு தகுதி பெற்றது. ரஷ்யா போட்டித் தொடரில் இருந்து வெளியேறியது.

‘இதற்கிடையே  கடந்த இரு நாட்களுக்கு முன் பிரான்சில் இருந்து வெளியேற்றப்பட்ட ரஷ்ய கால்பந்து ரசிகர்கள் சங்கத்  தலைவர் அலெக்சான்டர் ஸ்பிரிங்கின்  நேற்று போட்டி நடந்த டூலாஸ் நகரில் பிடிபட்டுள்ளார். நாட்டை விட்டு வெளியேற்றப்பட்ட அவர், ஸ்பெயின் வழியாக மீண்டும் பிரான்சுக்குள் புகுந்திருக்கலாம் என்று சந்தேகிக்கப்படுகிறது. மார்செலி நகரில் நடந்த ரஷ்யா இங்கிலாந்து அணிகளுக்கிடையேயான முதல் போட்டியின் போது ஏராளமான ரஷ்ய ரசிகர்கள் கலவரத்தில் ஈடுபட, அலெக்சான்டர்தான் காரணமென்று குற்றஞ்சாட்டிய பிரெஞ்சு போலீஸ் அவரை நாட்டை விட்டு வெளியேற்றியது.

எடிட்டர் சாய்ஸ்

MUST READ