Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

நடப்பு சாம்பியன் ஸ்பெயின் கதை முடிந்தது : இங்கிலாந்து 'அவுட் '

யூரோ கால்பந்து தொடரில் இத்தாலி அணியிடம் ஸ்பெயின் அணி 2-0 என்ற கோல் கணக்கில் படுதோல்வியடைந்து தொடரை விட்டு வெளியேறியது. மற்றொரு ஆட்டத்தில் இங்கிலாந்து அணியை ஐஸ்லாந்து அணி தொடரை விட்டு வெளியேற்றியது.

'ஸ்டேட் டி பிரான்சில் ' நடந்த  நாக் அவுட் ஆட்டத்தில் நடப்பு சாம்பியன் ஸ்பெயின் அணியுடன் இத்தாலி மோதியது. பந்தை வழக்கம் போல தனது கட்டுப்பாட்டிலேயே ஸ்பெயின் வைத்திருந்தது. ஆனால் இத்தாலி திறம்பட தாக்குதல் ஆட்டத்தை தொடர்ந்து நடத்திக் கொண்டிருந்தது.  33வது நிமிடத்தில் இத்தாலி அடித்த ஃப்ரீ கிக்கை ஸ்பெயின் கோல்கீப்பர் டி ஜியா தடுக்க, அது ரீபவுண்டானது. அந்த சமயத்தில் பெனால்டி ஏரியாவுக்குள் நின்று கொண்டிருந்த இத்தாலி வீரர் கெலினி எளிதாக கோலுக்குள் அடித்தார். 

இத்தாலி முன்னிலை பெற்றது. பதிலடி கொடுக்க ஸ்பெயின் அணி எடுத்த முயற்சிகளை இத்தாலியின் சிறப்பான தடுப்பாட்டமும் கோல்கீப்பர் பஃப்பனும் தடுத்து விட்டனர். தொடர்ந்து 90வது நிமிடத்தில் இத்தாலிக்கான 2வது கோலை பெல்லே அடிக்க ஸ்பெயின் 2-0 என்ற கோல் கணக்கில் தோற்றது. கடந்த  யூரோ 2012 இறுதி ஆட்டத்தில் அடைந்த தோல்விக்கு தற்போது இத்தாலி ஸ்பெயினை பழிதீர்த்துக் கொண்டது.

நீஸ் நகரில் நடந்த மற்றொரு நாக் அவுட் ஆட்டத்தில் வலுவான அணியான  இங்கிலாந்துடன் கத்துக்குட்டி ஐஸ்லாந்து மோதியது. ஆட்டம் தொடங்கிய 3வது நிமிடத்திலேயே இங்கிலாந்துக்கு ஒரு பெனால்டி வாய்ப்பு கிடைத்தது. இதனை ரூனி கோலாக மாற்றினார். அடுத்த 2வது நிமிடத்திலேயே ஐஸ்லாந்து பதிலடி கொடுத்தது. சிகுர்ட்சன் இந்த கோலை அடித்தார்.

பின்னர் 35வது நிமிடத்தில் சிகுர்போர்சன்  ஐஸ்லாந்துக்கான 2வது கோலை அடிக்க இங்கிலாந்து அணி அதிர்ந்து போனது. முன்னிலை பெற்ற ஐஸ்லாந்து அணி பின்னர் தடுப்பாட்டத்தில் கவனம் செலுத்த, இங்கிலாந்து அணியால் மேற்கொண்டு கோல் அடிக்க முடியவில்லை. முடிவில் இங்கிலாந்து அணி 2-1 என்ற கோல் கணக்கில் தோற்று போட்டியை விட்டு வெளியேறியது. இங்கிலாந்து அணியின் பயிற்சியாளர் ராய் ஹாட்சன் பதவி விலகியுள்ளார்.
 

Advertisement
Advertisement
Advertisement
Advertisement
Advertisement

எடிட்டர் சாய்ஸ்

Advertisement
Advertisement
[X] Close