Vikatan.com

www.vikatan.com would like to send you push notifications.

Notifications can be turned off anytime from browser settings.

சச்சின் ஆடிய போட்டிகளை நீங்களும் விளையாடலாம்... அறிமுகமாகிறது புதிய மொபைல் கேம்!

மைதானத்தின் வாயிலாக கோடிக்கணக்கானவர்களின் நெஞ்சங்களில் நிறைந்தது போதாதென்று, கேமிங் என்னும் சக்தி வாய்ந்த ஊடகத்தின் வழியே நம்மை மேலும் நெருங்கப் போகிறார்  இந்தியாவின் கிரிக்கெட் மாஸ்ட்ரோ சச்சின். ஆம் விரைவில் வெளிவரப் போகிறது ‘சச்சின் சாகா’ எனும் அதிகாரபூர்வ சச்சினின் மொபைல் கேம்!

மொத்த உலகமும் அனலாக் மோடில் இருந்து டிஜிட்டல் மோடிற்கு மாறிக்கொண்டிருக்கிறது. கிரிக்கெட், கால்பந்து, சினிமா ஆகியவற்றையெல்லாம் தாண்டி, இந்த டிஜிட்டல் யுகத்தில் யுவன் யுவதிகளை அடிமைப்படுத்தி வைத்திருப்பது மொபைல் கேம்கள்தான். கார்ட்டூனாக வந்து குழந்தைகளின் மனதை ஆக்கிரமித்த போக்கிமான், ‘போகிமான் கோ’வாக வந்து மொத்த உலகையுமே ஆட்டிப்படைத்துக் கொண்டிருக்கிறது.

இந்நிலையில்,  மிகப்பெரிய ‘பிராண்ட் நேம்’ உடன், இந்தியர்களை ஈசியாக ஈர்த்துவிடும் கிரிக்கெட்டை மையப்படுத்தி வரப்போகிறது ஒரு கேம்! அதுவும் சாதாரண கிரிக்கெட் கேம்  அல்ல…சச்சினின் கேம் அது. சச்சினுக்குப் பிடித்த 100 போட்டிகளை நாம் இந்த கேமில் விளையாட முடியும். அதன் மூலம் சச்சின் அச்சூழலில் இருந்த மனநிலை முதற்கொண்டு நாம் அறிந்து கொள்ள முடியுமாம். அதுமட்டுமின்றி சச்சினே இந்த விளையாட்டில் நமக்கு டிப்ஸ் கொடுக்கும் பயிற்சியாளராக இருப்பாராம்.

புனேவைச் சார்ந்த நிறுவனமான ‘ஜெட் சிந்தசிஸ்’ இந்த கேமை டிசைன் செய்ய உள்ளது. மிகப்பெரிய அமெரிக்க கிராஃபிக்ஸ் நிறுவனத்தோடு இணைந்து, இந்த கேமை மிகச்சிறப்பாக வடிவமைக்க உள்ளதாக அந்நிறுவனத்தின் துணைத் தலைவரும் நிர்வாக இயக்குநருமான ராஜன் நவானி தெரிவித்தார்.  சச்சினும் இதனை அதிகாரபூர்வமாக அறிவித்தார்.

“உங்களுடைய திறமையாலும் என்னுடைய நுண்ணறிவாலும் இவ்விளையாட்டை விளையாடி சாம்பியனாவோம். என்னுடைய கிரிக்கெட் பயணத்தின் அனுபவங்களை இவ்விளையாட்டின் மூலமாக என்னோடு சேர்ந்து பகிர்ந்து கொள்ளுங்கள்” என்று சச்சின் குறிப்பிட்டுள்ளார்.

‘சச்சின் சாகா’ கேமின் ப்ரொமோ வீடியோவைக் காண

- மு.பிரதீப் கிருஷ்ணா

எடிட்டர் சாய்ஸ்

MUST READ