Vikatan.com

www.vikatan.com would like to send you push notifications.

Notifications can be turned off anytime from browser settings.

ஜோக்கோவிச், செரினா, வீனஸ்... டென்னிஸ் டாப்பர்சின் ஒலிம்பிக் அதிர்ச்சி!

லிம்பிக் போட்டிகள், அதன் இரண்டாவது நாளிலேயே அதிர்ச்சித் தோல்விகளை வெளிப்படுத்த தொடங்கி உள்ளன. டென்னிஸ் உலகின் நட்சத்திர வீரர்கள் பலர்,  முதல் சுற்றிலேயே வெளியேறி,  ரசிகர்களை மிகுந்த சோகத்தில் ஆழ்த்தி உள்ளனர்.

ஜோக்கோவிச் தோல்வி...

உலகின் நம்பர் ஒன் டென்னிஸ் வீரரான செர்பியாவின் ஜோக்கோவிச், அர்ஜென்டினாவின் டெல் பொட்ரோவிடம் 7-6 (4), 7-6 (2) என்ற நேர் செட் கணக்கில் அதிர்ச்சி தோல்வி அடைந்துள்ளார். டெல் பொட்ரோ டென்னிஸ் அரங்கில், தற்போது அவர் 145-வது இடத்தில் உள்ளார் என்பது குறிப்பிடத்தக்கது. 2012-ம் ஆண்டு நடந்த லண்டன் ஒலிம்பிக்ஸிலும், வெண்கல பதக்கத்திற்கான போட்டியில் ஜோக்கோவிச்சை வென்றார் டெல் பொட்ரோ.

வில்லியம்ஸ் ஜோடி அவுட்...

ஒலிம்பிக் போட்டிகளில் வில்லியம்ஸ் ஜோடி களம் இறங்கினாலே, கண்டிப்பாக பதக்கம் வெல்வார்கள். மூன்று முறை இரட்டையர் பிரிவில் தங்கம் வென்றுள்ளனர் அமெரிக்காவின் செரினா-வீனஸ் வில்லியம்ஸ் ஜோடி. செக் குடியரசின் லூசி சஃபரோவா, பார்பொரா ஸ்ட்ரைகோவா ஜோடியிடம் 6-3, 6-4 என்ற நேர் செட் கணக்கில் முதல் சுற்றிலேயே தோல்வி கண்டுவிட்டது. இதற்கு முன்னர் சிட்னி (2000), பீஜிங் (2008), லண்டன் (2012) என மூன்று முறை இரட்டையர் பிரிவில் வில்லியம்ஸ் ஜோடி தங்கம் வென்று இருக்கிறார்கள் . ஒற்றையர் பிரிவிலும், வீனஸ் வில்லியம்ஸ் முதல் சுற்றிலேயே தோல்வி கண்டு வெளியேறினார். செரினா வில்லியம்ஸ் முதல் சுற்றில் ஆஸ்திரேலியாவின் டார்லா கவ்ரிலோவாவை 6-4,6-2 என்ற நேர் செட் கணக்கில் வென்று, அடுத்த சுற்றுக்கு முன்னேறி இருக்கிறார்.

முர்ரே, நடால் அடுத்த சுற்றுக்கு தகுதி...


நடப்பு சாம்பியனான ஆண்டி முர்ரே,  செர்பியாவின் விக்டர் ட்ராய்கியை 6-3 6-2 என்ற நேர் செட் கணக்கில் வென்று, அடுத்த சுற்றுக்கு முன்னேறி இருக்கிறார். முழங்கால் வலி காரணமாக ஓய்வில் இருந்த ஸ்பெயின் வீரர் ரஃபேல் நடால், 2008-ம் ஆண்டு பீஜிங்கில் நடந்த ஒலிம்பிக் போட்டிக்குப் பின், தற்போதுதான் ஒலிம்பிக்கில் கலந்து கொள்கிறார். முதல் சுற்றில் அர்ஜென்டினாவின் ஃபெடெரிக்கோ டெல்பொனிஸை 6-2, 6-1 என்ற நேர் செட்கணக்கில் வென்று அடுத்த சுற்றுக்கு முன்னேறி இருக்கிறார். 14 முறை கிராண்ட் ஸ்லாம் பட்டம் வென்ற நடால், 2008-ம் ஆண்டு தங்கம் வென்றவர் என்பது குறிப்பிடத்தக்கது. இரட்டையர் பிரிவிலும், நடால்-லோபெஸ் ஜோடி, நெதெர்லேண்டு அணியை வென்று அடுத்த சுற்றுக்கு முன்னேறி உள்ளது.

விகடன் இதழ்கள் மற்றும் இ-புத்தகங்களை உங்கள் மொபைலில் படிக்க புதிய Vikatan APP

எடிட்டர் சாய்ஸ்

திருப்பதியிலிருந்து திருமலைக்கு நடந்து செல்பவர்களின் கவனத்துக்கு..! 

MUST READ