Vikatan.com

www.vikatan.com would like to send you push notifications.

Notifications can be turned off anytime from browser settings.

சீனாவுக்குப் போட்டியாக இந்தியா உருவாக்கிய ரப்பர் குண்டு!

லிம்பிக்கை பொறுத்த வரை ஜிம்னாஸ்டிக்கில் சீனா, ஜப்பான், தென்கொரிய வீரர் வீராங்கனைகளின் ஆதிக்கம்தான் இருக்கும். இந்திய வீராங்கனைகள் அந்த பக்கமே தலை வைத்து படுப்பது கிடையாது. தற்போது சீன ரப்பர் வீராங்கனைகளுக்கு சவால் விடுக்கும் வகையில் உருவாக்கப்பட்டுள்ளார் தீபா கர்மகர்.

கடந்த 1993 ம் ஆண்டு, ஆகஸ்ட் 9 ம் தேதி,  திரிபுராவின் அகர்தாலா நகரில் தீபா  பிறந்தார். தற்போது இவருக்கு 22 வயதாகிறது. ஆறு வயதிலேயே ஜிம்னாஸ்டிக் களம் கண்டவர்.  பிபேஷ்வர் நன்டி என்பவர்தான், அப்போது முதல் இப்போது வரை தீபாவின் பயிற்சியாளர்.

கடந்த 2007 ம் ஆண்டுதான் தீபாவின் பெயர் வெளியே தெரிய ஆரம்பித்தது. ஜபல்பூரியில் நடந்த தேசிய ஜுனியர் தடகளப் போட்டியில், பதக்கம் வெல்லும் போது தீபாவின் வயது 14 மட்டுமே. கடந்த 2010 ம் ஆண்டு, காமன்வெல்த் இந்திய அணியில் தீபா இடம் பெற்றிருந்தார்.

 கடந்த 2011 ம் ஆண்டு,  தேசியத் தடகளப் போட்டியில் தீபா 5 தங்கப்பதக்கங்ளை வென்று அசத்தினார். ஃபுளோர், வால்ட், ஆல் அரவுண்ட், பீம் பேலன்ஸ், அன்ஈவன் பார்ஸ் பிரிவுகளில் தீபா தங்கம் வென்றார்.

கடந்த 2014 ம் ஆண்டு காமன்வெல்த் போட்டியில் வால்ட் பிரிவில்  தீபா வெண்கலம் வென்றார். இதன் மூலம் காமன்வெல்த் போட்டியில் பதக்கம் வென்ற 2வது இந்தியர் என்ற பெருமையை பெற்றார் தீபா. கடந்த 2010 ம் ஆண்டு ஆஷிஷ் குமார், காமன்வெல்த்  ஜிம்னாஸ்டிக்கில் வெள்ளி மற்றும் வெண்கலப் பதக்கங்களை வென்றிருந்தார்.

 இன்ஷியான் ஆசியப் போட்டியில் தீபா 4வது இடத்தை பிடித்து, அனைவரது கவனத்தையும் கவர்ந்தார்.

ஜப்பானில் நடந்த ஆசிய ஜிம்னாஸ்டிக் போட்டியில், produnova வால்ட் பிரிவில், தீபா வெண்கலம் வென்றார். பீம் பேலன்சிங்கில் 8வது இடம் பெற்றிருந்தார்.

கடந்த ஏப்ரல் 18ம் தேதி, ஒலிம்பிக் ஜிம்னாஸ்டிக் போட்டிக்கு தகுதி பெற்ற முதல் இந்திய வீராங்கனை என்ற பெருமையை தீபா பெற்றார்.

கடந்த 2007 ம் ஆண்டு முதல் இப்போது வரை 77 பதக்கங்களை தீபா வென்றுள்ளார்.  இதில் 67 தங்கப்பதக்கங்கள் ஆகும்.

தீபா இறுதிச் சுற்றுக்கு முன்னேறியதும்  தகுதி சுற்றில் முதலிடம் பிடித்த அமெரிக்க ஜிம்னாஸ்டிக் வீராங்கனை சிமியோன் பைல்ஸ், நேரில்  பார்த்து பாராட்டினார்.  வரும் ஆகஸ்ட் 14ம்தேதி இறுதி சுற்றில் அவர் போட்டியிடப் போகிறார்.  ஒலிம்பிக்கில் மட்டும் தீபா பதக்கம் வென்றால், இந்திய ஜிம்னாஸ்டிக் வரலாறே மாற்றி எழுதப்பட்டு விடும்.
 

விகடன் இதழ்கள் மற்றும் இ-புத்தகங்களை உங்கள் மொபைலில் படிக்க புதிய Vikatan APP

எடிட்டர் சாய்ஸ்

திருப்பதியிலிருந்து திருமலைக்கு நடந்து செல்பவர்களின் கவனத்துக்கு..! 

MUST READ