Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

டி20 தோல்விக்கு தோனி சொல்லும் காரணம்!

டந்த ஆகஸ்ட் மாதம் 27 மற்றும் 28ம் தேதி அமெரிக்காவில் இந்தியா மேற்கு இந்திய தீவு அணிகளுக்கு இடையே இரண்டு இருபது ஓவர் கிரிக்கெட் போட்டிகள் நடைப்பெற்றன. அதில் புளோரிடா நகரில் நடந்த முதல் போட்டியில் இந்தியா போராடி ஒரு ரன் வித்தியாசத்தில் தோல்வி அடைந்தது. அதற்கடுத்து அதே நகரில் இரண்டாவது போட்டியும் நடந்தது. 28ம் தேதி நடந்த போட்டியில் மேற்கு இந்திய தீவுகள் அணி இருபது ஓவர்களில் நூற்று நாற்பத்து மூன்று ரன்கள் எடுத்தது. பின்னர் ஆட்டத்தை தொடர்ந்த இந்தியா இரண்டு ஓவர்களில் பதினைந்து ரன்கள் எடுத்திருந்த நிலையில் மழை குறுக்கிட்டதால் ஆட்டம் நிறுத்தப்பட்டது. ஒன்றுக்கு பூஜ்ஜியம் என்ற வித்தியாசத்தில் மேற்கு இந்திய தீவுகள் அணி தொடரை கைப்பற்றியது.

இதை தொடர்ந்து இந்திய அணி தோல்வியுடன் வீடு திரும்பியது. இதற்கிடையே நேற்று இந்திய அணித் தலைவரான தோனி, இந்தியக் கிரிக்கெட் கவுன்சிலில் ஒரு புகார் அளித்துள்ளார். ஏழு முப்பதுக்கு தொடங்க வேண்டிய ஆட்டம் எட்டு பத்துக்கு தான் தொடங்கியது. ஆட்டத்தை நேரலையாக ஒளிபரப்பு செய்ய தேவையான செயற்கைக்கோளில் சிக்கல் ஏற்பட்டதால், ஆட்டம் ஒத்தி வைக்கப்பட்டது.

இந்திய அணி குறைந்தப் பட்சம் ஐந்து ஓவர்கள் ஆடி இருந்தால் தான் டக் ஒர்த் லூயிஸ் முறையை பயன்படுத்த முடியும். அந்த நாற்பது நிமிட தாமதம் இல்லாமல் இருந்து இருந்தால் இந்திய அணி ஐந்து ஓவர்களை கடந்து ஆடியிருந்திருக்கும். ஆட்டத்திற்கு முடிவு கிடைத்திருக்கும். சர்வதேச கிரிக்கெட் கவுன்சிலின் விதியின் படி ஆட்டம் தாமதமாக தொடங்க மூன்று காரணங்கள் தான் இருக்க முடியும்.

1. மழை
2. குறைந்த ஒளி
3. ஆடுகளம் சரி இல்லாமல் இருத்தல்

செயற்கைக்கோள் சிக்கல்களுக்காக ஆட்டத்தை ஒத்தி வைத்தது சரியா? என்று வினவியுள்ளார் தோனி. மேலும் அந்த தாமதம் காரணமாக இந்தியா ஆட்டத்தை தோற்க நேர்ந்தது. விலை உயர்ந்த டிக்கெடுகளை வாங்கி ஆட்டத்தை பார்க்க வந்த மக்கள் ஆட்டத்திற்கு ஒரு முடிவு கிடைப்பதை பார்க்காமல் வீடு திரும்பினர். சர்வதேச கிரிக்கெட் கவுன்சிலின் விதியின் கீழ் வராத காரணத்திற்காக போட்டியின் ஒளிபரப்பு உரிமத்தை பெற்ற சன்செட் அண்ட் வைன் நிறுவனம் ஆட்டத்தை நிறுத்தியது சர்ச்சையை ஏற்படுத்தியுள்ளது.

இதைப் பற்றி பேசிய விளம்பரதாரரான சுனில் குப்தா, "போட்டி எவ்வளவு முக்கியமோ அவ்வளவு முக்கியம் விளம்பரதாரரின் பணம். தொழில்நுட்ப சிக்கல் காரணமாக போட்டியை தள்ளி வைத்தது சரி தான். விளம்பரதாரரின் பணம் இல்லையென்றால் இந்திய மக்கள் செலவே இல்லாமல் வீட்டில் இருந்தபடி போட்டியை பார்க்க முடியாது. விளம்பரங்களும் போட்டியும் கைகோர்த்து செல்ல வேண்டும்." என்று கூறியுள்ளார்.

போட்டிக்காக ஒளிபரப்பா? அல்லது ஒளிபரப்புவதற்காக தான் போட்டியே நடத்தப்படுகிறதா?., என்ற கேள்வியை இந்த சம்பவம் எழுப்பியுள்ளது.

- ம.சக்கர ராஜன்

மாணவர் பத்திரிகையாளர்

Advertisement
Advertisement
Advertisement
Advertisement
Advertisement

எடிட்டர் சாய்ஸ்

என்ன செய்தார்கள் தமிழ்நாட்டின் 39 எம்.பி-க்கள்? - முழுமையான பெர்ஃபாமன்ஸ் ரிப்போர்ட்
Advertisement

MUST READ

Advertisement
[X] Close