Vikatan.com

www.vikatan.com would like to send you push notifications.

Notifications can be turned off anytime from browser settings.

உடலில் 183 தையல்கள்...வீல்சேர் வாழ்க்கை... தீபா மலிக் வெள்ளி வென்ற கதை!

ரியோ பராலிம்பிக் போட்டியில் முதலில் தங்கம் அடுத்து வெண்கலம் இப்போது வெள்ளிப் பதக்கத்தை இந்தியா வென்றுள்ளது. மாரியப்பன் தங்கவேலுவையும் வருணையும் அடுத்து குண்டு எறிதல் போட்டியில் இந்தியாவுக்கு வெள்ளிப் பதக்கம் வென்று பெருமை சேர்த்துள்ளார் தீபா மலிக். தற்போது 46 வயதான தீபா மலிக்தான் பாரா ஒலிம்பிக்கில் பதக்கம் வென்ற முதல் இந்திய வீராங்கனை ஆவார்.

ஹரியானா மாநிலத்தை சேர்ந்த தீபா மலிக் ராணுவ அதிகாரியின் மனைவி . இரண்டு குழந்தைகளின் அம்மா. கடந்த 1999ம் ஆண்டு முதுகு தண்டு வடத்தில் ஏற்பட்ட கட்டியை அகற்ற அறுவை சிகிச்சை நடந்த போது, இடுப்புக்கு கீழே உடல் உறுப்புகள் செயல் இழந்தன. அதை சரி செய்வதற்கு 31 அறுவை சிகிச்சைகள் மேற்கொள்ள வேண்டி இருந்தது. இடுப்புக்கும், தொடைக்கும் இடையே மட்டும் 200 தையல்கள். அறுவை சிகிச்சைக்குப் பின்னும், அவரால் பழைய நிலைக்குத் திரும்ப முடியவில்லை. அறுவை சிகிச்சையில் இருந்து பூரண குணமடைய மட்டும் 3 ஆண்டுகள் பிடித்தன. அதற்கு பிறகு வீல்சேரில்தான் தீபாவின் வாழ்க்கை என்றாகிப் போனது.

உடல் ஊனமானாலும், மன உறுதி தளராமல் விளையாட்டில் கவனம் செலுத்தினார்.  சக்கர நாற்காலியில் அமர்ந்தவாறு குண்டு வீசும் தீபா,  ஏற்கனவே 2011-ம் ஆண்டு நியூசிலாந்தில் நடந்த மாற்றுத் திறனாளிகளுக்கான உலக சாம்பியன்ஷிப் போட்டியில் வெள்ளிப்பதக்கம் வென்றிருந்தார்.

 

கடந்த 2012ம் ஆண்டு மத்திய அரசு தீபாவுக்கு அர்ஜுனா விருது வழங்கியது. இந்த விருதை பெற்ற முதல் மாற்றுத் திறனாளி வீராங்கனை இவர்தான்.

வட்டு எறிதல், ஈட்டி எறிதல், குண்டு எறிதல் என பல விளையாட்டுப் போட்டிகளிலும் தீபா அசத்துபவர். மோட்டார் பைக் பிரியை. இந்தியா முழுவதும் பைக்கில் சுற்றுபவர். கார்பந்தயத்திலும் ஆர்வம் கொண்டவர். ஹிமாலயன் மோட்டார் ரேசில் பங்கேற்றுள்ளார். இந்த பந்தயம்தான் இந்தியாவிலேயே மிகவும் ஆபத்து நிறைந்தது. பாலைவனம் முதல் இமயம் வரை சுமார் 1700 கிலோ மீட்டர் தொலைவு கொண்ட ரிஸ்க் நிறைந்த ஒரு பந்தயம் இது. கடல் மட்டத்தில் இருந்து 1800 அடி உயரத்திலும் கார் ஓட்ட வேண்டியது இருக்கும். இந்த கார் பந்தயத்திலும் தீபா கலந்து கொண்டு சாதனை படைத்துள்ளார்.

ஃபெடரேஷன் ஆஃப் மோட்டார் ஸ்போர்ட்ஸ் இந்தியா அமைப்பிடம் இருந்து ஸ்பெஷல் லைசென்ஸ் பெற்ற முதல் மாற்றுத் திறனாளி வீராங்கனை இவர்தான். இவருக்கென்றே பிரத்யோகமாக தயாரிக்கப்பட்ட கார்களில் தீபா, ரேஸ்களில் பங்கேற்கிறார்.

கடந்த 2008ம் ஆண்டு யமுனா நதியில் நீரோட்டத்தை எதிர்த்து, ஒரு கிலோ மீட்டர் நீச்சலடித்து சாதனை படைத்து லிம்கா புத்தகத்தில் இடம் பெற்றிருந்தார். அப்படி நான்கு லிம்கா சாதனைகளுக்குச் சொந்தக்காரர்.

தீபா தேசிய அளவில் 45 தங்கப்பதக்கங்களும் 5 வெள்ளிப் பதக்கங்களும் 2 வெண்கலப்பதக்கங்களும் வென்றுள்ளார். சர்வதேச அளவில் 13 பதக்கங்களை வென்றுள்ளார்.

 

தீபா வெறும் விளையாட்டு வீராங்கனை மட்டுமல்ல. சிறந்த தொழில்முனைவோரும் கூட. சொந்தமாக கேட்டரிங் சர்வீஸ் நடத்தி வருகிறார். சிறந்த பேச்சாளரும் கூட.

ஹரியானா மாநில விளையாட்டு மேம்பாட்டு திட்டத்தின்படி மாற்றுத்திறனாளிகள் சாதித்துக் காட்டினால், மிகப்பெரிய ஊக்கத்தொகை வழங்கப்படுகிறது. அந்த வகையில், தீபா மலிக் ரூ.4 கோடி பரிசு பெறவுள்ளார்.

வெள்ளிப் பதக்கம் வென்ற தீபாவுக்கு பிரதமர் நரேந்திர மோடி வாழ்த்து தெரிவித்துள்ளார். ‘தேசத்தை பெருமிதப்படுத்தி விட்டீர்கள் ' என பிரதமர் மோடி புகழாரம் சூட்டியுள்ளார். சச்சின் தெண்டுல்கர் உள்ளிட்ட விளையாட்டு பிரபலங்களும் தீபாவுக்கு வாழ்த்து தெரிவித்துள்ளனர்.

முயற்சி செய்யாமல் இருப்பதுதான் நிஜமான ஊனம் என நமக்கு காட்டியிருக்கிறார்கள் பாரா ஒலிம்பிக்கில் கலந்துக் கொண்ட அனைத்து வீரர்களும். 

-எம். குமரேசன்

 

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ