Vikatan.com

www.vikatan.com would like to send you push notifications.

Notifications can be turned off anytime from browser settings.

டி வில்லியர்ஸையே மிரட்டிய பவுலர்!

தென் ஆப்ரிக்க கிரிக்கெட் வீரர் டி வில்லியர்ஸ் களத்தில் இருந்தால் எதிரணிக்கு அடி வயிறு கலங்கும். ‘டிரைவ்’ ஆடுவார் என ஃபீல்ட் செட் செய்தால் ஸ்கூப் ஆடி, ஃபீல்டர்களை மட்டுமல்லாது ரசிகர்களையும் குழப்புவார். என்ன ரகம் என வரையறுக்க இயலாத 360 டிகிரி பேட்ஸ்மேன். 

எப்பேர்பட்ட பேட்ஸ்மேனுக்கும் ஒரு பவுலர் சிம்ம சொப்பனமாக இருப்பார் அல்லவா? அந்த வரிசையில் டி வில்லியர்ஸை அச்சுறுத்திய பவுலர் யார் என அவரது சுயசரிதை புத்தகமான, ‘ஏபி: தி ஆட்டோபயாகிரபி’யை ஆச்சரியத்துடன் புரட்டினால், இதுவரை யாருமே கேள்விப்படாத ஒரு பவுலரின் பெயரைச் சொல்லி பிரம்மிப்பூட்டுகிறார். தவிர, இணையத்தில் உலவுவது போல, ‘நான் மல்டி ஸ்போர்ட்ஸ் கில்லி அல்ல’ என, ட்விஸ்ட் வைக்கிறார். 

யார் அந்த பவுலர்? 

‘நான் சந்தித்ததில் பெஸ்ட் பவுலர் யார் எனக் கேட்டால், உடனே என் நினைவுக்கு வரும் பெயர் ஜெரிட் டீஸ்ட். விரிவான விளக்கம் அளிக்க வேண்டும் என்பதால், பொதுவாக இந்த கேள்விக்கு ஊடகங்களிடம் பதில் சொல்வது இல்லை. ஆனால், அதுதான் உண்மை. ஜெரிட் டீஸ்ட்தான் எப்போதுமே எனக்கு அச்சுறுத்தலாக இருந்தார். நான் சந்தித்தில் பெஸ்ட் பவுலர் அவர்தான்’ என டி வில்லியர்ஸ் சுயசரிதையில் மனம் திறந்துள்ளார்.

ஜெரிட் டீஸ்ட், டி வில்லியர்ஸை விட 11 வயது மூத்தவர். இடது கை வேகப்பந்து வீச்சாளர். 1999ல் தென் ஆப்ரிக்காவில் உள்ள நார்தெர்ன்ஸ் என்ற முதல்தர கிரிக்கெட் அணிக்காக விளையாடியவர். வேடிக்கை என்னவெனில், அவர் ஒரேயொரு முதல் தர போட்டியில் மட்டுமே ஆடியுள்ளார். அது, இங்கிலாந்து வீரர் கெவின் பீட்டர்சன் ஒரு காலத்தில் தென் ஆப்ரிக்காவில் இருந்தபோது விளையாடிய நடால் அணிக்கு எதிராக. அந்த போட்டியில் ஜெரிட் வீழ்த்தியது 3 விக்கெட்டுகள். 

‘அப்போது ஜெரிட் டீஸ்ட் வயது 22. என் வயது 11. அப்போது என் சகோதரர்கள் ஜான் மற்றும் வெசல்ஸ், முன்னாள் தென்  ஆப்ரிக்க வீரர் மார்டின் வேன் ஜார்ஸ்வெல்ட் ஆகியோருடன், 14 யார்டு பிட்ச்சில் கிரிக்கெட் விளையாடுவேன். ஜெரிட் டீஸ்ட் நல்ல உயரம். அபாரமான உடற்கட்டு உடையவர். நான் வார்ம்பாத்ஸ் பிரைமரி பள்ளியில் வெறும் கால்களுடன் கிரிக்கெட் விளையாடிக் கொண்டிருந்தபோது, ஜெரிட் டீஸ்ட், ஜோகன்னஸ்பர்கில் உள்ள கிளப் அணிக்காக விளையாடிக் கொண்டிருந்தார். அவர் பந்து எப்போதுமே மிரட்டும் வகையில் இருக்கும். அன்று அவர்களுடன் ஆடிய அந்த ஆட்டம்தான் என்னை பின்னாளில் சிறந்த கிரிக்கெட் வீரனாக மாற்றியது’ என்பது, டி வில்லியர்ஸ் கருத்து.

நான் கில்லி இல்லை: 

டி வில்லியர்ஸின் திறமையைப் பற்றிச் சொல்லும்போது அவர் கிரிக்கெட் வீரர் மட்டுமல்ல, டென்னிஸ், தடகளம், நீச்சல், பேட்மின்டன், ரக்பி, ஹாக்கி, கால்பந்து, கோல்ஃப் விளையாட்டுகளில் மன்னன் என்ற தகவல் உலவும். ஆனால், ‘நான் அந்த விளையாட்டுகளில் பெரிதாக ஜொலிக்கவில்லை’ என்கிற ரீதியில் ‘சுயசரிதையில்’ அடக்கமாக பதிலளித்துள்ளார் டி வில்லியர்ஸ். 

‘‘சின்ன வயதில் நான் பல விளையாட்டுகளில் ஜொலித்ததாக இணையத்தில் தகவல்கள் பரவிக் கிடக்கின்றன. மக்கள் இதை உண்மை என நம்பிக் கொண்டிருக்கின்றனர். ஆனால் உண்மை அதுவல்ல. 

உயர்நிலைப் பள்ளியில் படிக்கும்போது ஒரு வருடம் ஹாக்கி விளையாடினேன். ஆனால், தேசிய ஹாக்கி அணியில் இடம்பெறவில்லை. ஒருமுறை கூட அந்த இடத்தை என்னால் நெருங்க முடியவில்லை. தென் ஆப்ரிக்காவில் பள்ளிகளில் வார்ம் அப் செய்வதற்காக கால்பந்து விளையாட வேண்டும் என்பது கட்டாயம். அப்படித்தான் இடைவேளையின்போது கால்பந்து விளையாடினேன். மற்றபடி அங்கீகரிக்கப்பட்ட போட்டிகளில் விளையாடியதில்லை.

அதேபோல, ரக்பியிலும் எந்த மட்டத்திலும் தென் ஆப்ரிக்க அணியில் இடம்பெறவில்லை. ரக்பி அணிக்கு கேப்டனாகவும் இருந்ததில்லை. பள்ளியில் பேட்மின்டன் விளையாடியதே இல்லை. என் நினைவு சரியாக இருந்தால், என் வாழ்வில் ஒரே ஒருமுறை மட்டுமே பேட்மின்டன் விளையாடி உள்ளேன். அதுவும் கூட, மார்க் பவுச்சருக்கு எதிரான வேடிக்கையான கேம்தானே தவிர, சீரியஸ் கேம் அல்ல. 

ஆனால், கோல்ஃப் கொஞ்சம் தெரியும். சின்ன வயதில் ரக்பி, டென்னிஸ் விளையாடி இருக்கிறேன். கிரிக்கெட்டை எப்போதுமே அனுபவித்து விளையாடி வருகிறேன். அவ்வளவே’’ என விரிகிறது அந்தப் பக்கங்கள்.

நிறைகுடம் தளும்பாது!

- தா.ரமேஷ்

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ