Vikatan.com

www.vikatan.com would like to send you push notifications.

Notifications can be turned off anytime from browser settings.

வெள்ளிப் பதக்கத்துடன் தாயகம் திரும்பினார் கர்னல் மகள்!

ரியோ பாராலிம்பிக் போட்டி நேற்றுடன் முடிவடைந்தது. இந்தியா தரப்பில் 19 வீரர் - வீராங்கனைகள் பங்கேற்றனர். இந்திய வீரர் தேவேந்திர ஜாஜாரியா பாராலிம்பிக்கில் இரு முறை தங்கப்பதங்கங்களை கைப்பற்றிய இந்திய வீரர் என்ற சாதனையை படைத்துள்ளார். கடந்த 2004ம் ஆண்டு ஏதென்ஸ் ஒலிம்பிக்கில் ஈட்டி எறிதலில் தங்கம் வென்ற ஜாஜாரியா 12 ஆண்டுகளுக்கு பிறகு இப்போது ரியோவிலும் தங்கம் வென்று சாதித்தார்.

உடலில் மார்புக்கு கீழே எதுவும் செயல்படாத நிலையில் வீல்சேரில் இருந்தவாறே குண்டு எறிந்த தீபா மாலிக், 4.61 மீட்டர் தொலைவு வீசி வெள்ளிப் பதக்கம் வென்றார். அத்துடன்  பாராலிம்பிக்கில் வெள்ளி வென்ற முதல் இந்திய வீராங்கனை என்ற பெயரையும் பெற்றார். பாராலிம்பிக் வரலாற்றில் அதிக வயதில் (46) பதக்கம் வென்ற வீராங்கனை என்ற பெருமையும் தீபாவுக்கு உண்டு.

தமிழக வீரர் மாரியப்பன் உயரம் தாண்டுதலில் தங்கம் வென்றார். இதே பிரிவில் வருண் வெண்கலம் வென்றார். ரியோ பாராலிம்பிக்கில் இரு தங்கம், ஒரு வெள்ளி வெண்கலப் பதக்கத்துடன் இந்தியா 53வது இடத்தை பிடித்தது.  நிறைவுவிழா நிகழ்ச்சியில் இந்தியாவுக்காக உயரம் தாண்டுதலில் தங்கம் வென்ற சேலத்தைச் சேர்ந்த மாரியப்பன், தேசியக் கொடியை ஏந்தி சென்றார். மாரியப்பன் இன்றோ நாளையோ தாயகம் திரும்புவார் என எதிர்பார்க்கப்படுகிறது.

பாரலிம்பிக்கில் உலகத் தரவரிசையில் தமிழக வீரர் மாரியப்பன் முதலிடம் பிடித்துள்ளார். இந்தியாவின் வருண் மற்றும் சரத்குமார் ஆகியோர் 2 மற்றும் 3வது இடங்களை பிடித்து அசத்தியுள்ளனர். உலகத் தரவரிசையில், ஃபீல்டு அண்டு டிராக் ஈவெண்ட்டில் முதல் 3 இடங்களை இந்தியர்கள் பிடித்திருப்பதும் இதுவே முதல் முறை.

இதற்கிடையே வெள்ளிப்பதக்கம் வென்ற தீபா மாலிக் நேற்று இரவு தாயகம் திரும்பினார். டெல்லி இந்திரா காந்தி சர்வதேச விமானத்தில் நள்ளிரவு 1.30 மணிக்கு கணவர் கர்னல் பிக்ரம் சிங் மகள் தேவிகாவுடன்  தீபா வந்திறங்கினார். விமான நிலையத்தில் ஏராளமான மக்கள் மாற்றுத்திறனாளி வீரர்கள் கூடி நின்று தீபாவுக்கு வரவேற்பளித்தனர். ஹரியானா பாரம்பரிய முறைப்படி தீபாவுக்கு விமான நிலையத்தில் வரவேற்பளிக்கப்பட்டது. விமான நிலையத்தில் தீபாவை அவரது தந்தையும் ரிட்டையர்டு கர்னலுமான பி.கே.நக்பால் நெற்றியில் முத்தமிட்டு வரவேற்றார். தீபாவின் சகோதரர் பிரிகேடியர் விக்ரம் நக்பாலும் சகோதரியை வரவேற்க விமான நிலையம் வந்திருந்தார். அவரும்  சகோதரிக்கு முத்தமிட்டு மகிழ்ச்சியை வெளிப்படுத்தினார்.

 ''இந்திய மக்கள் என் மீது வைத்திருந்த நம்பிக்கையை காப்பாற்றி விட்டேன். என்னை வரவேற்க இங்கு வந்த ஒவ்வொருவருக்கும் நன்றி தெரிவித்துக் கொள்கிறேன் ''என்றார் தீபா.

தீபாவை வரவேற்க வந்திருந்த ஹரியான விளையாட்டுத்துறை அமைச்சர் அனில் விஜ், '' ஹரியானா மகளின் வெற்றியை கொண்டாட இங்கு வந்திருக்கிறேன். தன்னம்பிக்கை இருந்தால் எதுவும் சாத்தியமாகும். அதற்கு  தீபா எடுத்துக்காட்டு'' என்றார்.

பாராலிம்பிக் வீரர் - வீராங்கனைகளுக்கு வழங்கப்படும் பரிசுத் தொகையில் எந்த வேறுபாடும் காட்டப்படாது என ஹரியானா அரசு உறுதியளித்துள்ளது. தீபாவை வரவேற்க ஹரியான விளையாட்டுத்துறை அமைச்சரே விமான நிலையத்துக்கு சென்றுள்ளார். தமிழகத்தில் அது நடக்குமா?

-எம்.குமரேசன்

 

 

 

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ