Vikatan.com

www.vikatan.com would like to send you push notifications.

Notifications can be turned off anytime from browser settings.

’ஹர்பஜன்தான் எனக்கு இன்ஸ்பிரேஷன்!’ சர்ச்சைக்கு அஷ்வின் முற்றுப்புள்ளி

இந்தூரில் நியூஸிலாந்துக்கு எதிரான மூன்றாவது டெஸ்ட் போட்டி ஆரம்பிப்பதற்கு முன், " ஒரு பந்து கூட இன்னும் வீசப்படவில்லை, ஆனால் இரண்டு நாள் பிட்ச் போல காட்சியளிக்கிறது. என்னுடைய கணிப்புப்படி மூன்றரை நாட்களைத் தாண்டி மேட்ச் செல்லாது" என ட்விட்டரில் பிட்ச் குறித்து விமர்சித்திருந்தார் ஹர்பஜன் சிங். இதற்கு சமூக வலைதளங்களில் ரசிகர்கள் பதிலடி கொடுத்தனர். அதோடு, டெஸ்ட் கேப்டன் விராட் கோலி ‛ எந்த பிட்ச்சாக இருந்தாலும் ஒழுங்காக பந்து வீசினால் தான் விக்கெட் கிடைக்கும்' என்றார் காட்டமாக. இதைத் தொடர்ந்து,

டெஸ்ட் போட்டிகளில் அஷ்வின், ஹர்பஜன் இருவரில் யார் பெஸ்ட் என விவாதங்கள் நடந்தன. இந்த ஒப்பீட்டில் அஷ்வினுக்கு உடன்பாடில்லை. 'இரு வீரர்களை ஒப்பிட்டு பேசுவதன் மூலம்  ருசிகரமான தலைப்புச் செய்தியைத் தவிர வேறெதுவும் கிடைப்பதில்லை. ’வீரர்களை மதித்து விளையாட்டை ஆரோக்கியமாக வைப்போம்' என அஷ்வின் ட்விட்டரில் பதிவு செய்திருந்தார். அதோடு ஹர்பஜன் சிங்கின் ட்விட்டர் ஐடிக்கு ‛மென்சன்’ செய்து விமர்சனங்களுக்கு முற்றுப்புள்ளி வைத்தார் . ‛
 

‛ஹர்பஜன் சிங்தான் என்னுடைய இன்ஸ்பிரேஷன். 2001 தொடரில் அவர் அபாரமாக பந்துவீசினார். அதன்பிறகே நான் ஆஃப் ஸ்பின் வீசத் தொடங்கினேன். இப்படி இருக்க, எங்கள் இருவரையும் ஒப்பிடுவது ஆரோக்கியமற்றது’’ என்று அஷ்வின் மற்றொரு ட்விட்டில் விளக்கம் அளித்திருந்தார். உடனே ஹர்பஜனும், தன் பங்குக்கு ‛‛நான் உங்களை குறிப்பிடவில்லை. என் வார்த்தைகள் தவறாகப் புரிந்து கொள்ளப்பட்டன. தொடர்ந்து சிறந்த ஆட்டத்தை வெளிப்படுத்தி நாட்டுக்கு பெருமை சேர்க்க வாழ்த்துகள். கடவுள் ஆசிர்வசிக்கட்டும்’’ என ஹர்பஜன் ட்விட்டரில்  விளக்கம் கொடுத்திருந்தார்.

- தா.ரமேஷ்

எடிட்டர் சாய்ஸ்

MUST READ