Vikatan.com

www.vikatan.com would like to send you push notifications.

Notifications can be turned off anytime from browser settings.

சச்சினின் சத சாதனையை கோலி எத்தனையாவது போட்டியில் முறியடிப்பார் தெரியுமா..? #FactRevealed

கோலியின் ஃபெர்பார்மென்ஸ் குறித்து குறிப்பிட்டு கட்டுரையை ஆரம்பிக்க  தமிழில் இன்னும் வார்த்தைகளைத் தேடவேண்டும் போல! நாளுக்கு நாள் கோலியின் மிரட்டல் இன்னிங்ஸ் வேற லெவலில் சென்று கொண்டிருக்கிறது. இந்தியா - நியூசிலாந்து அணிக்கு எதிரான  மூன்றாவது ஒருதின போட்டியில் அபார சேஸிங் சதம் அடித்ததன் மூலம் அதிக சதம் அடித்தவர்கள் பட்டியலில் நான்காவது இடத்துக்கு முன்னேறியிருக்கிறார் கோலி. சில பல காலமாகவே கோலி - சச்சின் குறித்த புள்ளிவிவர ஒப்பீடுகள் அதிகரித்து வருகின்றன. சச்சின் - கோலி இருவரும் எப்படி விளையாடியிருக்கிறார்கள் என்பதைப் புள்ளிவிவரங்கள் என்ன சொல்கின்றன என கவனிப்போமா? 

ஒவ்வொரு 25 போட்டிகளிலும் இருவரும் எவ்வளவு  சதங்கள் அடித்திருக்கிறார்கள்  என்பதை மேலே காணலாம். சச்சின் முதல் ஒருநாள் போட்டியில் எடுத்த ரன்கள் எவ்வளவு தெரியுமா? டக் அவுட். இரண்டாவது ஒருநாள்  எடுத்த ரன்கள் என்ன? அதுவும்  டக் அவுட் தான். இப்படித்தான் ஆரம்பித்தது லிட்டில் மாஸ்டரின் ஒருதின இன்னிங்ஸ்கள். ஆரம்பக்கட்டத்தில் கீழ் நடுவரிசையிலும், பின்னர் மேல் நடுவரிசையிலும் ஆடினார் டெண்டுல்கர். போதுமான பேட்டிங் வாய்ப்பு கிடைக்காததால் சச்சின் டெண்டுல்கரால் அந்த கால கட்டங்களில் எளிதாக  சதங்களை எடுக்க முடியவில்லை. தனது 66-வது போட்டியில் தான் முதல் முறையாக தனக்கு பிடித்த தொடக்க வீரர் இடத்தில் களமிறங்கினார் சச்சின். ஒருதின போட்டியில் விளையாட ஆரம்பித்து நான்கு ஆண்டுகளுக்குப் பிறகு 79-வது போட்டியில் தான் முதல் சதம் எடுத்தார் சச்சின்.  கோலி - சச்சின் இடையே பார்த்தால், 166 இன்னிங்ஸ்களில் ஒரு இடத்தில் கூட சச்சினை பின்தங்காமல் நேர்த்தியாக  சீரான முறையில் கோலி சதங்களை விளாசியிருப்பதை அறியலாம்.

 

 

எத்தனையாவது போட்டியில் இருவரும் எத்தனையாவது சதம் விளாசியிருக்கிறார்கள் என்பதை  கீழே உள்ள சார்டில் காணலாம்.(கர்சரை நகர்த்தி எந்த போட்டியில் எவ்வளவு சதம் என தெரிந்து கொள்ளுங்கள்)

முதல் சதம் எடுத்த பின்னர் அடுத்த 75 போட்டிகளுக்குள் பதினோரு சதம் அடித்திருக்கிறார் சச்சின். அதன் பின்னர் இடையில் 25 போட்டிகளில்  சதமே அடிக்கவில்லை. இதையடுத்து  தாறுமாறாக சதங்களை விளாசித்தள்ளியிருக்கிறார். 175-275 இடையிலான போட்டிகளில் சுமார் 18 சதங்கள் விளாசியிருக்கிறார் மாஸ்டர் பிளாஸ்டர். முதல் நூறு போட்டிகளில் சுமார் 13  சதம் அடித்திருக்கிறார் கோலி. ஆனால் அடுத்த 13  சதங்களை எடுக்க அவருக்கு வெறும் 66 இன்னிங்ஸ்கள் தான் தேவைப்பட்டன.

166 போட்டிகள் வரையில் கணக்கு எடுத்தால் சச்சின் 12 சதங்கள் எடுத்திருக்கிறார். ஆனால் கோலியோ 26 சதங்கள் எடுத்து மலைக்க வைத்திருக்கிறார். 166 போட்டிகள் வரை சச்சின் டெண்டுல்கர் சராசரியாக 13.83 போட்டிகளுக்கு ஒரு சதம் என்ற அளவில் இருந்திருக்கிறார். ஆனால் கோலியோ ஒவ்வொரு 6.38  ஒருதின போட்டிக்கும் ஒரு சதம் விளாசியிருக்கிறார்.

ஒவ்வொரு நூறு போட்டிகளுக்கும் இருவருக்கும் சராசரியாக எத்தனை இன்னிங்சில் ஒரு சதம் அடித்திருக்கிறார்கள் என கணக்கு எடுத்துப்பார்த்தால் டெண்டுல்கர் ஆரம்ப நூறு போட்டிகளுக்கு பிறகு தொடர்ச்சியாக சச்சின் சிறப்பான முறையில் சதம் விளாசியிருப்பதை அறிய முடியும். கோலி முதல் நூறு போட்டிகளிலேயே சூப்பர் சராசரி தான். அதன் பின்னர் 'அவர் வேற லெவல்' என நிரூபிப்பதை புள்ளிவிவரமே காட்டிக்கொடுத்து விடுகிறது.

கட்டுரையின் கிளைமாக்ஸ் இதுதான். சச்சின் டெண்டுல்கர் 452-வது இன்னிங்ஸில் தான் 49-வது சதம் எடுத்தார். ஒட்டுமொத்தமாக 24 வருடமாக ஒருதின போட்டிகளில் ஆடியதில் ஒவ்வொரு 9.24 இன்னிங்ஸ்க்கும் ஒரு சதம் என்ற ரீதியில் தனது கேரியரில் சதங்களை விளாசி மலைக்க வைத்திருக்கிறார் சச்சின். கோலி இதுவரை ஒட்டுமொத்தமாக ஒவ்வொரு 6.38 இன்னிங்ஸ்க்கும் ஒரு சதம் அடித்து பிரமிக்க வைத்திருக்கிறார். இந்த சராசரியை கணக்கு வைத்துக்கொண்டு பார்த்தால் அவர் ஆடும் 311 அல்லது 312-வது ஒருதின  இன்னிங்ஸில்  சச்சினின் 49 சதங்கள் சாதனையை சமன் செய்வார் என எதிர்பார்க்கலாம். ஒருவேளை சச்சின் ஆடிய அளவுக்கு 462 ஒருநாள் போட்டிகள் வரை ஆடினால் 72 சதங்கள் வரை கோலி அடிக்கக்கூடும் என புள்ளிவிவரப் பட்சி சொல்கிறது.

அம்மாடியோவ்! 

- பு.விவேக் ஆனந்த்

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ