Vikatan.com

www.vikatan.com would like to send you push notifications.

Notifications can be turned off anytime from browser settings.

88-வது நிமிடத்திலா கோல் போடுவாங்க? #ISL

 

ஐ.எஸ்.எல். லீக் போட்டியில் சென்னை - மும்பை அணிகள் மோதிய ஆட்டம் 1-1 என்ற கோல் கணக்கில் டிரா ஆனது.

 

சென்னையின் எஃப்.சி. மற்றும் மும்பை சிட்டி அணிகள் மோதிய ஹீரோ இந்தியன் சூப்பர் லீக் போட்டி சென்னை நேரு மைதானத்தில் நடந்தது. சஸ்பெண்ட் காரணமாக சென்னை அணியின் தலைமை பயிற்சியாளர் மார்கோ மடராசி இல்லாததால் , உள்ளூர் ஆளான துணை பயிற்சியாளர் சபீர் பாஷா அணியை வழி நடத்தினார்.

 

 

வழக்கத்துக்கு மாறாக சென்னை அணியில் ஆறு இந்திய வீரர்கள் பிளேயிங் லெவனில் இடம்பிடித்திருந்தனர். முதல் இருபது நிமிடங்கள் வரை இரு அணிகளும் கோல் கணக்கை தொடங்கவில்லை. சென்னையின் ஸ்ட்ரைக்கர் மொரிசியோ பெலுசோ அடித்த ஃப்ரி கிக் ஷாட்டை டைவ் அடித்து தடுத்தார் மும்பை கோல் கீப்பர் அல்பினோ கோம்ஸ்.

 

 

26-வது நிமிடத்தில் ஓபன் நெட்டில் கிடைத்த வாய்ப்பை அப்படியே கோல் அடிக்காமல் பாஸ் செய்கிறேன் என வீணடித்தார் தோய் சிங். மும்பை தரப்பிலோ கோல் அடிப்பதை காட்டிலும் தடுப்பாட்டத்திலேயே குறியாக இருந்தனர்.  அச்சுறுத்தலாக இருப்பார் என கணிக்கப்பட்ட மும்பை கேப்டன் ஃபோர்லானை கோல் பக்கமே நெருங்கவிடவில்லை சென்னை டிஃபண்டர்கள்.

 

 

தோய் சிங் கோல் அடிப்பதில் தடுமாறினாரே தவிர ரைட் விங்கில் இருந்து வகையாக கிராஸ் கொடுக்க தவறவில்லை. அதேபோல லெஃப்ட் விங்கில் இருந்தும் பெலுசோ சான்ஸ் கிரியேட் செய்து கொண்டிருந்தாரே தவிர கோல் அடிக்கவில்லை. இந்த இடத்தில் இலானோ, மெண்டோஸா போன்றவர்களின் இல்லாமையை உணரமுடிந்தது.அதேநேரத்தில்  பெனால்டி பாக்சுக்கு வெளியே லாவகமாக கிடைத்த ஒரு ஷாட்டையும் துல்லியமாக அடித்து தான் ஒரு நட்சத்திர வீரர் என்பதைக் காட்டினார் மும்பைக்காக விளையாடும் உருகுவேயின் டீகோ ஃபோர்லான். நல்ல வேளையாக அது கோலாகவில்லை. ஜஸ்ட் மிஸ். நிம்மதி அடைந்தனர் சென்னை ரசிகர்கள். இடைவேளையின்போது இரு அணிகளும் கோல் அடிக்கவில்லை.

 

இரண்டாவது பாதியை சுறுசுறுப்புடன் தொடங்கியது சென்னை. 51-வது நிமிடத்தில் சென்னை அணிக்கு கார்னர் கிக் கிடைத்தது. பெலுசோ அளந்து எடுத்தது போல் கொடுத்த கிராஸை அசால்டாக தலையால் முட்டி கோல் அடித்து, சென்னை அணியின் கொண்டாட்டத்துக்கு வழி வகுத்தார் ஜெஜே. அடுத்த நிமிடமே அதை சரி செய்ய மும்பைக்கு வாய்ப்பு கிடைத்தது. நல்லவேளையாக 6 யார்டு பாக்ஸில் வைத்து நடந்த களேபரத்தை டக்கென கிளியர் செய்து சென்னையின் மானம் காத்தார் மெண்டி.

 

 

கோல் அடித்தபோது கூட அவ்வளவு சத்தம் இல்லை. ரைட் விங்கில் இருந்து எதிரணி வீரர்களை ஏமாற்றி ஜெஜே டிரிபிளிங் செய்து அழகாக டுடுவுக்கு செட் செய்து கொடுக்க, அரங்கமே கைதட்டி ஆர்ப்பரித்தது. ஆனால் அதை டுடு கோல் கீப்பர் கையில் அடித்து ஏமாற்றினார். ஒரு கட்டத்தில் மும்பைக்கு ஃப்ரி கிக் மற்றும் அடுத்தடுத்து கார்னர் வாய்ப்பு கிடைத்தன. மும்பையின் துரதிர்ஷ்டம் பார் வரை சென்ற பந்து உள்ளே நுழைய மறுத்து விட்டது.

 

 

கடைசி பத்து நிமிடத்தில் மும்பை சுதாரிக்க, ஆட்டம் சூடுபிடித்தது. தப்பித்தவறிகூட ஃபோர்லானிடம் பந்து போகக்கூடாது என தெளிவாக காய் நகர்த்தினர் சென்னை வீரர்கள். ஆனால் யாருமே எதிர்பாரத வகையில் 88-வது நிமிடத்தில், பெனால்டி பாக்ஸுக்கு வெளியே இருந்து பவர்ஃபுல் ஷாட் மூலம்  கோல் அடித்து ஆச்சரியப்படுத்தினார் மும்பையின் லியோ கோஸ்டா. ஆட்டம் சமநிலை அடைந்தது.


 

இஞ்சுரி டைமில் எவ்வளவோ நெருக்கிப் பார்த்தும் சென்னையால் கோல் அடிக்க முடியவில்லை. ஆட்ட நேர முடிவில் 1-1 என மேட்ச் டிரா ஆனது. 

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ