Vikatan.com

www.vikatan.com would like to send you push notifications.

Notifications can be turned off anytime from browser settings.

பேட்டிங், பவுலிங்கில் எந்த அணி கெத்து? #INDvsENG

சச்சின் டெண்டுல்கர் சர்வதேச  போட்டிகளில் சுமார் 24 ஆண்டுகள் விளையாடினார். அவர் பேட்டிங் செய்த 24 வருடங்களில் ஒருமுறை கூட  இந்திய மண்ணில் ஐந்து டெஸ்ட் போட்டிகள் கொண்ட டெஸ்ட் தொடர் நடந்ததில்லை.  1986 -1987 சீசனில் பாகிஸ்தான் இந்தியாவுக்கு வந்து ஆடியது தான் இந்தியாவில் நடந்த கடைசி ஐந்து டெஸ்ட் போட்டி கொண்ட தொடர். கிட்டத்தட்ட 29 வருடங்களுக்கு பிறகு இந்திய மண்ணில் தற்போது ஐந்து டெஸ்ட் போட்டிகள் கொண்ட கிரிக்கெட் தொடர் நடக்கவுள்ளது. இந்தியாவை எதிர்கொள்ள வந்திருப்பது இங்கிலாந்து. 

இங்கிலாந்து கடைசியாக இந்தியாவுக்கு வந்தபோது மும்பையிலும், கொல்கத்தாவிலும் டெஸ்ட் போட்டியை ஜெயித்தது மட்டுமின்றி தொடரையும் வென்றெடுத்தது. இந்தியா இங்கிலாந்துக்கு சென்ற போதும்  3-1 என்ற கணக்கில் தொடரை ஜெயித்தது இங்கிலாந்து தான். 

பேட்டிங்

1993-ம் ஆண்டுக்குப் பிறகு கடந்த 23 ஆண்டுகளில் இந்தியாவும் இங்கிலாந்தும்  ஒன்பது டெஸ்ட் தொடரில் விளையாடியிருக்கின்றன, இதில் எந்தவொரு டெஸ்ட் தொடரிலும் இந்தியா இரண்டு டெஸ்ட் போட்டிகளை ஜெயித்ததே கிடையாது. இருபத்தி  மூன்று ஆண்டுகளில் இந்தியாவும் இங்கிலாந்து 31 டெஸ்ட் போட்டிகளில் மோதியுள்ளன. இதில் ஏழு போட்டிகளை மட்டும் தான் இந்தியா ஜெயித்திருக்கிறது. கிரிக்கெட் வரலாறு சொல்லும் சேதி என்னவென்றால் சந்தேகமே இன்றி இந்தியாவை விட இங்கிலாந்து கெத்து என்பது தான்.

ஆனால் இதெல்லாம் நடந்து முடிந்தவை. தற்போதைய சூழ்நிலையில் இந்தியாவை இந்திய மண்ணில் எதிர்கொள்வது என்பது எந்தவொரு அணிக்கும் மிகப்பெரிய சவால். இந்தவருடம்  தென்னாப்ரிக்காவை அதன் மண்ணிலேயே டெஸ்ட் தொடரில் ஜெயித்து மாஸ் காட்டியது இங்கிலாந்து, ஆனால் வங்கதேசத்துக்கு எதிராக எதிர்பாராத தோல்வி அடைந்திருக்கிறது. மூத்த வீரர்கள் எல்லோரும் ஒதுங்கிவிட்ட நிலையில் இந்தியாவுக்கு இளம் படையுடன் வந்திருக்கிறது இங்கிலாந்து.

முதல்  இரண்டு டெஸ்ட் போட்டிகளுக்கு இந்திய அணியும், ஒட்டுமொத்த டெஸ்ட் தொடருக்கு இங்கிலாந்து அணியும் அறிவிக்கப்பட்டு விட்டன. அறிவிக்கப்பட்ட அணி எப்படியிருக்கிறது? தொடருக்கு முந்தைய சூழ்நிலையில் யாருக்கு வெற்றி வாய்ப்பு அதிகம்? 

பேட்டிங்

பேட்டிங் : -

இந்திய அணியைப் பொறுத்தவரை தொடக்க வீரர்களாக முரளி விஜய்யும், கவுதம் கம்பீரும் பலம் சேர்க்கிறார்கள். நடுவரிசையில் புஜாரா, கோலி, ரஹானே இருக்கிறார்கள். இவர்களுடன் கூடுதலாக கருண் நாயரும் இருக்கிறார்.  ஆறு தேர்ந்த பேட்ஸ்மேன்கள்,  15 பேர் கொண்ட பட்டியலில் இடம் பெற்றுள்ளனர். 

இங்கிலாந்து அணியில் அலெஸ்டர் குக், பாலன்ஸ், ரூட் ஆகிய மூன்றே பேட்ஸ்மேன்கள் தான் அணியில் உள்ளனர். ரூட்டும், குக்கும் இந்திய மண்ணில்  ஏற்கெனவே சிறப்பாக விளையாடியவர்கள், ஆனால் அவர்களைத் தவிர  வேறு எந்த பேட்ஸ்மேனுக்கும் இந்திய மண்ணில் டெஸ்ட் கிரிக்கெட் ஆடி பழக்கம் இல்லை. எனவே பேட்டிங் துறையை பொறுத்தவரை இந்தியா இங்கிலாந்தை விட பல மடங்கு முன்னணியில் இருக்கிறது.

பேட்டிங், பவுலிங் என ஒவ்வொன்றிலும் கிளிக் செய்க:-

பவுலிங் :-

அஷ்வின், ஜடேஜா, அமித் மிஸ்ரா என மூவர் கூட்டணி சூழலுக்கு பலம் சேர்க்கும். இஷாந்த், ஷமி, உமேஷ் வேகப்பந்துக்கு இருக்கிறார்கள். இவர்களுடன் ஜெயந்த் யாதவ், ஹர்டிக் பாண்டே  அணியில் இருக்கின்றனர். இஷாந்த் அணிக்கு திரும்பியது சாதகமான அம்சம் என்றாலும் கூட, கான்பூர், விசாகப்பட்டினம் முதலான  ஸ்லோ பிட்ச்களில் ஸ்விங் செய்வதற்கு சிறந்த பவுலரான புவனேஷ்வர் யாதவ் இல்லை. இது  இந்திய அணிக்கு சற்று பின்னடைவு தான். இங்கிலாந்து அணியை பொறுத்தவரை பந்துவீச்சுக்கு கவலையே வேண்டாம். வோக்ஸ், ஸ்டோக்ஸ், பிராட், அன்சாரி, பட்டி, ஜேக் பால்,  ஸ்டீவன் ஃபின், மெயின் அலி, பென் டக்ட், அடில் ரஷீத் என பத்து பேர் பவுலிங்கை பார்த்துக்கொள்வார்கள். மெயின் அலி இந்திய அணிக்கு கடும் குடைச்சல் தருவார் என எதிர்ப்பார்க்கலாம். எனினும் மேட்ச் வின்னிங் பவுலர்கள் இங்கிலாந்திடம் இல்லை. இதனாலேயே பவுலிங்கிலும் இங்கிலாந்தை விட இந்தியா கொஞ்சம் கூடுதல் வலிமையோடு தான் இருக்கிறது.

விக்கெட் கீப்பிங் :-

இங்கிலாந்து அணிக்கு  பேர்ஸ்டோ,  பட்லர் என இரண்டு  கீப்பர் பேட்ஸ்மேன்கள் இருக்கிறார்கள். இருவருமே அதிரடியாகவும், சிறப்பாகவும் விளையாடக்கூடியவர்கள். அணியை சரிவில் இருந்து  மீட்கும் திறன் இருவருக்குமே உண்டு. விக்கெட் கீப்பிங்கிலும் பட்டையைக் கிளப்பக்கூடியவர்கள். இந்தியாவுக்கு விருத்திமான் சாஹா விக்கெட் கீப்பர். விக்கெட் கீப்பிங்கில் இங்கிலாந்து தான் டாப்.

ஆல்ரவுண்டர்: -

பேட்டிங் ஆல்ரவுண்டர் யாருமே இந்தியாவுக்கு இல்லை. அஷ்வின், ஜடேஜா இருவரும் பவுலிங் ஆல்ரவுண்டர்கள். பாண்டியா ஒரு ஆல்ரவுண்டராக இன்னும் பரிமளிக்கவில்லை. ஸ்டோக்ஸ், வோக்ஸ், பென் டக்ட், அடில் ரஷீத், மொயின் அலி என ஆல்ரவுண்டர் பட்டாளம் இங்கிலாந்து அணியில் நிறைந்திருக்கிறது. குறைந்தபட்சம் நான்கு ஆல்ரவுண்டர்கள் அணியில் இருப்பார்கள் என்பதால் இதிலும் இங்கிலாந்தின் கையே ஓங்கியிருக்கிறது. 

<script id="infogram_0_f7306c4e-0f9d-483e-ba1f-baa2b6ce3b03" title="IND vs ENG" src="//e.infogr.am/js/embed.js?U26" type="text/javascript"></script><div style="padding:8px 0;font-family:Arial!important;font-size:13px!important;line-height:15px!important;text-align:center;border-top:1px solid #dadada;margin:0 30px"><a target="_blank" href="https://infogr.am/f7306c4e-0f9d-483e-ba1f-baa2b6ce3b03" style="color:#989898!important;text-decoration:none!important;">IND vs ENG</a><br><a style="color:#989898!important;text-decoration:none!important;" href="http://charts.infogr.am/bar-chart?utm_source=embed_bottom&utm_medium=seo&utm_campaign=bar_chart" target="_blank">Create bar charts</a></div>

- பு.விவேக் ஆனந்த் 

எடிட்டர் சாய்ஸ்

MUST READ