Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

இங்கிலாந்து டெஸ்ட் தொடருக்கு சிக்கல்!? பட்ஜெட் பஞ்சாயத்து

பிசிசிஐ

இந்தியா வந்துள்ள இங்கிலாந்து கிரிக்கெட் அணியினரின் பயணம் மற்றும் ஹோட்டலில் தங்கும் செலவை தங்களால் கொடுக்க முடியாது என, இங்கிலாந்து கிரிக்கெட் வாரியத்திடம் பிசிசிஐ. தெரிவித்துள்ளது. 

இந்தியாவுக்கு சுற்றுப் பயணம் மேற்கொண்டுள்ள இங்கிலாந்து அணி ஐந்து டெஸ்ட், தலா மூன்று ஒருநாள், 20-20 போட்டிகளில் பங்கேற்க உள்ளது. இதற்கான இங்கிலாந்து அணி ஏற்கனவே இந்தியா வந்துவிட்டது. இந்த சூழலில், இந்திய கிரிக்கெட் கட்டுப்பாட்டு வாரியம் (BCCI) செயலாளர் அஜய் ஷிர்கே, இங்கிலாந்து மற்றும் வேல்ஸ் கிரிக்கெட் வாரியத்துக்கு ஒரு கடிதம் எழுதியுள்ளார். அதன் விவரம்: 

விரைவில் தொடங்க உள்ள கிரிக்கெட் தொடருக்காக இந்தியா வந்துள்ள உங்களை மனதார வரவேற்கிறேன். பி.சி.சி.ஐ மற்றும் இங்கிலாந்து கிரிக்கெட் வாரியம் இணைந்து பரஸ்பரம் செய்து கொண்ட புரிந்துணர்வு ஒப்பந்தத்தை, தற்போது எங்களால் செயல்படுத்த முடியாது என்பதை மிகுந்த வருத்தத்துடன் தெரிவித்துக் கொள்கிறேன். 

உச்ச நீதிமன்றத்தால் நியமிக்கப்பட்ட நீதிபதி லோதா கமிட்டி தற்போது, பி.சி.சி.ஐ.யின் நிதி விவகாரங்களைக் கண்காணித்து வருகிறது. அந்த கமிட்டியின் சம்மதம் இல்லாமல், நாங்கள் எந்த ஒப்பந்தத்தையும் நிறைவேற்ற முடியாது. எனவே, நாம்  ஏற்கனவே செய்து கொண்ட ஒப்பந்தப்படி, இங்கிலாந்து கிரிக்கெட் அணியின் பயணம் மற்றும் ஹோட்டலில் தங்கும் செலவை எங்களால் ஏற்க முடியாது. 

இங்கிலாந்து  அணி இந்தியா வந்து விட்டதால், இந்தமுறை அந்த செலவினங்களை ஏற்க உடனடியாக அனுமதி வழங்குமாறு, அக்டோபர் 28 ம் தேதி, லோதா கமிட்டியிடம் அனுமதி கோரி இருந்தோம். மீண்டும் ஒருமுறை இன்று (நேற்று)  அனுமதி கோரினோம். ஆனால்,  அந்த கமிட்டி கூடுதல் விவரங்களை அளிக்க கோரியதே தவிர, அனுமதி வழங்கவில்லை. 

இதற்கு முன் இப்படி ஒரு பிரச்னை இல்லை என்பதால், ஒப்பந்தத்தை நிறைவேற்றியே இருக்கிறோம். இந்த முறையும் அந்த ஒப்பந்தப்படி நடந்து கொள்ள முடியாத சூழலில் பி.சி.சி.ஐ. உள்ளது. எனவே, செலவினங்களை சமாளிக்க நீங்கள் மாற்று ஏற்பாடுகளை செய்து கொள்ளுங்கள். இந்த விஷயம் தொடர்பாக லோதா கமிட்டியிடம் இருந்து பி.சி.சி.ஐ.க்கு அடுத்த உத்தரவு வரும் பட்சத்தில், அதை உடனடியாக உங்களிடம் பகிர்ந்து கொள்வோம். உங்கள் பயணம் மற்றும் தங்கும் செலவை ஏற்க முடியாததற்காக, பி.சி.சி.ஐ. சார்பில் மன்னிப்பு கேட்டுக் கொள்கிறேன் என, அந்த கடிதத்தில் குறிப்பிடப்பட்டுள்ளது.


பி.சி.சி.ஐ.யின் இந்த அறிவிப்பால், இந்தியா - இங்கிலாந்து டெஸ்ட் தொடர் பாதிக்கப்படுமோ என்ற சூழல் நிலவியது. ஆனால், திட்டமிட்டபடி சுற்றுப் பயணத்தை முடிக்க வேண்டும் என்பதில் இங்கிலாந்து கிரிக்கெட் வாரியம் தெளிவாக உள்ளது. அந்த அணியின் செய்தித் தொடர்பாளர் கூறுகையில் ‛‛நாங்கள் ஏற்கனவே இந்தியா வந்து விட்டோம். எங்கள் திட்டத்தில் மாற்றம் இல்லை. திட்டமிட்டபடி செயல்பட, இந்தியாவுக்கு எதிரான தொடரை ஆவலுடன் எதிர்நோக்கி உள்ளோம்’’ என்றார்.

ஐ.பி.எல். சூதாட்ட விவகாரத்தைத் தொடர்ந்து, ‛லோதா கமிட்டியிடம் ஆலோசிக்காமல் எந்த ஒப்பந்தத்திலும் பி.சி.சி.ஐ. கையெழுத்திடக் கூடாது. பி.சி.சி.ஐ.யின் நிதி விவகாரங்களை லோதா கமிட்டி கண்காணிக்கும்’ என உச்ச நீதிமன்றம் உத்தரவிட்டிருந்ததன் எதிரொலியே இது.

 
- தா.ரமேஷ் 

Advertisement
Advertisement
Advertisement
Advertisement
Advertisement

எடிட்டர் சாய்ஸ்

'சாக்கடையில் கலந்த ஜெயலலிதா ரத்தம்!'   -எம்பால்மிங் சீக்ரெட்டை உடைக்கும் மருத்துவர்கள் #VikatanExclusive
placeholder

'இருதயம் செயலிழந்து போனதற்கான காரணம் என்ன? திடீரென்று செயலிழந்து நின்று போன இருதயத்தை ஏன் மீண்டும் செயல்பட வைக்க இயலவில்லை? உலகத் தரம் வாய்ந்த உபகரணங்களையும் நிபுணத்துவத்தையும் தோல்வியைத் தழுவச் செய்த காரணங்கள் யாவை?' என்ற கேள்விகளையே மருத்துவர் பீலேயும் அப்போலோ மற்றும் எய்ம்ஸ் மருத்துவர்களும் தமிழக-இந்திய மருத்துவ உலகத்தாரும் தமிழ்நாடு-மத்திய அரசுகளும் கேட்டிருக்க வேண்டும். அதற்கான பதிலைக் கண்டறிய இயன்றளவில் முயற்சியை மேற்கொண்டிருக்க வேண்டும். ஆனால் அதற்கான ஒரு சிறிய துரும்பு அளவிலான முயற்சியைக்கூட இவர்கள் எவரும் மேற்கொள்ளவில்லை என்பதுதான் உண்மை.

Advertisement

MUST READ

Advertisement
[X] Close