Vikatan.com

www.vikatan.com would like to send you push notifications.

Notifications can be turned off anytime from browser settings.

சென்னை பயிற்சியாளருக்கு பதிலடி கொடுக்க ஜிடேன் முகமூடி அணியும் கேரள ரசிகர்கள்!

ஜிடேன் முகமூடி

கொச்சி சூப்பர் லீக் கால்பந்து தொடருக்கு ரசிகர்கள் ஜிடேன் முகமூடி அணிந்து வரவுள்ளதாக வெளியாகியுள்ள தகவல் அதிரிபுதிரி பரபரப்பாகியுள்ளது.

இந்தியன் சூப்பர் லீக் கால்பந்து தொடரில் இன்று கொச்சியில் நடைபெறும் ஆட்டத்தில் சென்னை அணியுடன் கேரளா பிளாஸ்டர்ஸ் அணி மோதுகிறது. 

ஐஎஸ்எல் போட்டியின் இந்த மோதல் 'சவுத் இண்டியன் டெர்பி' என்று அழைக்கப்படுகிறது. சென்னையின் எப்.சி அணியின் பயிற்சியாளரான  மார்கோ மெட்ரசி உலகப் புகழ்பெற்ற கால்பந்து வீரர். இத்தாலியைச் சேர்ந்த இவர் கடந்த 2006ம் ஆண்டு உலகக் கோப்பை இறுதிப் போட்டியின் போது நடந்த விரும்பத்தகாத சம்பவத்தால் மிகவும் பாப்புலராகவும் ஆனார். 

பெர்லினில் நடந்த இறுதி ஆட்டத்தில் பிரான்ஸ் அணியுடன் இத்தாலி அணி மோதியது.இந்த போட்டியின் போது பிரான்ஸ் அணியின் கேப்டன் ஜினடேன் ஜிடேனுடன் மார்கோ மெட்ரசிக்கு வாய்த் தகராறு ஏற்பட்டது. அப்போது ஏற்பட்ட ஆத்திரத்தில் ஜினடேன் ஜிடேன் மெட்ரசியை மார்பில் முட்டித் தள்ளினார். உலகம் முழுக்க கடும் அதிர்ச்சியை ஏற்படுத்திய சம்பவம் இது. உடனடியாக சிவப்பு அட்டை பெற்ற ஜிடேன் களத்தை விட்டு வெளியேற்றப்பட்டார். இத்தாலி அணி டைபிரேக்கரில் வெற்றி பெற்று உலகக் கோப்பையை வென்றது. அந்த மார்க்கோ மெட்ரசிதான் தற்போது சென்னை அணியின் பயிற்சியாளராக இருக்கிறார்.

மார்கோ மெட்ரசி அடிக்கடி சர்ச்சையில் சிக்கிக் கொள்ளும் ரகம்தான். ஐஎஸ்எல் முதல் சீசனில் சென்னை அணியை கேரள அணி அரையிறுதியில் வீழ்த்தியது. அப்போது மார்கோ மெட்ரசி கேரளா பிளாஸ்டர் அணி வீரர்களிடம் விதிகளுக்கு புறம்பாக நடந்து கொண்டதால், சஸ்பென்ட் செய்யப்பட்டார். தற்போது அவருக்கு பதிலடி கொடுக்கும் வகையில் இன்று கொச்சியில் நடைபெறும் ஆட்டத்தில் ஜினடேன் ஜிடேனின் முகமூடி அணிந்து கேரள ரசிகர்கள் போட்டியை காண வரப் போகிறார்களாம். இதற்காக சுமார் 35 ஆயிரம் ஜிடேன் முகமூடிகள் விற்பனையாகியுள்ளன. 

இது குறித்து மார்கோ மெட்ரசியிடம் கேட்டால், ''அவர்கள் முகமூடிக்கு செலவழிக்கிறார்கள். நான், உணவுக்காக செலவழிப்பேன்'' என்றார்.

-எம்.குமரேசன்

 


 

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ