Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

#IPL10: பெங்களூர்-பஞ்சாப் பலப்பரீட்சை!

ஐ.பி.எல் போட்டிகளின் 8-வது ஆட்டத்தில் இன்று பெங்களூர் ராயல் சேலஞ்சர்ஸ் அணியும் கிங்ஸ் லவன் பஞ்சாப் அணியும் மோதுகின்றன. டாஸ் வென்ற ராயல் சேலஞ்சர்ஸ் அணி பேட்டிங்கை தேர்வு செய்துள்ளது. 

rcb


ஐபிஎல் போட்டிகள் ஆரவாரமாய் ஆரம்பித்து அதிரடியாய் நடந்து கொண்டிருக்கிறது. இன்று 8-வது போட்டியில் பெங்களூரும் பஞ்சாபும் மோதுகின்றன. இதில் டாஸ் வென்ற பெங்களூர் ராயல் சேலஞ்சர்ஸ் அணி முதலில் பேட்டிங் செய்து வருகிறது. தோல்பட்டை காயம் காரணமாக இப்போட்டியில் விராட் கோலி விளையாடவில்லை. மேலும் அதிரடி வீரர் கெயிலுக்குப் பதிலாக டி வில்லியர்ஸ் களமிறங்குகிறார். கிங்ஸ் லவன் பஞ்சாபில் ஸ்வப்னில் சிங்குக்குப் பதிலாக வருண் ஆரோன் களமிறங்குகிறார்.

அதிரடி வீரர்கள் நிறைந்திருக்கும் ராயல் சேலஞ்சர்ஸ் இம்முறை விராட் கோலி இல்லாததால் கொஞ்சம் தடுமாறி வருகிறது. இந்நிலையில் கிங்ஸ் லவன் பஞ்சாபை வெல்லும் நோக்கில் இரண்டு சுழற்பந்து வீச்சாளர்களுடன் களமிறங்குகிறது பெங்களூர். கிங்ஸ் லவன் பஞ்சாபும் மில்லர், மேக்ஸ்வெல் என அதிரடி ஆட்டக்காரர்களைக் கொண்டுள்ளது .மேலும் முதல் போட்டியில் அசத்திய தமிழக வீரர் தங்கராசு நடராஜனும் இன்று விளையாடவுள்ளார். இதுவரை 18 முறை நேருக்குநேர் சந்தித்துள்ள போட்டிகளில் பஞ்சாப் 10 முறையும் பெங்களூர் 8 முறையும் வென்றுள்ளன. 

#UPDATES

பதினைந்து ஓவர்களின் முடிவில் ராயல் சேலஞ்சர்ஸ் அணி 4 விக்கெட் இழப்புக்கு 71 ரன் எடுத்துள்ளது. டி வில்லியர்ஸ் 31 ரன்னுடனும் ஸ்டுவர்ட் பின்னி 2 ரன்னுடனும் களத்தில் இருக்கின்றனர். பஞ்சாப் தரப்பில் வருண் ஆரோன் இரண்டு விக்கெட்டும் அக்சர் பட்டேல், சந்திப் ஷர்மா தலா ஒரு விக்கெட்டையும் வீழ்த்தியுள்ளனர். 

Advertisement
Advertisement
Advertisement

எடிட்டர் சாய்ஸ்

“மாட்டின் மீதான அக்கறை, சிசுக்கள் மீது கிடையாதா?!” நெஞ்சு பொறுக்குதில்லையே #GorakhpurTragedy
Advertisement

MUST READ

Advertisement
[X] Close