Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

ஐபிஎல் : புனே அணிக்கு எதிரான ஆட்டத்தில் குஜராத் அணி வெற்றி!

ஐ.பி.எல் தொடரில் இன்று நடந்த இரண்டாவது போட்டியில் புனே அணியும், குஜராத் அணியும் மோதின. டாஸ் வென்ற குஜராத் அணியின் கேப்டன் சுரேஷ் ரெய்னா, முதலில் பந்துவீசப் போவதாகக் கூறி, புனே அணியை பேட்டிங் ஆட பணித்தார்.

குஜராத் அணியின் பிரெண்டன் மெக்கல்லம்

முதலில் களமிறங்கிய புனே அணி 20 ஓவர்களில் 8 விக்கெட் இழந்து 171 ரன்கள் எடுத்தது. அந்த அணியின் கேப்டன் ஸ்மித் அதிகபட்சமாக 28 பந்துகளில் 43 ரன்கள் எடுத்தார். குஜராத் அணியின் ஆண்ட்ரூ டை, இந்த தொடரின் இரண்டாவது ஹாட்-ட்ரிக் எடுத்தார். நான்கு ஓவர்கள் பந்து வீசிய அவர் 17 ரன்கள் கொடுத்து 5 விக்கெட்டுகளை வீழ்த்தினார். ஐ.பி.எல் தொடரின் முதல் 5 விக்கெட் பந்துவீச்சு இது என்பது குறிப்பிடத்தக்கது.

172 ரன்கள் எடுத்தால் வெற்றி என்ற இலக்கோடு குஜராத் அணி அடுத்ததாகக் களமிறங்கியது. அந்த அணியின் தொடக்க வீரர்களான ட்வாய்ன் ஸ்மித் மற்றும் பிரெண்டன் மெக்கல்லம் இருவரும் தொடக்கம் முதலே அதிரடியாக விளையாடினர். ட்வாய்ன் ஸ்மித் 47 ரன்களும், மெக்கல்லம் 49 ரன்களும் எடுத்து ஆட்டமிழந்தனர்.

18 ஓவர் முடிவில் 3 விக்கெட்டுகள் இழந்து 172 ரன்கள் எடுத்து குஜராத் அணி எடுத்தது. இதன் மூலம் 7 விக்கெட் வித்தியாசத்தில் குஜராத் அணி வெற்றி பெற்றது.

உங்கள் கருத்தைப் பதிவு செய்யுங்கள்

Advertisement
Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close