Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

மெஸ்சி, சுவாரஸ், நெய்மர்... மும்மூர்த்திகளை அசைத்துப் பார்த்த யுவென்டஸ்! #MatchAnalysis #BarcelonaVsJuventus #Championsleague #VikatanExclusive

சரியான எதிரியிடம் திறமையை நிரூபிக்க முடியாமல் ஆட்டம் கண்டிருக்கிறது பார்சிலோனாவின் ஆட்டம். ‘மெஸ்சி, ரொனால்டோவை இத்தாலியில் வந்து விளையாடச் சொல்லுங்கள். அப்போது தெரிந்துவிடும் அவர்கள் எவ்வளவு கோல்கள் அடிக்கிறார்கள்... எங்கள் டிஃபன்ஸ் எவ்வளவு பலம் என்று...’ என்றார் இத்தாலியைச் சேர்ந்த முன்னாள் டிஃபண்டர் ஒருவர். அந்த வாய்க்குக் கொஞ்சம் இனிப்பு.

மெஸ்சி - சாம்பியன்ஸ் லீக்

சாம்பியன்ஸ் லீக் காலிறுதியில் பார்சிலோனா - யுவென்டஸ் மோதல் என்றதுமே உற்சாகமானது கால்பந்து உலகம். மெஸ்சி, நெய்மர், சுவாரஸ் என அட்டாக்கிங்கில் பார்சிலோனா பக்கா எனில், ஜார்ஜோ கெலினி, லியாண்டோ போனுச்சி,  அலெக்ஸ் சாண்ட்ரோ, டேனி ஆல்வ்ஸ் என பின்களத்தில் யுவென்டஸ் ராக் என்பதே அந்த எதிர்பார்ப்புக்குக் காரணம். இரு கட்டங்களாக நடக்கும் காலிறுதியின் முதல் கட்டம் டியூரின் நகரில் உள்ள யுவென்டஸ் அணியின் ஹோம் கிரவுண்டில் நடந்தது. அதில் 3-0 என யுவென்டஸ் வெற்றி. தேங்க்ஸ் டூ டிபாலா. அவர், மெஸ்சி கண்முன், மெஸ்சி போலவே இடதுகாலில் இரண்டு கோல்கள் அடித்து ‘அடுத்த மெஸ்சி’ என ஐரோப்பிய கால்பந்து உலகைத் திரும்பிப் பார்க்க வைத்தவர். பார்கா ரசிகர்களைப் பதற வைத்தவர்.

பார்சிலோனாவின் ஹோம் கிரவுண்ட் கேம்ப் நு மைதானத்தில் நேற்று Second leg நடந்தது. பார்சிலோனா அரையிறுதிக்கு முன்னேற வேண்டும் எனில், சொந்த மண்ணில் குறைந்தது நான்கு கோல்கள் அடிக்க வேண்டும். அதேநேரம் யுவென்டஸ் வீரர்களை கோல் அடிக்க அனுமதிக்கக் கூடாது. இந்த இடத்தில் ஒரு புள்ளி விவரம். இந்த சாம்பியன்ஸ் லீக் சீசனில், யுவென்டஸ் இதுவரை ஒன்பது போட்டிகளை டிரா செய்துள்ளது, ஒட்டுமொத்தமாக வாங்கியது இரண்டு கோல்கள் மட்டுமே.

மெஸ்சி, நெய்மர் - சாம்பியன்ஸ் லீக்

அப்பேற்பட்ட அணிக்கு எதிராக  90 நிமிடத்தில் நான்கு கோல்கள் அடிப்பது சாத்தியமா? சாத்தியம்தான் என நம்பினர் பார்கா ரசிகர்கள். காரணம். காலிறுதிக்கு முந்தைய சுற்றில் First leg-ல்  0-4 என்ற கோல் கணக்கில் பின்தங்கியிருந்த பார்சிலோனா, second leg-ல் ஆறு கோல்கள் அடித்து PSG கிளப் மட்டுமல்ல ஒட்டுமொத்த கால்பந்து உலகுக்கும் ஆச்சர்யம் அளித்தது. அதுபோன்றதொரு அதிசயம் மீண்டும் நிகழும் என எதிர்பார்த்தே கேம்ப் நு ஸ்டேடியத்தில் நேற்றிரவு அடியெடுத்து வைத்தனர் பார்கா ரசிகர்கள். அதிசயங்கள் அடிக்கடி நிகழ்வதில்லையே!

முழுக்க, முழுக்க தாக்குதல் ஆட்டத்தில் ஈடுபட்டால் மட்டுமே பார்சிலோனா அரையிறுதியைப் பற்றி நினைத்துப் பார்க்க முடியும். Attack,  Attack, Attack... இதுதான் பார்சிலோனா மேனஜர் லூயிஸ் என்ரிகேவின் பிளான். அதனால்தான் அவர் போட்டி தொடங்கும் முன் ‘முதல் கோலை நாங்கள் அடித்து விட்டால், இரண்டாவது கோலை கேம்ப் நு மைதானமே (ரசிகர்களின் உற்சாகத்தில்...) அடித்து விடும். மூன்றாவது கோல் தன்னாலே வந்துவிடும்’ என நம்பிக்கை வார்த்தை சொன்னார். அவர் இந்த சீசனுடன் பார்சிலோனாவுக்கு குட்பை சொல்ல இருக்கிறார். இது அவருக்கு சாம்பியன்ஸ் லீக்கில் பார்சிலோனாவுடன் கடைசிப் போட்டி. அதனால் அவர் அப்படி உணர்ச்சிவசப்பட்டார். ஆனால் அந்தப் போட்டி மறக்க முடியாத போட்டியாக அமைந்து விட்டது.

மெஸ்சி, சுவாரஸ்

அதிக கோல் தேவை எனும்போது அட்டாக்கிங்கில் ஈடுபட்டால் மட்டுமே வெற்றி சாத்தியம். ஆனால், டிஃபன்ஸ், டிஃபன்ஸ், டிஃபன்ஸ் என்ற தியரியுடன் பார்சிலோனாவுக்கு வரவில்லை யுவென்டஸ் பயிற்சியாளர் அலெக்ரி. யுவென்டஸ் வீரர்களும் முடிந்தவரை அட்டாக்கிங்கில் ஈடுபட்டனர். முடிந்தவரை என்ன... முதல்முறையாக Shoot on target வந்ததே யுவென்டஸ் சைடில் இருந்துதான். ஒன்பதாவது நிமிடத்திலேயே இலக்கை நோக்கி ஷாட் அடித்தார் யுவென்டஸ் ஸ்ட்ரைக்கர் ஹிகுவெய்ன். அதேசமயம் ‘இது எங்க ஏரியா’ என  டிஃபன்ஸிலும் யுவென்டஸ் மிரட்டியது. மிரட்டியது என்றால்... ‘அவர்கள் மலையாக நின்றார்கள்’ என பார்சிலோனா சென்டர் பேக் ஜெரார்டு பீக்கே(வே) ஒப்புக்கொள்ளும் அளவு மிரட்டலாக இருந்தது.

மெஸ்சி, சுவாரஸ், நெய்மர் என மும்மூர்த்திகளும், ரைட், லெஃப்ட், மிடில் என மூன்று முனைகளில் இருந்தும் தாக்குதல் நடத்தினர். ம்ஹும் அதில் எதுவும் கோலாகவில்லை. முதல் 15 நிமிடங்களுக்குள் மெஸ்சி கொடுத்த கிராஸை சரியாக மீட் செய்யத் தவறினார் ஜோர்டி ஆல்பா. அடுத்த சில நிமிடத்தில் பெனால்டி பாக்ஸுக்குள் மார்க் செய்யப்படாத இடத்தில் இருந்து, மெஸ்சி இடது காலில் அடித்த ஷாட் எங்கோ சென்றது. இருமுறை அவர் அடித்த செட் பீஸ் ஷாட்கள் கம்பிக்கு மேலே பறந்தன. நெய்மர்

சுவாரஸ் பைசைக்கிள் கிக் எல்லாம் முயற்சித்தார். நெய்மர் ஒவ்வொருமுறையும் பந்துடன் பாக்ஸில் நுழைந்தார். இனியஸ்டா என்னவெல்லாமோ மேஜிக் செய்தார். ரொபர்டோ தன் பங்குக்கு கோல் நோக்கி ஒரு ஷாட் அடித்தார். இவை எதுவும் கோலாகவில்லை. இவை எதுவும் கெலினி, போனுச்சியின் கால்களை மீறிச் செல்லவில்லை. இவை எதுவும் யுவென்டஸ் கோல் கீப்பர் புஃபான் கைகளை நெருங்கவில்லை. பார்சிலோனா அடித்த 18-ல் ஒன்று மட்டுமே இலக்கை நோக்கிய ஷாட். அதையும் புஃபான் தடுத்து விட்டார். மீதி ஐந்து டிஃபண்டர்களால் பிளாக் செய்யப்பட்டது. மற்றவை எல்லாம் இலக்கின்றி பறந்தன. 

யுவென்டஸ் டிஃபன்ஸ் ஒருபுறம் மலையாக, பார்சிலோனாவுக்கு மலைப்பாக இருந்தது எனில், டிபாலா, ஹிகுவெய்ன் உள்ளிட்ட ஸ்ட்ரைக்கர்கள் நான்கு ஷாட்களை இலக்கை நோக்கி அடித்திருந்தனர். ஆக, எல்லா வகையிலும் பார்சிலோனாவுக்கு குடைச்சல் கொடுத்தது யுவென்டஸ். முடிவில் மேட்ச் டிரா. ஆனால் இரு கட்ட காலிறுதி முடிவில் யுவென்டஸ் 3-0 என வெற்றி பெற்று அரையிறுதிக்கு முன்னேறியது. அதோடு, 2015 சாம்பியன்ஸ் லீக் ஃபைனலில் பார்சிலோனாவிடம் அடைந்த தோல்விக்கு பழி தீர்த்துக் கொண்டது.

ஒருவகையில் இந்த போட்டி வெற்றி, தோல்விகளைக் கடந்து ஒரு விஷயத்தைத் தெளிவுபடுத்தி உள்ளது. பார்சிலோனாவின் பொற்காலம் முடிவுக்கு வந்து விட்டது என்பதே அது. பெஸ்ட் ஃபினிஷர் என பெயரெடுத்த சுவாரஸ் தடுமாறுகிறார். மெஸ்சி முன்ன போல இல்லை. நெய்மர் மட்டுமே போராடுகிறார். ஆக, அடுத்து பார்சிலோனாவின் பயிற்சியாளராக வருபவருக்கு சுமை அதிகம். ரொனால்டோவும் கவனமாக இருக்க வேண்டிய நேரம் இது.

தடுமாறிய மெஸ்சி, கலங்கிய நெய்மர்... பார்சிலோனா - யுவென்டஸ் மேட்ச் ஆல்பம்!

Advertisement
Advertisement
Advertisement
Advertisement
Advertisement

எடிட்டர் சாய்ஸ்

வெறும் ஆறே ரன்கள்.. போட்டியில் தோல்வி! ஆனாலும் அனைவரின் மனதையும் நெகிழவைத்த அந்த கிரிக்கெட் மேட்ச்! #MustRead #MondayMotivation
Advertisement

MUST READ

Advertisement
[X] Close