Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

ஆட்டநாயகன் விருதுக்கான பரிசை ராணுவ குடும்பங்களுக்கு அர்ப்பணித்தார் கம்பீர்

சத்தீஸ்கர், சுக்மா மாவட்டத்தில் பணியில் ஈடுபட்டிருந்த சி.ஆர்.பி.எஃப் படையினர் மீது மாவோயிஸ்ட் தீவிரவாதிகள் தாக்குதல் நடத்தினர். இதையடுத்து, மாவோயிஸ்ட்டுகளுக்கும் மத்திய ரிசர்வ் படை போலீஸாருக்கும் இடையே, கடும் துப்பாக்கிச்சூடு நடந்தது. இதில், 25 சி.ஆர்.பி.எஃப் வீரர்கள் பலியாகினர். இந்தத் தாக்குதலில், நான்கு தமிழக வீரர்கள் கொல்லப்பட்டனர்.  

Gambhir

இதையடுத்து, கௌதம் கம்பீர், 'கடந்த புதன்கிழமை காலையில், நான் செய்தித்தாளைப் பிரித்துப்பார்த்தபோது, மாவோயிஸ்ட் தாக்குதலில் கொல்லப்பட்ட இரண்டு ராணுவ வீரர்களின் மகள்களின் புகைப்படத்தைப் பார்த்தேன். அதில் ஒருவர், வீர மரணம் அடைந்த அவரின் தந்தைக்கு சல்யூட் வைத்துக்கொண்டிருந்தார். அவரது பக்கத்தில் இருந்த உறவினர்கள், துக்கத்தில் இருந்த அந்தப் பெண்ணைத் தேற்றிக் கொண்டிருந்தனர். எனது 'த கௌதம் கம்பீர் ஃபவுண்டேஷன்' இறந்த ராணுவ வீரர்களின் குழந்தைகளின் கல்விக்கு ஆகும் செலவை ஏற்கும். என் குழு, இதைச் செயல்படுத்தும் நடவடிக்கைகளில் ஏற்கெனவே இறங்கிவிட்டது. சீக்கிரமே, இதுகுறித்து என்ன வேலைகள் செய்திருக்கிறோம் என்பதைத் தெரியப்படுத்துவோம்' என்று கூறி இருந்தார்.


இந்நிலையில், நேற்று நடந்த கொல்கத்தா, டெல்லி அணிகளுக்கு இடையேயான போட்டியில் கம்பீர் 71 ரன்கள் குவித்து, அணியின் வெற்றிக்கு வித்திட்டார். இதைத்தொடர்ந்து, கம்பீருக்கு ஆட்டநாயகன் விருது வழங்கப்பட்டது. ஆட்டநாயகன் விருதுக்காக அவருக்கு வழங்கப்பட்ட பரிசையும், சுக்மாவில் உயிரிழந்த  சி.ஆர்.பி.எஃப் வீரர்களின் குடும்பங்களுக்கு வழங்குவதாக கம்பீர் தெரிவித்துள்ளார்.
 

Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close