Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

மெஸ்சியின் லுக்அலைக் இளைஞன்... சிறை சென்ற சோகம்!

`உலகில் ஒருவரைப்போல் ஏழு பேர் இருப்பார்கள்' என்பார்கள். ஈரானில் ரெஸா பராத்தேத் என்கிற மாணவர், பார்க்க அச்சு அசல் மெஸ்சியைப்போலவே இருக்கிறார் (ஹேர்ஸ்டைல், குறுந்தாடி உள்பட). இதனால், அவருக்கு சொல்ல முடியாத அளவுக்குப் பெருமை. மெஸ்சியின் தீவிர ரசிகரான ரெஸா, பார்சிலோனா அணியின் ஜெர்சி அணிந்துகொண்டு வந்தால் பார்ப்பவர்கள், 'ஐயோ... மெஸ்சியா... இங்கேயா..! ' எனப் பதறியடித்துகொண்டு ஓடிப்போய் பார்ப்பார்கள். 

மெஸ்சி - ஈரான்

ஈரானின் மேற்குப் பகுதியில் உள்ள ஹமேதான் நகரில் வசித்துவரும் ரெஸாவுக்கு 25 வயது. இந்த `டூப்ளிகேட் மெஸ்சி', இன்னொரு வேலையும் செய்கிறார். போக்குவரத்து நிறைந்த இடங்களில், மெஸ்சியின் ஜெர்சி அணிந்துகொண்டு கையில் பந்துடன் நின்றுகொள்வார். அதைப் பார்த்துவிட்டு செல்ஃபி எடுத்துக்கொள்ள ரசிகர்கள் அலைமோதுவார்கள். கால்பந்து விளையாட்டுக்கு ஈரானில் ரசிகர்கள் அதிகம் என்பதால், ரெஸாவுக்கு மவுசு எகிறியது.

இந்த நிலையில் கடந்த ஞாயிற்றுக்கிழமை ஹமேதான் நகரில் போக்குவரத்துக்கு இடையூறு ஏற்படுத்தும் வகையில் ரசிகர்களுடன் செல்ஃபிக்கு போஸ் கொடுத்துக்கொண்டிருந்தார் ரெஸா பராத்தேத். போக்குவரத்துக்கு இடைஞ்சல் ஏற்படுத்தியதாக ஈரான் போலீஸார் அவரைக் கைதுசெய்து, சிறையில் அடைத்தனர்.

செல்ஃபி வித் மெஸ்சி

ஒருமுறை, ரெஸாவின் தந்தை இவரது புகைப்படத்தை ஐரோப்பாவின் புகழ்பெற்ற விளையாட்டு இணையதளத்துக்கு அனுப்பிவைக்க, அடுத்த நாளே 'எங்க இணையதளத்துக்கு உடனடியாக இன்டர்வியூ கொடுக்கணும்' எனக் கெஞ்சாத குறையாக போன் வந்துள்ளது. மீடியாக்காரர்கள் அவரை தொடர்ந்து மொய்க்கத் தொடங்கினர். இப்போது மாடலிங் துறையிலும் விளம்பரங்களிலும் நடித்து, பணம் பார்த்துக்கொண்டிருக்கிறார்.

ரெஸாவும் ஒரு  கால்பந்து வீரர்தான். ஆனால், தொழில்முறை கால்பந்து ஆட்டம் விளையாடியதில்லை. தெருக்களில் மெஸ்சி போல ஷார்ட்ஸ்-ஜெர்சி அணிந்து சில சித்துவேலைகளைச் செய்வார். அவற்றைப் பார்த்தே கூட்டம் குவிந்துவிடும்.

இன்னொரு கூத்தும் நடந்துள்ளது. ரெஸாவின் தந்தை படுதீவிர கால்பந்து ரசிகர். கடந்த உலகக்கோப்பை கால்பந்து தொடரில் லீக் சுற்று ஆட்டத்தில் ஈரான் அணியை அர்ஜென்டினா எதிர்கொண்டது. ரெஸாவைப் பொறுத்தவரை, தாய்நாட்டு அணியை எதிர்த்து விளையாடினாலும் மெஸ்சி அணிக்குத்தான் சப்போர்ட். 

ஆட்டத்தின் கடைசிக்கட்டத்தில், அதாவது 91-வது நிமிடத்தில் மெஸ்சி அடித்த ஒரே கோலால் ஈரான் அணி தோல்வி கண்டு போட்டியைவிட்டு வெளியேறியது. இந்த கோலை மெஸ்சிதான் அடித்தார். அப்போது, ரெஸாவின் தந்தையிடமிருந்து ரெஸாவுக்கு போன் வந்துள்ளது. 'எங்க டீமுக்கு எதிராவே நீ கோல் அடிக்கிறீயா... இனிமேல் வீட்டுக்கு வராதே!' என காச் மூச். தந்தையும் மகனும் அப்படி ஒரு கால்பந்து பைத்தியங்கள்.

ரெஸாவுக்கு, தன் வாழ்நாளில் எப்படியாவது ஒருமுறை மெஸ்ஸியைச் சந்தித்துவிட வேண்டும் என ஆசை. அது நிறைவேறுமா எனத் தெரியவில்லை. ''மெஸ்சி இப்போ ரொம்பதான் பிஸி''. 

காப்பிரைட் பிரச்னை வராமல் இருந்தால் சரி!

Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close