Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

#IPL10 - டாப்பில் மும்பை... கொல்கத்தா ப்ளே ஆஃப் செல்வதில் சிக்கல் ஏற்படுமா?

இன்னும் ஒரேயொரு நாள். இரண்டே போட்டிகள்தான் பாக்கி. நாளையுடன் முடிவுக்கு வருகிறது ஐபிஎல் 10-வது சீசனின் லீக் போட்டிகள். ஆனால், மும்பை இந்தியன்ஸ், ஹைதராபாத் அணிகளைத் தவிர எந்தெந்த அணிகள் ப்ளே ஆஃப் சுற்றில் விளையாடும் என்று இன்னும் முடிவாகவில்லை. வேறெந்த ஐபிஎல் சீசனிலும் இல்லாத விறுவிறுப்பு இந்த சீசனின் முதலில் இருந்தே தொற்றிக்கொண்டு இருக்கிறது.

இன்றைய போட்டியும் விறுவிறுப்புக்கு பஞ்சம் இல்லாமலேயே இருந்தது. புள்ளிப் பட்டியலின் டாப்பர் மும்பை அணி, போட்டியில் வெற்றிபெற்றால் மட்டுமே ப்ளே ஆஃப் ஸ்பாட்டை உறுதிசெய்ய முடியும் என்ற களத்தில் இருந்த கொல்கத்தா அணி ஆகிய இரு அணணிகளும் மோதின. ஈடன் கார்டன்ஸில் போட்டிக்கான டாஸை வென்றது கொல்கத்தா. கேப்டன் கம்பீர் பவுலிங் செய்ய தீர்மானித்தார். இதையடுத்து தனது முதல் இன்னிங்ஸை ஆரம்பித்த மும்பை. மும்பையின் தொடக்க வீரர்களில் ஒருவரான சவுரப் திவாரி அரை சதம் அடித்தார். விளையாடிய மிடில் ஆர்டர் பேட்ஸ்மேனான ராயுடுவும் 37 பந்துகளில் 63 ரன்கள் விளாசியதில், 20 ஓவர்களில் 5 விக்கெட்டுகள் இழப்புக்கு 173 ரன்கள் எடுத்தது மும்பை.

வெற்றிபெற்றே ஆக வேண்டும் என்னும் நோக்கில் இரண்டாம் இன்னிங்ஸை ஆரம்பித்தது கொல்கத்தா. வழக்கமாக அதிரடி ஆட்டத்தை முதலில் இருந்தே கடைபிடிக்கும் கொல்கத்தா அணியில், மணிஷ் பாண்டேவை தவிர வேறு எந்த பேட்ஸ்மேன்களும் 30 ரன்களை தாண்டவில்லை. சொற்ப ரன்களுக்கு ஒவ்வொருவரும் அவுட்டாகி வெளியேறினர். 20 ஓவர்கள் முடிவில் கொல்கத்தா அணி 8 விக்கெட்டுகளை இழந்து 164 ரன்கள் மட்டுமே எடுத்தது. இதனால், மும்பை அணி 9 ரன்கள் வித்தியாசத்தில் வெற்றிபெற்றது. தனது டாப் அந்தஸ்தையும் நிலைநிறுத்திக்கொண்டது.

இந்தப் போட்டியில் தோல்வி அடைந்தாலும், புள்ளிகள் பட்டியலில் 16 புள்ளிகளுடன் மூன்றாம் இடத்தில் இருக்கிறது கொல்கத்தா. நாளை பஞ்சாப் - புனே அணிகள் விளையாடும் போட்டியைப் பொறுத்து, கொல்கத்தா அணி ப்ளே ஆஃப் செல்வதில் சிக்கல் வருமா... அதிர்ஷ்டம் இருக்குமா என்பது தெரியவரும். 

உங்கள் கருத்தைப் பதிவு செய்யுங்கள்

Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close