Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

2017 ஐ.பி.எல்: ப்ளே ஆஃப் சுற்றுக்கு முன்னேறுவது யார் யார்?

பத்தாவது ஐ.பி.எல் சீசன் விறுவிறுப்பான கட்டத்தை எட்டியுள்ளது. இந்த சீசனில் சில வீரர்கள் எதிர்பார்த்ததை விட சிறப்பாக விளையாடினர். சிலர் ஏமாற்றமளித்தனர். இந்த நிலையில் ப்ளே ஆஃபில் நுழையப்போகும் அணிகள் எது எது என்று பார்த்தால், 14 போட்டிகள் விளையாடி 10 போட்டிகளில் வென்று முதல் இடத்தில் உள்ளது மும்பை இந்தியன்ஸ். கொல்கத்தா அணி 8 போட்டிகளில் வென்று இரண்டாவது இடத்தில் இருந்தது. இந்நிலையில், மூன்றாவது இடத்திற்கும் நான்காம் இடத்திற்கும் கடும் போட்டி நிலவி வந்தது.

ஐ.பி.எல் - மும்பை இந்தியன்ஸ்

நேற்று நடந்த போட்டியில் ஹைதராபாத் அணி குஜராத் அணியை வீழ்த்தி கொல்கத்தாவை பின்தள்ளி இரண்டாவது இடத்திற்கு முன்னேறி ப்ளே ஆஃப் கனவை நனவாக்கியது. ஆக, முந்தைய போட்டியில் டிராவிட்டின் படையாகிய டெல்லியை அணியை வென்றிருந்தால் புனே எந்தவித பதட்டமும் இல்லாமல் ப்ளே ஆஃபிற்கு தகுதி பெற்றிருக்கும். ஆனால், டெல்லி, புனேவை வீழ்த்தியதால் புனே மட்டுமல்லாமல் ஐ.பி.எல் ரசிகர்கள் அனைவருக்கும் ப்ளே ஆஃபிற்குள் நுழையப்போகும் அணி யார் என்ற எதிர்பார்ப்பு அதிகமாகி இருக்கிறது.

தோனி சொல்லும்படி இந்த சீசனில் ஆடவில்லை என்றாலும் தோனியின் ரசிகர்களை புனே தன் வசப்படுத்தி உள்ளது. இந்த சூழலில், இன்று நடக்கவிருக்கும் போட்டிதான் நான்காம் இடத்தை பிடிக்கும்  அணி எதுவென்று தீர்மானிக்கும். புனேவும் பஞ்சாப்பும் நல்ல ஃபார்மில் உள்ளதாலும் இதில் வெற்றி பெறுபவர் ப்ளே ஆஃபில் இடம் பெறுவார்கள் என்பதாலும் இந்த போட்டிக்கு மிகுந்த எதிர்பார்ப்பு ஏற்பட்டுள்ளது. புனே அணியைப் பொருத்தவரையில், ``நம்பிக்கை அதானே எல்லாம்`` என்று திரிபாதி மேல் ஸ்மித்தும் ஃபிளமிங்கும் நம்பிக்கை வைத்துள்ளனர். அவரும் ஒவ்வொரு மேட்சும் 30 ரன்களுக்குக் குறையாமல் ரன்கள் குவித்து  எழுச்சி கண்டுள்ளதால் புனே அணிக்கு ஓபனிங்கில் பிரச்னை வராது. ஸ்மித் கேப்டனாகவும் பேட்ஸ்மேனாகவும் செயல்படுவதில் குறை சொல்ல முடியாது. ``யார்ரா யார்ரா இவன் பேர கேட்டா தெரியும்`` என பென் ஸ்டோக்ஸ் ஆல் ரவுண்டராக ஜொலிப்பதால் எடுத்த தொகைக்கு மிகச்சரியாக ஆடுகிறார் என்கிறது கிரிக்கெட் வட்டாரம்.

மனோஜ் திவாரி கடந்த சில ஆட்டங்களில் நன்றாக ஆடி வருகிறார். டேனியல் கிரிஸ்டெயினும் அணியில் அவ்வப்போது சிக்ஸர்கள் கொடுத்து எதிரணிக்கு அதிர்ச்சி கொடுக்கிறார். தோனி இந்த போட்டியில் அடிப்பாரா அடுத்த போட்டியில் அடிப்பாரா என்று ரசிகர்கள் ஏக்கம் அதிகமாகி இருக்கிறது. ஆனால், தோனியின் மீது ரசிகர்களின் இருக்கும் நம்பிக்கை அதீத தன்மையானது. இந்த விறுவிறுப்பான போட்டியிலாவது கேப்டன் கூல் தன் ஹெலிகாப்டர் ஷாட் ஆடி விருந்தளிப்பாரா என்று பொறுத்திருந்து பார்ப்போம்.

பௌலிங்கில் தாகிர் தன் சுழலில் முக்கிய விக்கெட்டுகளை கைப்பற்றி அணிக்கு வலு சேர்க்கிறார். ஆனால், தென் ஆப்ரிக்கா வீரர்கள் அணியில் இல்லாததால் தாகிரை இழக்கிறது புனே. திடீரென்று வீறுகொண்ட உனத்கட் இந்த போட்டியில் அசத்துவார் என நம்பிக்கை புனே ரசிகர்கள் மத்தியில் மேலோங்கி நிற்கிறது. தாஹிர் இல்லாத இடத்தை ஆடம் ஜம்பாவை வைத்து போட்டியை புனே அணி எதிர்கொள்ள வாய்ப்பு உள்ளது.

ஐ.பி.எல்

பஞ்சாப் அணி ஆரம்பத்தில் சொதப்பினாலும் கடந்த போட்டிகளில் வெற்றியை பதித்து வருகிறது. பேட்டிங் ஆர்டரை மாற்றிய பஞ்சாப் அணி, சிறப்பாக விளையாடி வருகிறது. அம்லாவின் அதிரடியால் துவண்டு இருந்த அணிக்கு பலம் கிடைத்தது. கப்டில் அணியில் இருப்பது எதிரணிக்கு மிரட்டல் தான். ``மேக்ஸ்வெல்லின் சிக்ஸர்களை பார்த்து ரொம்ப நாள் ஆச்சுப்பா!!!`` என்றவர்களுக்கு இந்த சீசனில் விருந்தளித்தது மேக்ஸ்வெல்லின் மேக்ஸிமம்..``இந்த வாய்ப்புக்கு தான்யா இவ்ளோ காத்திட்டு இருந்தேன்`` என்று ஓபனிங் பேட்ஸ்மனாக இறங்கி பவுண்டரிக்கு பந்தை பறக்கவிடுகிறார். மனன் வோஹ்ரா இது வரை சொல்லும் படி ஆடவில்லை. ஆனால், அவர் மேல் உள்ள நம்பிக்கையில் அணியில் இவருக்கு ஒரு இடம் இருந்து வருகிறது. அந்த இடத்தை கொடுத்தது சரிதான் என்று சேவாக் எண்ணும் வகையில் இன்றைய போட்டியில் இவரது ஆட்டம் இருக்குமா என்று பார்ப்போம். ``நெருக்கடியான நிலைமையில் தான் நான் உங்களுக்கு தெரியுவேனே..`` என்று ஆல்ரவுண்டராக ஜொலிக்க பந்துடனும் பேட்டுடனும் இருக்கிறாராம் அக்சர் படேல்.

ஐ.பி.எல்

மோஹித் சர்மா மும்பைக்கு எதிரான போட்டியில் இறுதியில் ரன்களை கட்டுபடுத்தி ப்ரீத்தி ஜிந்தாவை கூல் ஆக்கினார். இஷாந்த் சற்று எழுச்சி கண்டால் நல்லது. சந்தீப் சர்மா பஞ்சாபின் செல்ல பிள்ளை. இவரது மிரட்டலான பௌலிங் எதிரணி வீரர்களுக்கு சேலஞ்ச். ஆக, இரண்டு அணிகளுமே சரிசமமான வெற்றி வாய்ப்பை கொண்டிருக்கிறது. புனே அணி 16 புள்ளிகளுடன் உள்ளது ஆனால், ரன்ரேட் மைனஸில் உள்ளது பலவீனம். பஞ்சாப் அணி 14 புள்ளிகள் பெற்றுள்ளது. இதன் ரன்ரேட் புனேவை விட அதிகம். இன்றைய போட்டியில் புனே வென்றால் 18 புள்ளிகள் எடுத்து ப்ளே ஆஃபில் என்ட்ரி கொடுக்கும். பஞ்சாப் வென்றால், 16 புள்ளிகள் பெற்று ரன்ரேட் அடிப்படையில் பஞ்சாப் உள்ளே சென்றுவிடும். இரண்டு அணிகளுக்குமே இது வாழ்வா சாவா போட்டியாக அமைந்திருப்பதால் இந்த போட்டியின் போது சுவாரஸ்யத்திற்கு குறை இருக்காது. இந்தப் போட்டியை காண ரெடி ஆகிட்டிங்களா?

Advertisement
Advertisement
Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close