Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

மொழியியல் தந்தை கால்டுவெல்லின் 126-ம் நினைவு நாள் இன்று!

திராவிட மொழிகளுக்குப் பெருங்கொடை அளித்தவரும், திராவிட மொழியியல் தந்தையுமான ராபர்ட் கால்டுவெல்லின் 126-ம் நினைவு நாள் இன்று.

ராபர்ட் கால்டுவெல்


1814-ம் ஆண்டு மே 7-ம் நாள், அயர்லாந்து நாட்டின் கிளாடி ஆற்றங்கரையிலுள்ள பெல்பாஸ்ட் என்ற சிற்றூரில் பிறந்தவர் ராபர்ட் கால்டுவெல். சிறுவயதிலேயே புத்தகங்கள் மீதுள்ள காதலால் ஆங்கில மொழியை சுய முயற்சிலேயே கற்றுத்தேர்ந்தார். பழைமையான மொழிகளின் மீதுள்ள ஆர்வம் காரணமாக கிரேக்க மொழியிலிருந்து தமிழ்மொழி வரை பல மொழிகளையும் முழுமையாக, ஆழமாகக் கற்றுத்தேர்ந்தார். தமிழ் மொழியின் முழுமையை உணரும் நோக்கில் தமிழின் வட்டார மொழிகளை, அந்தந்தப் பகுதிகளுக்கே சென்று வாழ்ந்து கற்றுத்தேரும் தேடலும் ஆர்வமும் கொண்டவராகத் திகழ்ந்தவர் இந்த அயல்நாட்டு தமிழ் அறிஞர்.

இவரது முயற்சிகளின் பெரும் படைப்பாக 'திருநெல்வேலி மாவட்டத்தின் அரசியல் மற்றும் பொது வரலாறு' என்றப் புத்தகம் வெளியானது. பின்னர் திராவிட மொழியான தமிழ் மொழியின் புலமையை இந்த உலகம் அறிய வேண்டி, 'திராவிட மொழிகளின் ஒப்பிலக்கணம்' என்ற ஆய்வு நூலை தன் சீரிய முயற்சியால் ஆங்கிலத்தில் வெளியிட்டார். இன்று தமிழ்மொழி ‘செம்மொழி’ அந்தஸ்துடன் தலை நிமிர்ந்து நிற்பதற்கு தானும் ஒரு காரணமாக அமைந்த ராபர்ட் கால்டுவெல், உடல்நிலை காரணமாக 1891-ல் ஆகஸ்ட் 28-ம் தேதி இயற்கை எய்தினார்.

உங்கள் கருத்தைப் பதிவு செய்யுங்கள்

Advertisement
Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close