Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

'ஓ நோ' விம்பிள்டன் பரிசை வைத்து மழைத்தண்ணீரை தடுத்த லாரா தத்தா

மும்பை மழை வெள்ளம், மும்பைவாசிகளின் பொது வாழ்க்கையில் மட்டுமல்லாமல் அவர்களின் சொந்த வாழ்க்கையிலும் விளையாடியுள்ளது. இந்தியாவின் முன்னணி டென்னிஸ் வீரரான மகேஷ் பூபதி, மும்பையில் தன் மனைவியும் முன்னாள் உலக அழகியுமான லாரா தத்தாவுடன் வசிக்கிறார். நேற்றும் மும்பையில் மழை கொட்டத்துவங்கியது. குடிசைப்பகுதிகளும், தாழ்வான பகுதிகளும் பாதிக்கப்பட்டதைத் தாண்டி, அப்பார்ட்மென்ட் வீடுகளும் மழையின் தாண்டவத்துக்கு தப்பிக்க முடியவில்லை. மும்பை வாழ் செலிபிரிட்டிகள் ஒருவருக்கு ஒருவர் ட்விட்டர் உள்ளிட்ட சமூக வலைதளங்களில் 'மழை அப்டேட்ஸ்'களை அவ்வப்போது பகிர்ந்தபடியே இருந்தனர். தமிழ் நடிகர் மாதவன் கூட தனது மும்பை வீட்டிலிருந்து மழை கொட்டும் வீடியோவை ஒளிபரப்பினார். 

மழை

அப்படி ஒரு மழை ட்விட்தான், லாரா தத்தாவிற்கு மகேஷ் பூபதியிடமிருந்து திட்டு வாங்கிக்கொடுத்துள்ளது. மகேஷ் பூபதி மட்டுமே இந்தியாவிலிருந்து டென்னிஸ் விளையாடிய வீரர்களில், நான்கு இரட்டையர் கிராண்ட் ஸ்லாம் பட்டங்களும்,எட்டு கலப்பு இரட்டையர் பட்டங்களும் வென்றவர். அப்படி வெற்றிபெறும்போது, வெறும் கோப்பை மட்டும் வழங்கப்படுவதில்லை. அந்த அரங்கில் அவர்கள் பயன்படுத்திய பந்து முதல் வேர்வை துடைத்த பூத்துவாலை வரை அனைத்தும் நினைவுப்பரிசாக வழங்கப்படும். அப்படி பல்வேறு போட்டிகளில் மகேஷ் பூபதிக்கு பரிசாகக் கிடைத்த டர்க்கி டவல்களைக்கொண்டு, வீட்டுக்குள் வந்த தண்ணீரை அடைக்க அவரின் மனைவி லாரா தத்தா பயன்படுத்தியுள்ளார்.  அப்படி அவசரத்துக்குப் பயன்படுத்தியவர், அப்படியே விட்டிருந்தால் பரவாயில்லை. அதைப் போட்டோ எடுத்து, "விம்பிள்டன், ஆஸ்திரேலியாஓப்பன், அமெரிக்க ஓப்பன் மற்றும் ஃப்ரெஞ்ச் ஓப்பன் டவல்களை இன்றுதான் உருப்படியாகப் பயன்படுத்தினேன்"  என்று ட்விட்டரில் வெளியிட்டுவிட்டார். 

மகேஷ்

சில நிமிடங்களில் மகேஷ் பூபதி, "என்ன, விளையாடுகிறாயா? அத்தனையும் பல ஆண்டுகளின் உழைப்பு" என்று மூன்று கோப ஸ்மைலியுடன் பொங்கல் ட்விட் எழுதியுள்ளார். இது, செல்லச்சண்டையா அல்லது சீரியஸா என்று தெரியவில்லை. ஆனால், ஓப்பனாக ஒரு செலிபிரிட்டி ஜோடி சண்டை போடுவதற்கு மும்பை மழை காரணமாகிவிட்டது. 


 

உங்கள் கருத்தைப் பதிவு செய்யுங்கள்

Advertisement
Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close