Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

செக்கிழுத்தச் செம்மலும் ஆன்மிகமும் - வ.உ.சி பிறந்தநாள் சிறப்புப் பகிர்வு

செக்கிழுத்தச் செம்மல் வ. உ.சிதம்பரத்தை சுதந்திரப்போராட்ட வீரராக, தொழிலாளர் வர்க்கப் போராளியாக அறிந்திருப்போம். ஆனால் அவரது நூல்கள், அவரை ஓர் ஆன்மிக எழுத்தாளராகவும் அடையாளம் காட்டுகிறது. ஆரம்ப காலத்தில், தூத்துக்குடியில் வ.உ.சி நடத்தி வந்த 'விவேக பானு' என்ற ஆன்மிக இதழில் ஸ்ரீராமகிருஷ்ணர், சுவாமி விவேகானந்தர் ஆகியோரைப் பற்றி கட்டுரைகள் வெளியிட்டு வந்தார். அப்போது 1901-ம் ஆண்டு சுவாமி ராமகிருஷ்ணாவுடன் உண்டான நட்பே வ.உ.சி-க்கு சுதேசி எண்ணங்களை உருவாக்கியது என்று அவரே தெரிவித்துள்ளார்.  சிதம்பரம், கண்ணனூர் சிறையில் உடனிருந்த கைதிகளுக்கு கற்பிக்கவென்றே, 10 அதிகாரங்களைக்கொண்ட 100 வெண்பாக்கள் அடங்கிய 'மெய்யறிவு' என்ற நூலை இயற்றினார். 

வ.உ.சி

இந்த நூல், 1.தன்னையறிதல், 2. விதி அறிதல் 3. உடலை வளர்த்தல், 4. மனதை ஆளுதல் 5. தன்னிலை நிற்றல் 6. மறம் களைதல் 7. அறம் செய்தல் 8. தவ வாழ்வு 9. மெய் உணர்தல் 10. மேன்மை அடைதல் என்ற அதிகாரங்களைக்கொண்டிருந்தது. இந்த நூலின் வழியே, மெய்ஞான வழியில் நம் வாழ்வை எப்படி அமைத்துக்கொள்வது  என்று கற்பித்தார். மேலும்,  'அகமே புறம்' என்ற மொழிபெயர்ப்பு  நூல் வழியே அமைதியான வாழ்வும், அதன் வழி வீடு எனும் சொர்க்கத்தை அடையும் விதம்குறித்து எழுதினார். மேலும், மெய்கண்டார் எழுதிய சிவஞானபோதத்தை ஆராய்ந்து உரை எழுதியுள்ளார். இவர் எழுதிய 'பாடல் திரட்டு' ஞான மார்க்கத்தை விவரிக்கும் நூலாக வெளியானது. இந்த நூலில், 380 பாடல்கள் அமைந்திருந்தன. அதில் 100 பாடல்கள் இறைவன் பற்றியும், 100 பாடல்கள் ஒழுக்கமான வாழ்வைப் பற்றியும் இருந்தன. மீதமிருந்த 180 பாடல்கள் உறவும், நட்பும் எப்படி அமைய வேண்டும் என்பதைச் சொல்லியது. இவருடைய 16 நூல்களில் அரசியல், விடுதலைச் செய்திகள் எதுவுமின்றி, இலக்கியம், ஆன்மிகம்குறித்தே எழுதப்பட்டிருந்தன. இதனாலேயே, பின்னாளில் சுவாமி சகஜானந்தர், ராஜாஜி போன்றவர்கள் வ.உ.சி-யிடம் பயின்றார்கள் என வரலாறு கூறுகிறது.

வ. உ. சிதம்பரம்

இவரது இறுதிக் காலத்தில்கூட, 'தூத்துக்குடி சைவசித்தாந்த சபை' என்ற அமைப்பை நிறுவி, ஆன்மிகத் தொண்டு செய்துவந்தார். தன் வாழ்நாள் முழுக்க தேசிய விடுதலையை மட்டுமன்றி ,ஆன்மிகத் தேடுதலுக்கான நீதியையும் வ.உ.சி வழங்கியே வந்துள்ளார். அந்தப் பெருமானாரின் பிறந்த தினம் செப்டம்பர் 5-ம் நாள் கொண்டாடப்படுகிறது. இந்நாளில், இவரை நினைவுகூர்ந்து போற்றுவோம்.

உங்கள் கருத்தைப் பதிவு செய்யுங்கள்

Advertisement
Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close