Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

ஜெர்மன் குடியுரிமை... சிக்கிக்கொண்ட வித்யாசாகர் ராவின் எம்.எல்.ஏ மருமகன்!

தெலுங்கானாவில் இந்தியக் குடியுரிமை இல்லாமலேயே ஒருவர் எம்.எல்.ஏ ஆகியுள்ளார். 

வித்யாசாகர் ராவ் மருமகன்

தெலுங்கானா ராஷ்ட்ரீய சமிதிக் கட்சியைச் சேர்ந்த, ரமேஷ் சென்னாமெனே என்பவர் மூன்று முறை எம்.எல்.ஏ-வாக தேர்வு செய்யப்பட்டுள்ளார். தற்போது, கரீம் நகர் மாவட்டம் வேமுலவாடா தொகுதி எம்.எல்.ஏ-வாக ரமேஷ் இருக்கிறார். கடந்த 2009-ம் ஆண்டு ரமேஷ் போலிச் சான்றிதழ்களைச் சமர்ப்பித்து, இந்தியக் குடியுரிமை பெற்றுள்ளார். 

2009-ம் ஆண்டு, ஒருங்கிணைந்த ஆந்திராவில் தெலுங்கு தேசம் சார்பில் தேர்தலில் போட்டியிட்டார். பின்னர், தெலுங்கானா ராஷ்ட்ரீய சமிதி கட்சியில் இணைந்தார். 2010-ம் ஆண்டு நடந்த இடைத்தேர்தல், 2014-ம் ஆண்டு தேர்தலிலும் இந்த ஜெர்மன்காரர் போட்டியிட்டு வெற்றிபெற்றுள்ளார். இவரை எதிர்த்துப் போட்டியிட்ட காங்கிரஸ் வேட்பாளர் எடி ஸ்ரீநிவாஸ் என்பவர், போலிச் சான்றிதழ் கொடுத்து ரமேஷ் இந்தியக் குடியுரிமை பெற்றிருப்பதாக ஆந்திர உயர் நீதிமன்றத்தில் வழக்குத் தொடர்ந்தார். 

நீதிமன்றம், ரமேஷின் வெற்றி செல்லாது என அறிவித்தது. ஆந்திர உயர் நீதிமன்றத்தின் தீர்ப்புக்கு உச்ச நீதிமன்றத்தில் ரமேஷ் தடை பெற்றார். தடைக் காலத்திலேயே 2014-ம் ஆண்டு மீண்டும் ஒருமுறை அதே தொகுதியில் போட்டியிட்டு வெற்றிபெற்றார். இந்த வழக்கில் உச்ச நீதிமன்றம், ரமேஷின் குடியுரிமைகுறித்து விசாரணைசெய்து அறிக்கை அளிக்க உள்துறை அமைச்சகத்துக்கு உத்தரவிட்டிருந்தது. விசாரணையில் ரமேஷிடமிருந்து ஜெர்மன் பாஸ்போர்ட் கைப்பற்றப்பட்டது. ஜெர்மன் குடியுரிமை வைத்திருப்பதும் தெரியவந்தது. நீதிமன்றம் அவரின் இந்தியக் குடியுரிமையைப் பறிக்க, உள்துறை அமைச்சகத்துக்குப் பரிந்துரைத்துள்ளது.

இந்தியக் குடியுரிமையை இழந்தவர், தேர்தலில் போட்டியிடும் தகுதி இழந்தவராகிறார். எம்.எல்.ஏ-வாக இருக்கும் தகுதியையும் இழக்கிறார். இவர், தமிழக ஆளுநர் (பொறுப்பு) வித்யாசாகர் ராவின் மருமகன் ஆவார். ரமேஷின் தந்தை ராஜேஷ்வர ராவ், கம்யூனிஸ்ட் கட்சி சார்பில் 5 முறை எம்.எல்.ஏ-வாக இருந்தவர். 

உங்கள் கருத்தைப் பதிவு செய்யுங்கள்

இது தொடர்பா வேற என்னலாம் நடந்திருக்குனு தெரிஞ்சுக்கலாமா?

Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close