Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

'உலகிலேயே ஜெயலலிதா மட்டும்தான் அறிவாளியா?' கொதிக்கிறார் ராகுல்

 

சென்னை: உலகிலேயே தான் மட்டுமே அறிவாளி என ஜெயலலிதா நினைத்துக்கொண்டிருக்கிறார். அவர் மட்டும்தான் அறிவாளியா? என காங்கிரஸ் துணைத் தலைவர் ராகுல் காந்தி ஆவேசமாக கேட்டுள்ளார்.

தி.மு.க.-காங்கிரஸ் கூட்டணி சார்பில் போட்டியிடும் வேட்பாளர்களை ஆதரித்து, காங்கிரஸ் துணைத் தலைவர் ராகுல் காந்தி இன்று (7-ம் தேதி) மதுரையில் பிரசாரம் மேற்கொண்டார்.

அப்போது அவர் கூறுகையில், ''தமிழக முதல்வர் ஜெயலலிதா யாரையும் சந்திப்பது இல்லை. நல்ல தலைவர்கள் மக்களுடன் கலந்து இருப்பார்கள். எதிர்க்கட்சிகளை நசுக்குகின்ற கட்சியாக ஆளுங்கட்சி இருக்கக் கூடாது. உலகிலேயே தான் மட்டுமே அறிவாளி என ஜெயலலிதா நினைத்துக் கொண்டிருக்கிறார். அவர் மட்டும்தான் அறிவாளியா?

நாட்டிலேயே தமிழகம் வளர்ச்சி அடைந்த மாநிலமாக இருந்திருக்க வேண்டும். முன்பெல்லாம் தமிழகத்தில் தொழில் தொடங்க முதலீட்டாளர்கள் வந்தார்கள். ஆனால், தற்போது அவர்கள் வருவதில்லை. நிலமற்ற விவசாயிகள் நிறைந்த மாநிலமாக தமிழகம் உள்ளது. தமிழகத்திலுள்ள பல லட்சம் இளைஞர்கள் வேலைவாய்ப்பின்றி பாதிக்கப்பட்டுள்ளனர்.

நாங்கள் ஆட்சிக்கு வந்தால் 60 வயதுக்கு மேற்பட்ட விவசாயிகளுக்கு ரூ.2 ஆயிரம் ஓய்வூதியம் வழங்கப்படும். அனைத்து அரசு பணியிடங்களும் நிரப்பப்படும். நாட்டிலேயே வளர்ச்சியடைந்த மாநிலமாக தமிழகத்தை கொண்டு வருவோம். ஒரே நோக்கத்துக்காக தி.மு.க.வுடன் இணைந்து பணியாற்றுகிறோம்'' என்றார்.

Advertisement
Advertisement
Advertisement
Advertisement
Advertisement

எடிட்டர் சாய்ஸ்

Advertisement
Advertisement
[X] Close