Vikatan.com

www.vikatan.com would like to send you push notifications.

Notifications can be turned off anytime from browser settings.

ராகுலுக்கு கொலை மிரட்டல்: பிரசார இடம் மாற்றம்!

சென்னை: தேர்தல் பிரசாரத்துக்காக புதுச்சேரி மற்றும் தமிழகம் வரும் ராகுல் காந்திக்கு கொலை மிரட்டல் கடிதம் வந்ததையடுத்து, அவரது பிரசார இடம் மாற்றம் செய்யப்பட்டுள்ளது.

தமிழக மற்றும் புதுச்சேரி சட்டமன்ற தேர்தல் வரும் 16-ம் தேதி நடைபெறவுள்ளது. இதற்காக கடந்த சனிக்கிழமை காங்கிரஸ் தலைவர் ராகுல் காந்தி மதுரையில், தி.மு.க., காங்கிரஸ் கட்சி சார்பில் போட்டியிடும் வேட்பாளர்களுக்காக பிரசாரம் மேற்கொண்டார். இந்நிலையில், நாளை (10-ம் தேதி) புதுச்சேரி மாநிலம், காரைக்காலிலும், நாகர்கோவிலிலும் ராகுல் காந்தி பிரசாரம் மேற்கொள்கிறார்.

இந்நிலையில், முன்னாள் மத்திய அமைச்சர் நாராயணசாமிக்கு ஒரு வந்துள்ளது. அதில், ''காரைக்காலில் பிரசாரம் செய்யும் போது, உங்களையும், உங்கள் தலைவரின் மகன் ராகுல் காந்தியையும் வெடிகுண்டு வைத்து தகர்ப்போம் (கொலை செய்வோம்)'' எனக் குறிப்பிடப்பட்டுள்ளது. இந்த கடிதத்தில் கையெழுத்து எதுவும் போடவில்லை. புதுச்சேரி, கோரிமேடு பகுதியில் இருந்து வந்துள்ளது.

இதையடுத்து, இந்த கடிதம் தொடர்பாக காவல்துறையில் புகார் அளிக்கப்பட்டது. மேலும், காங்கிரஸ் கட்சியின் அகமது படேல், மோதிலால் வோரா, ஆனந்த் சர்மா, ராஜீவ் சுக்லா ஆகியோர் மத்திய உள்துறை அமைச்சர் ராஜ்நாத் சிங்கை சந்தித்து ராகுலுக்கு விடுக்கப்பட்ட மிரட்டல் கடிதம் வந்திருப்பதால், அவரது பாதுகாப்பை அதிகரிக்க வேண்டும் என கோரிக்கை விடுத்தனர்.

இதற்கிடையே, நாகர்கோவில் நாளை ராகுல் காந்தி பிரசாரம் செய்வதற்காக நாகர்கோவிலின் மையப் பகுதியில் 5 நாட்களுக்கு முன்பே மேடை அமைக்கும் பணிகள் நடைபெற்று வந்தன. இந்நிலையில், திடீரென ராகுல் காந்தி பிரசாரம் செய்யும் இடம் மாற்றப்பட்டுள்ளது. தற்போது, ஆசாரிபள்ளம் சாலையில் உள்ள கண்காடியா மைதானத்தில் மேடை அமைக்கும் பணி நடைபெற்று வருகிறது. ராகுல் காந்திக்கு கொலை மிரட்டல் வந்ததையடுத்து, காவல்துறையினரின் அறிவுறுத்தலின் பேரில் இடம் மாற்றப்பட்டுள்ளதாக தெரிகிறது.

முன்பு நாட்டின் உயரிய பாதுகாப்பான எஸ்.பி.ஜி. பாதுகாப்பு பிரதமர்களுக்கு மட்டுமே அளிக்கப்பட்டு வந்தது. முன்னாள் பிரதமர் ராஜீவ் காந்தி கொலை செய்யப்பட்டதிலிருந்து, சோனியா, ராகுல் உள்பட ராஜீவ் காந்தியின் குடும்பத்தினருக்கும் அந்த பாதுகாப்பு வழங்கப்பட்டு வருகிறது என்பது குறிப்பிடத்தக்கது.

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ