Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

'என்னை ஒதுக்கினால் இதுதான் நடக்கும்!' -அழகிரி 'ஹேப்பி அண்ணாச்சி' #TNassemblyresults2016

சட்டமன்றத் தேர்தலில் வைகோவின் கண்ணாமூச்சி ஆட்டம் ஒருபுறம் இருந்தாலும், மதுரையில் தி.மு.கவை குறிவைத்து அழகிரி நடத்திய ஆட்டங்கள் தேர்தல் களத்தை அதிர வைத்தன. 'தேர்தல் முடிவுகளால் அண்ணன் ரொம்ப உற்சாகத்தில் இருக்கிறார்' என்கின்றனர் அவரது ஆதரவாளர்கள்.

இதுபற்றி நம்மிடம் பேசிய அழகிரியின் தீவிர ஆதரவாளர் ஒருவர், " மதுரை, சத்யசாய் நகரில் உள்ள மு.க.அழகிரியின் வீட்டில் காலையில் இருந்தே அவரது ஆதரவாளர்கள் குழுமி விட்டனர். தேர்தல் முடிவுகளைப் பார்க்க ஆர்வத்தோடு தொலைக்காட்சி முன்பு அமர்ந்தார் மு.க.அழகிரி. ஆதரவாளர்கள் ஒவ்வொருவரையும் அழைத்துப் பேசினார். 'அ.தி.மு.க முன்னிலை' என டி.வியில் செய்தி ஓடும்போது, பலமாக சிரித்தார். எங்களைப் பார்த்து, ' நான் சொன்னதுதான நடந்துருக்குன்னு'  சொன்னார்.

பிறகு கொஞ்ச நேரம் கழித்து,' என்னை ஒதுக்கி வச்சுட்டு வெற்றி பெற்றுவிடலாம்னு ஸ்டாலின் கணக்குப் போட்டார். இப்ப என்ன நடந்துச்சு பார்த்தீங்கல்ல? மதுரை, தேனி, விருதுநகர் என 20 தொகுதிகள்ல சாதாரணமா நாம் ஜெயிச்சிருக்க முடியும். நம்மகிட்ட ஒரு வார்த்தைகூட அவங்க பேசலை. தேர்தல் வேலை பாருங்கன்னு சொல்லியிருந்தாங்கன்னா, நம்ம ஆட்கள் சந்தோஷப்பட்டிருப்பாங்க. எல்லாத்தையும் கெடுத்தது ஸ்டாலின்தான். இனி கட்சி என்ன பண்ணப் போகுதுன்னு பார்க்கத்தான் போறேன்' னு சொன்னார். ரொம்பநாள் கழிச்சு அவர் முகத்துல சந்தோஷத்தைப் பார்க்கறோம்" என்றார்.

” நாடாளுமன்றத் தேர்தலில் 37 தொகுதிகளில் வெற்றியைப் பறிகொடுத்தபோது, எந்தக் கலக்கமும் இல்லாமல் தன்னை சந்திக்க வந்த துரைமுருகனுக்கு இனிப்பு கொடுத்தார் கருணாநிதி. அவ்வளவு பெரிய தோல்வியின்போது என்ன மனநிலையில் இருந்தாரோ, இப்போதும் அதே மனநிலையில்தான் இருக்கிறார். அழகிரியின் பேச்சுக்களை அவர் பொருட்படுத்தவில்லை” என்கிறார் அறிவாலய நிர்வாகி ஒருவர்.

தேர்தல் காலங்களில் மட்டும் அதிரடிகளை அள்ளித் தெளிக்கும் அழகிரிக்கு, அறிவாலயம் எந்த மாதிரியான கடிவாளத்தைப் போடப் போகிறது? என்பதை அறிய ஆவலோடு இருக்கிறார்கள் தென்மண்டல உடன்பிறப்புகள்.

ஆ.விஜயானந்த்

 

Advertisement
Advertisement
Advertisement
Advertisement
Advertisement

எடிட்டர் சாய்ஸ்

சமூக வலைதளத்தில் எதிரிகளை தாங்களே உருவாக்குகிறார்களா ட்ரம்ப்பும், மோடியும்?
Advertisement

MUST READ

Advertisement
[X] Close