Vikatan.com

www.vikatan.com would like to send you push notifications.

Notifications can be turned off anytime from browser settings.

நுழைவுத் தேர்விலிருந்து மாணவர்களுக்கு விடுதலை கொடுங்கள்! - கொந்தளிக்கும் மருத்துவர்கள்

சென்னை: ஏராளமான நுழைவுத் தேர்வுகளை எழுதுவதிலிருந்து  மாணவர்களுக்கு விடுதலை வழங்கவேண்டும் என்று கேட்டுக்கொண்டுள்ள சமூக சமத்துவத்திற்கான டாக்டர்கள் சங்கம், மருத்துவக் கல்வி மாணவர் சேர்க்கையில் உள்ள குளறுபடிகளுக்கு நிரந்தரத்தீர்வு காணும் வகையில்,  மத்திய அரசு  தகுந்த சட்டங்களைக் கொண்டுவர வேண்டும் எனக் கேட்டுக்கொண்டுள்ளது.

இது குறித்து அறிக்கை வெளியிட்டுள்ள சமூக சமத்துவத்திற்கான டாக்டர்கள் சங்கத்தின் பொதுச் செயலாளர் ஜி.ஆர்.இரவீந்திரநாத், “மாநில அரசுகளின் கட்டுப்பாட்டில் உள்ள மருத்துவக் கல்வி இடங்கள் உட்பட, நாடு முழுவதும் உள்ள மருத்துவக் கல்வி இடங்களுக்கான மாணவர் சேர்க்கையை மத்திய அரசின் தேசிய தகுதிகாண் நுழைவுத் தேர்வு அடிப்படையில்தான் அமைத்திட வேண்டும் என உச்ச நீதிமன்றம்  உத்தரவிட்டிருந்தது. இது மாநில அரசுகளின் உரிமைகளுக்கும், கூட்டாட்சி கோட்பாட்டுக்கும் எதிரானது என கடும் எதிர்ப்பு தெரிவிக்கப்பட்டது.

இத்தேர்வு சி.பி.எஸ்.இ பாடத்திட்டத்தின் அடிப்படையில் நடத்தப்படுவதால், பல்வேறு மாநிலப் பாடத்திட்டத்தில் படித்த மாணவர்கள் பாதிக்கப்படுவார்கள். இந்தி மற்றும் ஆங்கில மொழிகளில் மட்டும் இந்த தேர்வு நடத்தப்படுவதால் இம்மொழிகளைத் தவிர பிற மொழிகளில் படித்த மாணவர்கள் பாதிக்கப்படுவர். இதனாலும் மத்திய அரசின் நுழைவுத் தேர்வை மாநில அரசுகளின் கட்டுப்பாட்டில் உள்ள இடங்களுக்கு திணிப்பதை பல்வேறு மாநில அரசுகள் எதிர்த்தன.

தமிழகத்தில் 2007 ம் ஆண்டு முதல் மாணவர் சேர்க்கை பிளஸ் 2 மதிப்பெண் அடிப்படையில்தான் நடைபெற்று வருகிறது. எனவே தமிழக மாணவர்கள்,  நுழைவுத்தேர்வுக்கு தங்களை ஆயத்தப்படுத்திக் கொள்ளவில்லை. இந்நிலையில், திடீரென்று மத்திய அரசின் நுழைவுத் தேர்வு திணிக்கப்படுவதைக் கண்டு தமிழக மாணவர்களும்,பெற்றோர்களும் அதிர்ச்சியடைந்துள்ளனர்.

தமிழக அரசும் இத்தேர்வை எதிர்த்தது. மருத்துவக் கல்வி மாணவர் சேர்க்கையில் மாநில அரசுகளின் உரிமைகளை பாதுகாத்திடவும், முறைகேடுகளை தடுத்திடவும், கட்டாய நன்கொடை வசூலுக்கு முடிவு கட்டிடவும்  வேண்டும். ஏராளமான நுழைவுத் தேர்வுகளை எழுதுவதிலிருந்து  மாணவர்களுக்கு விடுதலையையும் வழங்கிடவேண்டும். மருத்துவக் கல்வி மாணவர் சேர்க்கையில் உள்ள குளறுபடிகளுக்கு நிரந்தரத்தீர்வு காணும் வகையில், மத்திய அரசு  தகுந்த சட்டங்களைக் கொண்டுவர வேண்டும்.

அதாவது இளநிலை, முதுநிலை மற்றும் உயர் சிறப்பு மருத்துவக் கல்வியில் மாநில அரசுகளின் உரிமைகளை நிரந்தரமாகப் பாதுகாப்பது,  தனியார் சுயநிதி மருத்துவக் கல்லூரிகளைப் போல் , தனியார் நிகர்நிலை மருத்துவப் பல்கலைக் கழகங்களும் , மாநில அரசுகளுக்கு 65 விழுக்காடு இடங்களை வழங்குவது,  மத்திய அரசு தனது கட்டுப்பாட்டில் உள்ள மருத்துவ இடங்களுக்கும், அகில இந்தியத் தொகுப்பு இடங்களுக்கும், தனியார் மருத்துவக் கல்லூரிகளின் நிர்வாக ஒதுக்கீட்டு இடங்களுக்கும் , தனியார் நிகர்நிலை மருத்துவப் பல்கலைக்கழக  மருத்துவ இடங்களுக்கும், ஒரே பொது நுழைவுத் தேர்வை நடத்திடுவது உள்ளிட்ட பிரச்னைகளுக்கு தீர்வு காணும் வகையில்  அந்தச் சட்டங்களை நிறைவேற்றிட வேண்டும்.

அந்தப் பொது நுழைவுத் தேர்வில் குறைந்த பட்ச மதிப்பெண் பெற வேண்டும் என்ற கட்டாயம் இருக்கக் கூடாது. அந்த ஒரே நுழைவுத்தேர்வை NEET  (National Eligibility Cum Entrance Test)  நடத்தாமல் CET (Common Entrance Test) ஆக நடத்த வேண்டும். கட்டாய நன்கொடையையும், மாணவர் சேர்க்கை முறைகேட்டையும் தடுத்திட,  மேற்கண்ட இடங்களுக்கு ஒற்றைச் சாளரமுறையில்  (Single Window System ) மாணவர் சேர்க்கையையையும் மத்திய அரசே நடத்திட  வேண்டும்.

மேலும் மருத்துவக் கல்வி மாணவர் சேர்க்கையில்,  மத்திய அரசு ஒரு தெளிவான கொள்கை முடிவை எடுத்து, அதை நிறைவேற்ற வேண்டும்” எனக் கேட்டுக்கொண்டுள்ளார்.
 

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ