Vikatan.com

www.vikatan.com would like to send you push notifications.

Notifications can be turned off anytime from browser settings.

மறைந்தது மரகதவல்லி, சோகக் கடலில் மதுரை!

மதுரை; மதுரை கூடலழகர் பெருமாள் கோயில் யானை மரகதவல்லி திடீர் உடல் நலக்குறைவால் இறந்ததால் பக்தர்கள் பெரும் சோகத்தில் ஆழ்ந்துள்ளனர்.

மறைந்த யானையைப்பற்றிய தன் நினைவுகளை பகிர்ந்துகொண்டார் கோயில் பட்டர் சுரேஷ், “மரகதவல்லி அனைவரிடமும் மிகுந்த பாசத்துடன் பழகும். இக்கோயிலுக்கு 4 வயதாக இருக்கும்போது வந்தது. தற்போது 50 வயதிற்கு மேலாகிவிட்டது. கோயிலுக்கு மரகதவல்லியை பார்க்கவே தனிக்கூட்டம் வரும், காரணம் பக்தர்களிடம் அத்தனை நெருக்கமாக பழகும்.

குழந்தைகள் பயந்து போய்வந்தாலும் அவர்களுக்கு விளையாட்டு காட்டும். மூலவர் புறப்பாடின்போது முதல் ஆளாக எழில் கொஞ்ச தயாராக நிற்கும். எல்லா வெள்ளிக்கிழமைகளிலும் மகாலட்சுமி சன்னதி அருகே தரிசனம் கொடுக்கும். பக்தர்கள் கொடுக்கும் உணவை விரும்பி சாப்பிடும். மரகதவல்லிக்கு பீட்ரூட் மிகவும் பிடிக்கும் என்பதால் பக்தர்கள் அதை அதிகம் கொண்டுவருவார்கள்.

ராசியான யானை என்று பலரும் கருதுவதுண்டு. அதனால் தொழில் தொடங்கும் போதும் பள்ளி, கல்லுாரி செல்லும் முதல்நாள் பலரும் அதனிடம் ஆசிர்வாதம் வாங்கிச்செல்வர்.  புதிய கார் மற்றும் பைக் வாங்கும் போது அதன் சாவிகளை மரகதவல்லியிடம் கொடுத்து ஆசிர்வாதம் பெற்று எடுத்துச் செல்லுவார்கள். இறைவனுக்கு சேவை செய்த மரகதவல்லி மேல் உலகிலும் தொடர்ந்து தன் பணியை செய்யும்.” என்றார் சோகத்துடன்.

மரகதவல்லியின் மரணம் பக்தர்களை பெரிதும் துயரத்தில் ஆழ்த்தியிருக்கிறது. மரகதவல்லியின் உடல் கோயில் இடமான நந்தவனத்தில் அடக்கம் செய்யப்பட்டுள்ளது.

- சே.சின்னதுரை 
படங்கள்; ஈ.ஜெ.நந்தகுமார்
 

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ