Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

பிஎஃப் பணத்துக்கான டிடிஎஸ் வரம்பு அதிகரிப்பு!

5 வருடத்துக்கு குறைவாக உள்ள பி.எஃப் கணக்கிலிருந்து எடுக்கப்படும் பணத்துக்கான டிடிஎஸ் (Tax Deducted at Source) வரம்பு அதிகரிக்கப்பட்டுள்ளது.

தனியார் நிறுவன பணியாளர்கள் சொந்தமாக தொழில் துவங்குதல், வேலை விட்டுவிட்டு வெளிநாடுகளுக்கு போவது, மற்ற சில காரணங்களினால் பணியை தொடர முடியாத நிலையில் தங்களது கணக்கில் உள்ள பிஎஃப் பணத்தை இடையில் எடுக்க வேண்டிய சூழ்நிலை உருவாகும். இப்படி எடுக்கும் பணத்துக்கு டிடிஎஸ் பிடித்தம் செய்யப்படுகிறது.

நிதிச்சட்டம் 2016 பிரிவு 192A ன் படி, பிஎஃப் கணக்கிலி ருந்து வெளியே எடுக்கும் பணம் ரூ.30 ஆயிரம் அல்லது அதற்கு குறைவாக இருந்தால் டிடிஎஸ் பிடித்தம் செய்யப்படும் என்ற விதி இதுவரை நடைமுறையில் இருந்தது. இந்த வரம்பு தற்போது ரூ.50 ஆயிரம் என அதிகரிக்கப்பட்டுள்ளது.  இது ஜூன் 1 ம் தேதி முதல் அமலுக்கு வருகிறது.

டிடிஎஸ் பிடித்தம் செய்வதால் தேவையில்லாமல் பிஎஃப் கணக்கை முடித்து அதிலிருந்து பணத்தை எடுப்பது குறையும். நீண்ட கால சேமிப்பு அதிகரிக்கும் என நம்பப்படுகிறது.

மூத்த குடிமக்கள் படிவம் 15G, மற்றவர்கள் 15H சமர்பித்தால் டிடிஎஸ் பிடித்தம் செய்யமாட்டார்கள். மேலும் பணியிடம் மாறும்போது பிஎஃப் உறுப்பினர் ஒரு கணக்கிலிருந்து மற்றொரு கணக்குக்கு பணத்தை (transfer)மாற்றும்போது டி.டி.எஸ் கிடையாது.

மேலும் பான்கார்டு எண் சமர்பித்தால் 10 சதவிகிதம் டிடிஎஸ் பிடித்தம் செய்யப்படும். பான் எண் இல்லையெனில் கணக்கிலிருந்து எடுக்கப்படும் தொகைக்கு 34.608 சதவிகிதம் டிடிஎஸ் பிடித்தம் செய்யப்படும் என தெரிவிக்கப்பட்டுள்ளது.

- ரூபாவதி

Advertisement
Advertisement
Advertisement
Advertisement
Advertisement

எடிட்டர் சாய்ஸ்

ஆனந்த விகடன் சினிமா விருதுகள் - ஸ்பெஷல் ஆல்பம்!
Advertisement

MUST READ

Advertisement
[X] Close