Vikatan.com

www.vikatan.com would like to send you push notifications.

Notifications can be turned off anytime from browser settings.

'சோக சம்பவ இடத்திலும் திருடுகிறார்களே!' -வேதனையுடன் இளைஞர்கள்

ஓசூர்: விபத்து நடத்த இடத்தில் மீட்பு பணியில் ஈடுபட்டிருந்த இளைஞர்களின் மோட்டார் சைக்கிள்கள் திருடப்பட்டுள்ளதால், சோக சம்பவம் நடந்த இடத்திலும் திருடுகிறார்களே என மனவேதனை அடைந்து அவர்கள் காவல் நிலையத்தை நாடி உள்ளனர்.

ஓசூர் அருகே நேற்று பஸ் மீது லாரி மோதிய விபத்தில் 17 பேர் சம்பவ இடத்திலேயே பரிதாபமாக பலி ஆனார்கள் 27 பேர் படுகாயத்துடன் மருத்துவமனையில் அனுமதிக்கப்பட்டு சிகிச்சை பெற்று வருகின்றனர்.

விபத்து நடந்த இடமான மேலுமலை பகுதியில், இந்த விபத்தை பார்த்ததும் அந்த வழியாக சென்ற இளைஞர்கள் பலர் தங்களின் மோட்டார்சைக்கிள்களை சாலையோரம் நிறுத்திவிட்டு மீட்புப்பணிகளில் ஈடுபட்டு இருந்துள்ளனர். அவர்கள் மீட்புப்பணிகளை முடித்துவிட்டு திரும்பி வந்து பார்த்தபோது, தங்களுடைய மோட்டார் சைக்கிள்களை காணாமல் அதிர்ச்சி அடைந்துள்ளனர்.

மொத்தம் 10 பேரின் மோட்டார் சைக்கிள்களை மர்ம நபர்கள் திருடிச்சென்று இருப்பதாக கூறப்படுகிறது. இதனால், மோட்டார் சைக்கிள்களை இழந்த இளைஞர்கள், 'சோக சம்பவம் நடந்த இடத்திலும் திருடுகிறார்களே' என்று கூறியபடியே வேதனையுடன் காவல் நிலையத்தை நாடி உள்ளனர்.

மேலும், விபத்தில் சிக்கிய பஸ்சுக்கு, கிருஷ்ணகிரியில் இருந்து ஓசூர் வழியாக கர்நாடக மாநிலம் மாலூருக்கு செல்ல உரிமம் (பெர்மிட்) வழங்கப்பட்டு இருந்தது. ஆனால், கடந்த 12 ஆண்டுகளாக இந்த பஸ் இயக்கப்படவில்லை என்று கூறப்படுகிறாது. இந்நிலையில், ஓசூரைச் சேர்ந்த விஸ்வநாத் என்பவர் இந்த பஸ்சை வாங்கி நேற்று தான் முதல் முறையாக இயக்கி இருக்கிறார்.

இதற்காக, கிருஷ்ணகிரியில் இருந்து நேற்று மதியம் 1.45 மணிக்கு முதல் இயக்கத்தை பஸ் தொடங்கி இருக்கிறது. ஆனால், புறப்பட்ட 20 நிமிடத்திலேயே பஸ் விபத்துக்குள்ளாகி கோர விபத்து ஏற்பட்டிருக்கிறது. விபத்துக்குள்ளான லாரியை கிரேன் மூலம் அப்புறப்படுத்தும் பணி நடந்தபோது லாரியின் முன் இருக்கையில் மதுபாட்டில்கள் இருந்தன. பாதி மதுவை குடித்த நிலையில் ஒரு பாட்டில் கிடந்தது. எனவே, டிரைவர் மது குடித்துவிட்டு லாரியை ஓட்டியதே விபத்துக்கு காரணம் என கூறப்படுகிறது.

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ