Vikatan.com

www.vikatan.com would like to send you push notifications.

Notifications can be turned off anytime from browser settings.

' இனி ஐவரணியும் கிடையாது; ஆட்டமும் கிடையாது! -கறார் காட்டும் கார்டன்

அ.தி.மு.க அரசை ஆட்டுவித்து வந்த ஐவர் அணிக்கு மொத்தமாக மூடுவிழா நடத்திவிட்டார் முதல்வர் ஜெயலலிதா. ' ஐவர் அணியின் அதீத வளர்ச்சியும் திரண்ட சொத்துக்களும்தான் இந்த அதிரடி முடிவுக்குக் காரணம்' என்கின்றனர் தலைமைச் செயலக வட்டாரத்தில்.
 
சட்டசபைத் தேர்தலில் வெற்றி பெற்ற கையோடு, அதிகாரத்தை மிகுந்த கவனத்தோடு வழிநடத்தி வருகிறார் ஜெயலலிதா. காரணம். எதிர்க்கட்சியின் அசுர பலம். கடந்த ஆட்சியில், ' கட்சிக்காரர்களின் புகார்கள், கோரிக்கைகள் ஆகியவற்றைப் பரிசீலித்து நடவடிக்கை எடுப்பதற்காக' ஐவரணி என்ற ஒன்றை நியமித்தார் முதல்வர். இந்த அணியில், ஓ.பன்னீர்செல்வம், நத்தம் விஸ்வநாதன், வைத்திலிங்கம், எடப்பாடி பழனிச்சாமி, பழனியப்பன் ஆகியோர் இடம்பெற்றிருந்தனர். கட்சியில் இவர்கள் செலுத்திய ஆதிக்கத்தால் கதிகலங்கிப் போனார்கள் கட்சியின் சீனியர் நிர்வாகிகள் பலரும். தலைமைச் செயலகத்தில் எந்தக் கூட்டம் நடந்தாலும், முதல்வர் அருகில் ஐவரணியினரே நின்றார்கள்.

' ஆட்சி அதிகாரமே நாங்கள்தான்' என்ற மிதப்பில் ஐவரணி செயல்பட்டு வந்தது. தேர்தலுக்கு முன்பு, ஓ.பி.எஸ் வீட்டின் முன்பு சீட்டுக்காக திரண்டிருந்த கூட்டம்தான், முதல்வருக்கு மிகப் பெரிய எச்சரிக்கையைக் கொடுத்தது. இதுபற்றி உளவுத்துறை அதிகாரிகள் கார்டனுக்கு விரிவான தகவல் அனுப்பினர். இதையடுத்து, ஐவரணியைத் தீவிரக் கண்காணிப்பு வளைத்திற்குள் கொண்டு வந்தார் ஜெயலலிதா. அடுத்தடுத்த நாட்களில், ஓ.பி.எஸ், பழனியப்பன் மற்றும் ஒரு சீனியர் அமைச்சர் வீடுகள், உதவியாளர் வீடுகள் என ரெய்டு தூள் பறந்தது. ' இந்த ரெய்டில் முப்பதாயிரம் கோடி ரூபாய் அளவுக்குப் பணம் பறிமுதல் செய்யப்பட்டதாக', தி.மு.க தலைவர் கருணாநிதி அறிக்கை வெளியிட்டார். அதே போல பாமக நிறுவனர் டாக்டர் ராமதாஸ்,மதிமுக பொதுச் செயலாளர் வைகோ, இந்திய கம்யூனிஸ்ட் முத்தரசன், மார்க்சிஸ்ட் கம்யூனிஸ்ட் கட்சியின் மாநிலச் செயலாளர் ஜி.ராமகிருஷ்ணன் ஆகியோரும் அமைச்சர்களிடம் நடத்தப்பட்ட ரெய்டு குறித்து விளக்கம் கேட்டு இருந்தனர். இதற்கு அ.தி.மு.க தரப்பில் இருந்து எந்தப் பதிலும் வரவில்லை.

சட்டமன்றத் தேர்தலிலும் ஐவரணியில் கோலோச்சிய இருவர் தோல்வியைத் தழுவினர். எனவே, ' இந்தமுறை ஐவரணியில் யார் இடம் பெறுவார்கள்?' என சீனியர்களுக்குள் போட்டி ஏற்பட்டது. ஆனால், " ஐவரணி என்ற ஒன்றுக்கே முதல்வர் இடமளிக்க விரும்பவில்லை" என்கிறார் அ.தி.மு.கவின் சீனியர் நிர்வாகி ஒருவர். அவர் நம்மிடம், " கடந்த ஆட்சிக்குக் கெட்ட பெயரை உருவாக்கித் தந்ததில், ஐவரணிக்குப் பெரிய பங்கு உண்டு. தொழிலதிபர்கள் உள்பட காரியம் சாதிக்க நினைப்பவர்கள் எல்லாம், ஐவரணியின் வீடுகளையே தஞ்சம் அடைந்தார்கள். ஓரிரு ஆண்டுகளில் ஐவரணி அமைச்சர்களின் வளர்ச்சியைப் பார்த்து கட்சிக்காரர்கள் அதிர்ந்து போனார்கள்.

சில அமைச்சர்கள் பற்றி உள்ளூர் கட்சிக்காரர்கள் அனுப்பும் புகார் மனுக்கள் மீதும் நடவடிக்கை எடுக்கப்படவில்லை. புகார் சொல்பவர்களை கட்டம் கட்டும் வேலைகள்தான் நடந்து வந்தன. இந்தமுறை ஓ.பி.எஸ், எடப்பாடி ஆகியோருக்கு மட்டுமே அமைச்சர் பதவி கொடுத்துள்ளார் முதல்வர். பழனியப்பன் மீது இன்னமும் கோபத்தில்தான் இருக்கிறார் முதல்வர். ஆட்சியின் முதல்நாளிலேயே, ' ஆய்வுக் கூட்டங்களில் துறை அமைச்சர், அதிகாரிகள் பங்கேற்றால் மட்டுமே போதும்' என அதிரடியாக உத்தரவிட்டுள்ளார் முதல்வர். இதனால் தங்கள் துறைகளைக் கவனிக்க அமைச்சர்களுக்கு முழு சுதந்திரம் வழங்கிவிட்டார் அம்மா. இனி ஐவரணியும் கிடையாது. ஆட்டமும் கிடையாது" என்றார் உற்சாகமாக.

கார்டனைப் பொறுத்தவரையில், யாருக்கு எப்போது அதிகாரம் வரும் என்பது முதல்வருக்கு மட்டுமே தெரிந்த ரகசியம். ' இனியொரு ஐவரணி அமையாமல் இருந்தாலே போதும்' எனப் கும்பிடு போடுகிறார்கள் ரத்தத்தின் ரத்தங்கள்.

ஆ.விஜயானந்த்

 

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ