Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

நீடிக்கும் மர்மம்; சிபிஐ கைக்கு செல்கிறது நடிகர் கலாபவன் மணி 'மர்ம' மரணம்!

 திருவனந்தபுரம்; கேரளாவில் மர்மமான முறையில் இறந்த பிரபல குணச்சித்திர நடிகர் கலாபவன் மணியின் மர்ம மரணம் குறித்த வழக்கை சிபிஐக்கு பரிந்துரைத்து வழக்கு குறித்த சர்ச்சைக்கு முற்றுப்புள்ளி வைத்துள்ளது கேரள அரசு.

கேரள மாநிலம் திருச்சூர், சாலக்குடியை சேர்ந்த கலாபவன் மணி மலையாளம், தமிழ், தெலுங்கு என 200-க்கும் மேற்பட்ட படங்களில் நடித்து புகழ்பெற்றவர்.

கடந்த மார்ச் மாதம் சாலக்குடியில் உள்ள தனது பண்ணை வீட்டில் நண்பர்களுடன் மது அருந்திய கலாபவன் மணி பின்னர் உடல்நலம் பாதிக்கப்பட்டார். இதையடுத்து கொச்சியில் உள்ள தனியார் மருத்துவமனையில் அனுமதிக்கப்பட்ட அவர் சிகிச்கை பலனின்றி 2 நாட்களுக்கு பின் மார்ச் 6-ம் தேதி மரணமடைந்தார்.

அவரது மரணம் குறித்து கேரள போலீஸார் வழக்குப் பதிவு செய்து விசாரணை நடத்தி வந்தனர். உடல் உறுப்பு பரிசோதனையில் குளோரோபைரிபாஸ் என்ற பூச்சிக் கொல்லி மருந்து அவர் உணவுப்பையில் கலந்திருப்பது கண்டறியப்பட்டது. மேலும் ஹைதராபாத்தில் உள்ள ஆய்வகத்தில் நடத்தப்பட்ட சோதனையில் அவரது ரத்தத்தில் மெத்தில் ஆல்கஹால் என்ற நஞ்சு கலந்திருப்பதாக தெரியவந்தது.

இதனிடையே கேரள போலீஸாரின் விசாரணை திருப்தி அளிக்காததாகக் கூறி கலாபவன் மணியின் உறவினர்கள் பகிரங்கமாக குற்றம்சாட்டியதோடு இந்த வழக்கை சிபிஐ-க்கு மாற்ற வேண்டும் என்று கோரிக்கை வைத்தனர். ஆனால் அதற்கு அப்போதைய கேரள அரசு மறுப்பு தெரிவித்தது. 'மாநில போலீஸாரே இந்த வழக்கின் விசாரணையை நடத்துவார்கள்' என்று அறிவித்தது.

இதனிடையே கேரளாவில் ஆட்சி மாற்றம் ஏற்பட்டு மார்க்சிஸ்ட் தலைமையிலான புதிய அரசு பதவியேற்றநிலையில் முதல்வர் பினராயி விஜயனை சந்தித்து  கலாபவன் மணியின் உறவினர்கள் தங்கள் கோரிக்கையை மீண்டும் வலியுறுத்தினார்.

இதை ஏற்றுக்கொண்ட கேரள அரசு, கலாபவன் மணியின் மர்ம மரணம் குறித்து சிபிஐ விசாரணைக்கு பரிந்துரை செய்துள்ளது. உடனடியாக இதுகுறித்து கேரள மாநில காவல்துறை தலைவர் லோக்நாத் பெஹரா மத்திய அரசுக்கு கடிதம் அனுப்பியுள்ளார்.

இதனிடையே மணியின் வழக்கு சிபிஐக்கு மாற்றப்பட்ட விவகாரம் அவரது உறவினர்களிடையே நம்பிக்கையை ஏற்படுத்தியுள்ளது. இதுதொடர்பாக செய்தியாளர்களிடம் பேசிய மணியின் சகோதரர், 'எங்களது கோரிக்கையை ஏற்று சிபிஐ விசாரணைக்கு அரசு பரிந்துரை செய்திருப்பது மகிழ்ச்சி அளிக்கிறது. எனது சகோதரரின் மரணத்தில் விரைவில் உண்மைகள் வெளிவர வேண்டும்' என்று தெரிவித்தார்.

 

Advertisement
Advertisement
Advertisement
Advertisement
Advertisement

எடிட்டர் சாய்ஸ்

ஆனந்த விகடன் சினிமா விருதுகள் - ஸ்பெஷல் ஆல்பம்!
Advertisement

MUST READ

Advertisement
[X] Close